Яким Сабадош
| Яким Сабадош | |
|---|---|
 | |
| Назвиско | Яша |
| Датум народзеня | 1923. року |
| Датум упокоєня | фебруар, 2008. року |
| Державянство | югославянске, сербске |
| Язик творох | руски, сербски |
| Школа | Штредня школа, Нови Сад |
| Универзитет | Филозофски факултет, Беоґрад |
| Период твореня | 1946-1985. |
| Жанри | образованє, шах |
| Поховани | Городски теметов, Нови Сад |
Яким Сабадош (*1923—†фебруар, 2008), педаґоґ, полиґлота, шахиста.
Биоґрафия
[ушориц | ушор жридло]Яким Сабадош народзени 1923. року у Дюрдьове. Основну школу закончел у родзеним валалє, штредню школу у Новим Садзе а диплому професора историї здобул на Филозофским факултету у Беоґрадзе.
Бул учаснїк НОБ од 1944. року и участвовал у чежких борбох на Батини.
По ошлєбодзеню жеми Яким Сабадош робел як професор историї у основней школи Петро Кузмяк у Руским Керестуре.
Яким Сабадош 1954. року у Шветлосци число 3 и 4 обявел статю з насловом Походзенє и приход Руснацох до Бачкей, хтора спричинєла значне реаґованє єдней часци руских културних дїячох. Вон бул на становиску такволаней словацкей теориї чийо прихильнїки твердзели же панонски руски язик стандардизовани восточнословацки диялект (Ф. Пастрнек, О. Соболевский, О. Брох, Й. Шкулети, Й. Штолц, Ф. Тихи, Е. Паулини, В. Чарски) цо спричинєло релативно моцнєйши дискусиї у интелектуалних кругох.
Прешвечени же є по походзеню Виходняр, Яким Сабадош прешол робиц до Бачкого Петровца дзе, окрем историї, преподавал и нємецки язик, (алє на годзинох преподавал по сербски, бо по словацки нїґда нє научел по тот уровень же би могол без проблемох преподавац у штреднєй школи).
Познєйше, Яким Сабадош прешол до Нового Саду дзе бул помоцнїк директора у Економскей школи а як професор историї робел по одход до пензиї.
Яким Сабадош бул образовани чловек, бешедовал даскельо язики и обявел даскельо науково роботи.
Од вчасней младосци Яким Сабадош бул вельки любитель шаху и добри бавяч та здобул титулу ФИДЕ майстра.
Яким Сабадош ше упокоєл концом фебруара 2008. року, у 85. року живота. Поховани є 27. фебруара на Городским теметове у Новим Садзе.
Литература
[ушориц | ушор жридло]- Ш. Н. Яким Сабадош (1923-2008). Новини Руске слово, рок LXIII, число 10 (3255), Нови Сад, 7. марец 2008, б. 5.
- Тамаш, др Юлиян, "Просвитни роботнїки 1944-1991. року", Руски Керестур, лїтопис и история (1745-1991), Месна заєднїца Руски Керестур, 1992, бок 413.
Вонкашнї вязи
[ушориц | ушор жридло]- Мирон Жирош. Бачванско-сримски Руснаци дома и у швеце 1745-1991 (реферат), часц Визнaчни спортисти, репрезентaтивци, рекордерe, Яким Сабадош чис. 16. Вебсайт Руснаци у Панониї, rdsa.tripod.com.
Тот текст то текст-зародок. До ньго треба унєсц информациї хтори нєдоставаю же би бул цо комплетнєйши.