Швайка
Швайка (всл. švajka „шидло сияртова, ременяра“; рсй. швайка „вельке шидло зоз хторим ше шиє бочкори“; укр. швайка „грубе шидло“; поль. szwajka и swajka „шидло“):
Ципеларски ручни алат, грубше шидло у форми грубшей а може буц закривеней, металней игли хтора удзата до древеней ручки. Зоз ню ше правя дзири и дзирки на грубшей скори. Напр. на штверцох, обуї -бочкорох, ременьох итд. Мено найвироятнєйше походзи од слова ,,шиц.''
♦ Колчок за ламанє кукурици;
♦ Файта шидла за правенє ярчкох на чутки кукурици: Кед ше з руку лупало кукурицу, на чутки ше перше зоз швайку направело дас три ярчки – виштухало ше три шори зарна (нє єден коло другого), та вец було лєгчейше лупац руку; тоти дражки ше волали ярчки.
♦ Хаснує ше ю и у столарстве за правенє дзиркох на даяких древених предметох або видлабованю прикраскох на хижних стварох, (напр. орманох, посцельох).
Фразеолоґия
[ушориц | ушор жридло]᛫ Меняц шидло за швайку (под. заменїц шидло за мотовидло), достац скоро исте, нє лєпше (односно страциц),
᛫ Златна швайка и мур пребиє; шицко мож зробиц за пенєжи.
᛫ Направиц зоз плуга швайку; посцигнуц мало а з велькима можлївосцами (даремна робота)
Литература
[ушориц | ушор жридло]- Словнїк руского народного язика II, О – Я, Нови Сад 2017, б. 740
Вонкашня вяза
[ушориц | ушор жридло]- Швайка Тлумачний словник української мови