10. януар
10. януар — 10. дзень у року по Григориянским календаре. До конца рока єст ище 355 днї (356 днї у преступним року).
Подїї
[ушориц | ушор жридло]- 49. п. н. е. – Римски войсководитель, политичар и писатель Ґай Юлиє Цезар прешол прейґ рики Рубикон у Италиї з чим виволана гражданска война медзи Помпею и Сенатом. З тей нагоди вигварел Коцка руцена (Alea iacta est), цо остало запаметане як синоним за шмелу одлуку зоз ризичнима пошлїдками.
- 1920 — основана Лиґа Народох, предходнїца Орґанизациї зєдинєних нацийох (ОЗН).
- 1998. – Шветови дзень шмиху. Наука о шмиху вола ше ґелотолоґия. Шветови дзень шмиху обдумал 1998. року индийски лїкар Мадан Катария, снователь йоґи шмиху, окремней технїки у хторей ше комбинує ґрупни шмих и йоґа.
Народзени
[ушориц | ушор жридло]- 1909 – Народзени сербски физичар и хемичар и академик Павле Савич (Солун, 10. януар 1909 – Беоґрад, 30. май 1994), єден є з пренаходзачох процесу нуклеарней физиї, бул професор на Беоґрадским универзитету, предсидатель Сербскей академиї наукох и уметносцох од 1971. по 1981. рок. Шветово познати науковец постал кед зоз Ирену Жолио Кири 1937. и 1938. року одкрили изотопи познатих елементох зоз бомбардованьом атома урану зоз спомалшенима неутронами. У Другей шветовей войни бул вибрани за подпредсидателя на Першим зашеданю АВНОЙ-а, а по войни орґанизовал Институт за нуклеарни науки у Винчи при Беоґрадзе.
- 1928 – Народзени Янко Олеяр (Дюрдьов, 10. януар 1928 – Руски Керестур, 11. януар 1994), учитель, просвитни, културни и дружтвени роботнїк.
Умарли
[ушориц | ушор жридло]- 1778 – Карл фон Лине (лат. Carolus Linnaeus, швед. Carl von Linné) бул шведски науковец и академик, оцец Таксономиї и єден зоз сновательох сучасней еколоґиї.
- 1960 – Иван Русенко, народни лемковски поета и маляр.