Ґордон

Ґордон
	Cirsium arvense
Наукова класификация
Царство	Plantae
Кладус	Tracheophytes
Кладус	Angiospermae
Кладус	Eudicotidae
Кладус	Астеридс
Ряд	Asterales
Фамилия	Asteraceae
Род	Cirsium
Файта	C. arvense
Биномнe мено
	Cirsium arvense (Linnаeus) Scop.

Ґордон (лат. Cirsium arvense, серб. паламида, слц.диял. gordon, од мадь. gordon и gordony = коров, ґаз) файта рошлїни зоз фамилиї главочкових рошлїнох.^[1] Перше росла на просторох Европи и сиверней Азиї, одкаль ше розширела вшадзи по швеце.

Опис рошлїни

Ґордон вецейрочна рошлїна висока 30 до 160 центи. Ма барз моцну кореньову систему з пупчами, зоз хторих ше розвиваю над'жемни вигнанци. Розмножує ше веґетативно (з вигнанцами) и ґенеративно (з нашеньом). На єден квадратни метер мож найсц вецей як 500 кореньово пупча, хтори можу дац нови рошлїни. Стебло просте и розконарене, почина роснуц вчас на яр. За кратки час ше може розвиц. Лїсца зменююци, роздзелєни и маю цернє. Квитки позберани до главкастих ґириздох целовей фарби. Ґордон дводомова рошлїна. Квитнє влєце и вєшенї. Дава до 40000 нашенька (штреднє 4 до 5 тисячи) ключкавосци и вецей як 6 роки. Нашенька ше розноша з витром (анемохорно). Ключкаю з барз малей глїбини, вєшенї. Швиже нашенє добре виключка.

Значносц

Ґордон барз часте, жилаве и чкодлїве коровче. Рошнє по оранїнох, у винїцох, овоцнїкох и по пажицох, а тиж и на нєпольопривредних теренох. Моцни є компетитор. Може ше зявиц масовно, та теди загартуши шаца. Рошнє на глїбокей, гумидней и плодней жеми. Ґордон нитрофилна рошлїна. Млади рошлїни статок є, а стари груби и джобаци, та спричинюю механїчни покалїченя, окреме на устох статку. Тота рошлїна домашня за даєдни печарочково хороти, инсекти и нєматоди.