Юрий Панько
| Юрий Панько | |
|---|---|
 | |
| Датум народзеня | 3. мая 1933. |
| Датум упокоєня | 22. юния 2017 (84) |
| Державянство | словацке |
| Язик творох | русински, русийски, українски |
| Школа | Русийска ґимназия, Гумене |
| Универзитет | Русийски язик и литература, Прешов |
| Наукови ступень | докторат филозофиї, Универзитету у Брну (1970) |
| Период твореня | 1957-1997. |
| Жанри | филолоґия, линґвистика, лексикоґрафия |
| Поховани | На теметове у Орябини |
Позарядови професор др Юрий Панько (*3. май 1933 - †22. юний 2017), визначни русински филолоґ, линґвиста, кодификатор русинского язика, слависта, лексикоґраф, автор модерного словацко-русинского словнїка, учитель и академски преподавач
Юрий Панько народзени 3. мая 1933. року у русинским валалє Рокитив при Гуменим, дзе закончел основну школу а 1945. року ступел до Русийскей ґимназиї у Гуменим дзе 1953. року зложел матурски испит. Предлужел студирац українски язик и литературу, дипломовал 1957. року и почал робиц як преподавач у штреднєй школи у Старей Любовнї. У медзичаше Юрий Панько позарядово студирал русийски язик и литературу у Прешове а 1962. року постал асистент на Катедри за русийски язик и литературу Универзитета П. Й. Шафарика. Од 1964. року Юрий Панько бул на постдипломских студийох на Универзитету у Брну (нєшкайши Масариков универзитет), а 1970. року здобул званє доктора филозофиї на осову докторскей дисертциї.
Юрий Панько 1975. року, нє по своєй дзеки, мушел зохабиц универзитетску роботу и прейсц на роботу технїчного роботнїка у шпиталю, та потим робел як учитель у Старей Любовнї и учиталь-вихователь у интернату у Прешове.
После паду комунизма 1990. року Юрий Панько ше врацел на Катедру за русийски язик и литерауру универзитета у Прешове (1991. року одбранєл кандидатску тезу, а 1994. року здобул званє позарядового професора) и ту преподавал синтаксу русийского язика по одход до пензиї.
Позарядови проф. др Юрий Панько написал вецей як 140 науково роботи хтори обявени у наукових часописох и русинских периодичних публикацийох. Др Панько бул коавтор учебнїка українского язика (у цеку шейдзешатих рокох 20. вику) и академских скриптох. После политичних пременкох концом осемдзешатих рокох 20. вику Юрий Панько активно участвовал у руху русинского препороду, кед бул єден спомедзи главних кодификаторох русинского язика у Словацкей и автор и коавтор публикацийох з обласци правилох русинского язика, цо приведло до урядовей кодификациї русинского язика 1995. року. Попри коло 10 наукових роботох з обласци русинских студийох Юрий Панько тиж и автор модерного двотомового словацко-русинского словнїка и других лексикоґрафских публикацийох.
Др Юрий Панько умар 22. юния 2017. року, у 84. року живота. Поховани є у русинским валалє Орябина.
Вонкашнї вязи
[ушориц | ушор жридло]https://www.lem.fm/odyishol-dots-pgdr-yuriy-panko-kodifikator-rusinskogo-yazyika-1933-2017/ Одышол доц. ПгДр. Юрий Панько, кодифікатор русиньского языка (1933-2017), Демко Трохановски, вебсайт lem.fm, 23. юний 2017.