Японске яблуко
| Японске яблуко | |
|---|---|
 | |
| Наукова класификация | |
| Царство | Plantae |
| (нєранґоване) | Angiospermae |
| (нєранґоване) | Eudicotidae |
| (нєранґоване) | Asterids |
| Ряд | Ericales |
| Фамилия | Ebenaceae |
| Род | Diospyros |
| Файта | D. kaki |
| Биномне мено | |
| Diospyros kaki L.f. | |
| Синоними | |
| Diospyros chinensis Blume (nom. nud.) | |
Японске яблуко (лат. Diospyros kaki) древаста рошлїна з фамилиї Ebenaceae, позната у швеце и под меном каки яблуко або лєм каки. Каки яблуко може роснуц як вецей древа хтори виросли з истого кореня, або лєм як єдно древо и може досцигнуц висину од 7,5 метери. Найлєпше рошнє у предїлох хтори маю умерено жимни жими и нє барз цепли лєта.
Походзенє
[ушориц | ушор жридло]Японске яблуко походзи з Япону, дзе мож найсц стебла тей рошлїни стари и пейц вики. У Европи ше зявює коло половки 19. вику, а у Южней Америки ше култивує аж од конца 19. вику.
Плод
[ушориц | ушор жридло]
У каждей рочней часци тото древо родзи, цо завиши од файти, як и плоди, хтори можу буц у форми звичайного яблука, шерца, кляпчистейши або длуговасти. Тиж єст и вельки розлики у велькосци и чежини плоду каки японского яблука - од пар стотки ґрами до скоро єдней кили. Фарба японского яблука тиж идзе од блядожовто-помаранчецовей по цмопомаранчецово-червену фарбу. Цали плод ше є, окрем погарика квитку и нашеня. Свою подполну форму, арому и фарбу досцигує аж при концу веґетативней сезони рошлїни, коло половки єшенї. Плод ма специфичну чувствительносц на пременки температури и маржнє на температурох спод -15 °C. Висока концентрация танину у нєузретих плодох дава горки смак, а у комбинациї з достаточним количеством каротенїду у плоду дїйствує як моцни антиоксиданс. [1]
Медицински аспект
[ушориц | ушор жридло]Японске яблуко ма у себе вельо флавоноїди, а окреме кверцетин, прецо є барз хасновите у лїченю кардиоваскуларних хоротох. Восточна традиционална медицина хаснує праве каки яблуко як помоц у лїченю запалєня черевох, гемороидох, хоротох жалудка и печинки. Єдно японске яблуко ма 12.6 mg витамину Ц, цо 21% препорученого дньового уношеня того витамину. У плоду японского яблука тиж єст досц влакана, зоз чим ше знїжує уровень голестеролу у креви и реґулує претровйованє.[2]
Ґалерия
[ушориц | ушор жридло]-
Узрети плоди у овоцнїку
Литература
[ушориц | ушор жридло]- Jan Kišgeci „Lekovite i aromatične biljke” Partenon, Srpska književna zadruga Novi Sad, 2008. godina.
Вонкашнї вязи
[ушориц | ушор жридло]- Каки-цењено воће, Господарски лист gospodarski-list.hr
Референци
[ушориц | ушор жридло]- ↑ Japanska jabuka kaki kao lek, dijetamesecevemene.com
- ↑ Japanska jabuka, mavmrasadnik.com