Цинки
| Цинки | |
|---|---|
 | |
| Велька цинка Parus major | |
| Наукова класификация | |
| Домен | Eukaryota |
| Царство | Animalia |
| Тип | Chordata |
| Класа | Aves |
| Ряд | Passeriformes |
| Подряд | Passeri |
| Фамелия | Paridae, Vigors, (1825) |
Цинки (лат. Paridae) велька фамилия птицох шпивачкох, хтора населює сиверну гемисферу и Африку. Цинки углавним мали, лєсово птици кратких пискох. Даєдни файти маю и чуби. Барз су прилагодлїви. Кармя ше з нашеньками и инсектами.[1]
Опис
[ушориц | ушор жридло]З винїмком трох монотипичних родох Sylviparus, Melanochlora и Pseudopodoces, розлични файти цинкох барз здабу єдни на других. фамилия цинкох то єдна з птицових фамилийох з найподобнєйшима файтами у рамику фамилиї.[2] Длужина векшини файтох (шицки роди без трох монотипичних родох) виноши од 10 по 16cm, а маса од 7 по 30g. Кед ше уключа файти зоз трох монотипичних родох длужина ше руша од 9 по 21cm, а маса од 5 по 50g. Векшина варияцийох у фамилиї ше одноши на фарбу пиря.[3]
Писки цинкох углавним кратки. Файти хтори ше вецей кармя з инсектами маю ценши писки, а гевти хтори єдза нашенька грубши. Найнєобичнєйши писки ма файта тибетанска цинка (Pseudopodoces humilis), хтора ма писки длуги и закривени.
Розширеносц и пребувалїска
[ушориц | ушор жридло]Цинки населюю векшу часц Европи, Азиї, Сиверней Америки и Африки. Файти роду Poecile населюю Европу, Азию и Северну Америку. Сибирска цинка (Poecile cinctus) ма вельки ареал, населює простор од Скандинавиї по Аляску и Канаду. Векшина файтох з роду Periparus населює юговосточну Азию (два файти ендемски на Филипинох), док ядловцова цинка (Periparus ater, дакеди Parus ater) населює територию од Британских островох по северну Африку и Япон. Од двох чубастих цинкох з роду Lophophanes, єдна файта чубаста цинка (Lophophanes cristatus, дакеди Parus cristatus) населює Европу, а друга шива чубаста цинка централну Азию. Род Baeolophus ендемски у Северней Америки. Род Parus уключує вельку цинку (Parus major) хтора населєна од заходней Европи по Монґолию. Род Cyanistes населює Европу, Азию и сиверну Африку, а файти з родох Pseudopodoces, Sylviparus и Melanochlora населюю Азию.
Референци
[ушориц | ушор жридло]- ↑ Perrins, C. (1991) pp. 202–203
- ↑ Gosler & Clement. (2007). pp. 669
- ↑ Gosler & Clement (2007). pp. 662–709.
Литература
[ушориц | ушор жридло]Perrins, C. (1991). Forshaw, Joseph, ур. "Encyclopaedia of Animals: Birds". London: Merehurst Press. бок. 202—203.
Gosler, Andrew; Clement, Peter. . "Family Paridae (Tits and Chickadees)". In del Hoyo, Josep; Elliott, Andrew; Christie, David. "Handbook of the Birds of the World.
James, H. F. et al. (2003). "Pseudopodoces humilis, a misclassified terrestrial tit (Paridae) of the Tibetan Plateau: evolutionary consequences of shifting adaptive zones." Ibis 145: 185–202.