Янко Чижмар
| Янко Чижмар | |
|---|---|
 | |
| Датум народзеня | 10. марца 1929. |
| Датум упокоєня | 2. новембра 2016. |
| Державянство | югославянске, сербске |
| Школа | Основна школа |
| Период твореня | 1948—1992. |
| Жанри/технїки | олєй на платну, пейзажи |
| Поховани | у Ґосподїнцох |
Янко Чижмар (*10. марeц 1929—†2. новембeр 2016), маляр аматер
Биоґрафия
[ушориц | ушор жридло]Янко Чижмар народзени 10. марца 1929. року у Руским Керестуре. Кед мал три роки преселєл ше зоз оцом Янком до Ґосподїнцох, дзе роснул и ходзел до школи. Потим прешол жиц и робиц до Нового Саду. Роками бул присутни як маляр аматер насампредз у подобовим живоце рускей националней заєднїци, алє тиж так и ширше у подобових кругох Нового Саду, Войводини и Републики Сербиї. Янко Чижмар мал вецей самостойни вистави у Новим Садзе (коло 10), Ґосподїнцох (5), Руским Керестуре (2), Жаблю, Дюрдьове, Беоґрадзе, Чачку, Суботици. Участвовал на вецей колективних виставох.
Бул член Здруженя подобових уметнїкох аматерох Нового Саду и Клуба подобових уметнїкох Дружтва за руски язик, литературу и културу. За свою подобову творчосц Янко Чижмар достал вецей припознаня, медзи хторима и награда за линорез на рочней смотри подобових аматерох Сербиї у Суботици. Заступени є у Моноґрафийох Подобова творчосц Руснацох (2003) и Подобова колония Стретнуце у Боднарова (2015), хтори видало Дружтво за руски язик, литературу и културу у Новим Садзе.
На чесц 80-рочнїци народзеня Янка Чижмара у децембре 2009. року у рамикох 19. манифестациї Днї Миколи М. Кочиша у Ґосподїнцох була отворена подобова вистава на хторей були виложени його 34 подобово роботи, насампредз пейзажи. 26. януара 2010. року иста вистава була и у Руским културно-просвитним дружтве (тераз РКЦ) у Новим Садзе, познєйше и у Дружтве Руснацох у Суботици.
Янко Чижмар умар 2. новембра 2016. року у Новим Садзе. Поховани є у Ґосподїнцох.
Ґалерия
[ушориц | ушор жридло]-
Витерняк -
Войводянски мотив
Литература
[ушориц | ушор жридло]- Ґрупа авторох, „Янко Чижмар, маляр аматерˮ, Подобова творчосц Руснацох, - Дружтво за руски язик, литературу и културу, Нови Сад, 2003, б. 133
- Янко Чижмар (1929-2016), Руски християнски календар 2017, Руске слово-Дзвони, 2016, б. 207.
Вонкашнї вязи
[ушориц | ушор жридло]- Умар подобови уметнїк Янко Чижмар Ипа/Зам, Рутенпрес, www.ruskeslovo.com, 4. новембер 2016.