10. май

10. май — 130. дзень у року (131. дзень у преступним року) по Ґреґориянским календаре. До конца рока єст ище 235 днї.

Подїї

• 1844 — Началнїк Министерства просвити у сербскей влади Йован Стерия Попович послал шицким окружним началством допис най стари ствари посилаю до Народного музею. Тот датум ше трима як Дзень снованя Народного музею у Беоґрадзе.

• 1904 — Основана фирма Хорх (Horch), хтора познєйше постала Ауди (Audi AG).

• Медзинародни дзень рушаня, физичней активносци. У рамикох ґлобалней инициятиви жеми членїци Шветовей здравственей орґанизациї (ШЗО) запровадзую Медзинародни дзень физичней активносци од 2002. року же би промововали физичну активносц як основну активносц за очуванє и унапредзованє здравя каждого чловека.

• Шветови дзень птицох и древох хтори преглашела Ґенерална скупштина Зєдинєних нацийох з цильом же би ше очувало ридки файти птицох и древох. Зоз зрезованьом древох и знїщованьом лєсох знїщує ше и природни места на хторих птици правя гнїзда.

Народзени

• 1931 — Народзела ше малярка Олґа Оля Иванїцки (Панчево, 10. май * 1931 – Беоґрад 24. юний 2009).

Умарли

• 2024 — Др Яков Кишюгас (*1. новембер 1948—†10. май 2024), професор русийского язика, визначни просвитно-педаґоґийни дїяч, професор на Оддзелєню за русинистику Филозофского Факултету у Новим Садзе.