Янко Варґа
| Янко Варґа | |
|---|---|
 | |
| Датум народзеня | 20. марца 1950. |
| Датум упокоєня | 15. авґуста 2022. (73) |
| Державянство | югославянске, сербске |
| Язик творох | сербски, руски |
| Школа | Ґимназия, Вербас и Нови Сад |
| Универзитет | Економски факултет, Суботица |
| Период твореня | 1975—2015. |
| Жанри | привредне плановнє, економско-финансийни роботи, руководзаци функциї |
| Поховани | у Руским Керестуре |
Янко Варґа (*20. марец 1950 —†15. авґуст 2022), директор комбинату ПК Перши май и Землєдїлскей задруґи Дукат у Руским Керестуре, бул дружтвени дїяч активни у руских институцийох,
Биоґрафия
[ушориц | ушор жридло]Янко Варґа народзени 20. марца 1950. року у Руским Керестуре. Оцец Любомир и мац Наталия родз. Сопка. Янко мал двох братох, Владислава и Йоакима. Янко закончел основну школу Петро Кузмяк у Руским Керестуре. Ґимназию закончел у Вербаше и Новим Садзе, а на Економским факултету у Суботици дипломовал индустрийни напрям 1975. року.
Перше роботне место му було у Општинских орґанох у Кули, перши рок як приправнїк, а вец єден рок як руководитель планскей служби. Шлїдуюци 4 роки робел як директор Заводу за дружтвене планованє и бул член вивершней ради Скупштини општини Кула.
У марцу 1986. року почал робиц у ПК Перши май у Руским Керестуре. Перши 5 роки робел як помоцнїк директора за економско-финансийни роботи, а вец 2 роки як директор Комбинату. Под час свойого мандату окреме ше закладал за злєпшанє инфраструктури и условийох роботи у тим подприємстве. Од 1993. року прешол до Землєдїлскей задруґи Дукат, тиж у валалє, перше як заменїк директора 5 роки, а потим як директор роби тиж 5 роки.
У руских институцийох бул активни як член Управного одбору Руского слова у Новим Садзе, член Совиту месней заєднїци Руски Керестур, и як член Управного одбору Дома култури у Руским Керестуре.
Окреме почитовал и любел нашу Церкву и часто одходзел на богослуженя до Марийового святилїща Водици.
Янко Варґа бул у малженстве зоз Ирину родз. Пашо, мали два дзивки, Маю и Ясну.
Янко Варґа ше упокоєл 15. авґуста 2022. року у 73. року живота. Поховани бул 16. авґуста 2022. року на керестурским теметове.
Вонкашнї вязи
[ушориц | ушор жридло]М. Афич, У Керестуре поховани дипл. економиста Янко Варґа, Рутенпрес, ruskeslovo.com, 18. авґуст 2022.