Ґутация

Ґутация (лат. gutta, а значи ,,капка'') то процес одкапкованя води у форми чечних капкох на повеерхносци рошлїни з помоцу хидратодох. До того приходзи пре зменшану швидкосц транспирациї при нормалним прициску кореня. Слаба шветлосц, без витру и висока влажносц спричинюю ґутацию. Ґутация ше найчастейше зявює на верху лїсцох лєбо зубкох лїсца дзе ше находза хидратоди, водени мехурки лєбо хидратоди прейґ хторих ше вилучує вода.^[1]

Ґутация досц часта при велїх тропских рошлїнох тропских дижджовних лєсох (напр. бразилске древо) и часто ше обачує на верщку лїсцох младих пелцерох або пупчатох. Треба знац же капки хтори ше зявюю на лїсцох, або медзи чеперками и пелцерами то нє росово капки. Сок хтори вилучени прейґ ґутациї содержи розлични нєорґански материї, аминоквашнїни, цукри, орґански квашнїни итд. Його специфични хемийни состав може указац на станє метаболизма и ступень безпечносци рошлїнох поєдиних йонох.

У умерених ґеографских ширинох, нїжна верба древенаста рошлїна хтора интензивно одпущує капки.^[2] Ґутация ше обачує и при орхидеї. Ґутацию нє треба мишац зоз росу.