Штварток
Штварток - штварти дзень у тижню хтори ше находзи медзи стреду и пиятком (всл. štvartek – исте; од штварти). При шорованю дньох у тижню за штварток ше, у бешеди з дзецми, пригваря: штварток – баба шиє парток.
По даєдних конвенцийох, штвартки у року одредзую чишлєнє тижньох: перши тидзень ше дефинує як тидзень хтори ма перши штварток у року итд.
У Зєдинєним Кральовстве, шицки ґенерални виберанки од 1935. року отримани штварток и то постала традиция, гоч нє законска обовязка - цо значи же ше виберанки можу отримац гоч хтори дзень, окрем соботи, нєдзелї, на Вилїю, Вельки (або Желени) штварток, Вельки пияток, на явни швета у гоч хторей часци Зєдинєного Кральовства и гоч хтори дзень предвидзени за явну подзековносц и жалосц. Пояшнєнє яке ше дзекеди дава за факт же штварток дзень за виберанки таке же вон бул, у векшини варошох, традиционални пиячни дзень, гоч ше тиж так зна же вибор ма практични предносци - резултати виберанкох ше знаю пияток, так же нова або постояца администрация ма викенд орґанизовац ше у пририхтованю за владу за пондзелок, перши дзень нового тижня после виберанкох.
Фразеолоґия:
[ушориц | ушор жридло]Желєни штварток – штварток пред Вельку ноцу:
То штварток у Вельким тижню пред вельконоцну нєдзелю. Тото швето пригадує Тайну вечеру.
Литература
[ушориц | ушор жридло]- Словнїк руского народного язика I, А – Н, Нови Сад 2017, б. 411.
Вонкашнї вязи
[ушориц | ушор жридло]- Четвртак, Википедија на српском језику, sr.wikipedia.org, 26. јул 2005.
- Недељковић, Миле. „Српски и словенски називи за дане у седмици”. vidovdan.org.