Цеменко
Цеменко (серб. темењача, всл. cemeňe; наша форма то деминутив од цеме або цеменє, а то общеславянске, од праслав. temę) – дзецинска хорота на глави: Цеменко то таке як храста на цеменю, жовкавей фарби. Точнєйше, то масц зоз глави и парплї, риня. Настава од студньовей, тупей води, та прето мацери зберали дижджовку, бо вона нє залої власи. Цеменко мали углавним лєм малючки дзеци, нєдопатрени беби, алє тота храста знала вироснуц и на глави векших дзецох.
Цеменко то себорични дерматис верху глави. Зявює ше як масни жовкави насклади на цеменю глави, окреме на часци дзе рошню власи. То анї нє инфекция, анї нє алерґия. Погришно ше трима же цеменко настава як резултат подлей гиґиєни. До зявеня цеменка приходзи пре змоцнєне вилучованє лойних шлїжнїкох.
Лїченє – Порядне купанє и змиванє власох з одвитуюцим шампоном. После купаня з ручнїком осушиц цемено и зачесац. Кед цеменко залапело грубшу и векшу поверхносц дзецинскей главки, тоту часц мож намачац з олєйом за беби.
У векшини случайох цеменко ше поцагнє у першим року дзецкового живота, кед престава змоцнєне вилучованє лойних шлїжнїкох, понеже гормони хтори го спричинєли поступнє капу з орґанизма.
Литература
[ушориц | ушор жридло]- Словнїк руского народного язика II, О – Я, Нови Сад 2017, б. 687
Вонкашнї вязи
[ушориц | ушор жридло]- Karin Vasić, Šta je temenjača i kako je se rešiti?vebsajt doktok.rs, 28. april 2021.
- Šta je temenjača? vebsajt newmed.rs
- Temenjača kod starijih: Seboroični dermatitis glave: uzroci i lečenje. vebsajt minutzamene.com
Жридла на хторих дознаце Вецей о цеменку.