Хасапико

Хасапико танєц у атриюму Запейона (3. марца 1926. року)

Хасапико (гречески: χασαπικο, турски: kasap havası преклад „месарски танєц”) то популарни гречески танєц и танєчна музика алє є превжати у штреднїм вику византийского часу зоз Истамбулу. Односно бул познати на териториї Османского царства, на Балкану и Малей Азиї алє є греческого походзеня. Слово „касап“ етимолоґийно походзи зоз арапского кореня „касаб“- (месар), а значи резац, одрезовац/скрацовац.

То може значиц претаргованє лєбо скрацованє ритма у танцу швидкого темпа. Хасапико ше танцує у традицийним ориєнталним ритму.

Хасапико лєбо хасапикос ма два типи и варирую:

• спомалшени ( μακελλαρικος χορος „чежки хасапико“) а вола ше χασαπικο βαρυ / χασαπικος βαρυς. Односно Месарски танєц хтори спомалшени и найчастейше ше у тей верзиї танца хаснує розмира 4/4 такт.
• швидка верзия вола ше γρηγορο χασαπικο, γρηγορος χασαπικος, μακελλαριος χορος; (григоро хасапик), лєбо χασαποσέρβικο (хасапикосервико) а значи живше.

Тоти мена тиж у вязи зоз сербскима и другима балканскима державами, и мали уплїв на тоту верзию танца.

Швидша верзия тиж ше вола μακελλαριος χορος (макелариос хорос), тота верзия хасапико танцу хаснує розмир 2/4 такт. Крочаї танцу одлучни а стил весели, живши и безбрижни.

Характеристичне за танєц же зоз писню хтори ма старе византийско-греческе походзенє, танцую лєм хлопи, двоме, троме лєбо вецей хлопи, хтори ше тримаю за плєца и вєдно складнє и схопно виводза зложени крочаї и рухи окруцаня.

Хасапико ше найчастейше грає на инструментох: кануни (ориєнтални струнови инструмент), на кларинету лєбо виолини, мандолинох, зурли и на новших типох греческого инструмента-бузуки.

Сиртаки танєц на Accroche-Cœurs фестивалу, май 2008.року.

Сиртаки, сучасни главни гречески танєц, релативно нови, хореоґрафовани танєц, засновани на основи хасапико танцу. То комбинация спомалшеней и швидшей верзиї хасапика. Сиртаки танєц ше зявює у познатим, популарним дїлу филма Никоза Казандзакиса Грек Зорба (музика Микис Теодоракис).

Литература

• Musolf, Nell.Teens in Greece, Nell Musolg Gogl knjige
• McConathy, Osbourne. New Music Horizons: For intermediate grades. — Musical score. — New York: Silver Burdett Co., 1947. — Т. vol. 2. — С. 35.

Вонкашня вяза

• Shay, Anthony Choreographing, Identities: Folk Dance, Ethnicity and Festival in the United States of Canada, — Jefferson, NC: McFarland, 2006. — С. 95,96,98. — 248 с. — ISBN 0-7864-2600-4

• ΧΑΣΑΠΙΚΟ традицийни танєц и музика youtube.com