Франьо Тома
| Франьо Тома | |
|---|---|
| Ту будзе Фотка.jpg | |
| Особни информациї | |
| Датум народзеня | 28. априла 1951. року |
| Датум упокоєня | 17. юлия 2023. року |
| Поховани | у Руским Керестуре |
| Позиция у тиме | централни галф |
| Спорт | Фодбал |
| Державянство | югославянске, сербске |
| Сениорска кариєра | |
| Бавел у тих тимох | ФК Русин, Руски Керестур ФК Бурладинґен, Баден-Виртемберг, Нємецка |
| Припознаня | Почесни член СД Русин |
Франьо Тома (*28. април 1951— †17. юлий 2023), длугорочни фодбалер и тренер ФК Русин зоз Руского Керестура.
Биоґрафия
[ушориц | ушор жридло]Франьо Тома народзени 28. априла 1951. року у Земуну. Оцец Ференц и мац Катарина родз. Клер. Франьо мал ище шестру Ану и братох Адама и Йосипа. До основней школи Франьо ходзел у Савиним селу и у Руским Керестуре. Першу роботу достал у Млєчари.
Франьо Тома ше оженєл зоз Ану родз. Марич. У малженстве мали двох синох, Зорана и Даниєла.
У швеце фодбала
[ушориц | ушор жридло]Франьов старши брат Адам штредком пейдзешатих рокох прешлого вику бавел фодбал за ФК Задруґар зоз Руского Керестура у Срезким першенстве. Понеже ше ФК Русин, концом шейдзешатих рокох, пласовал до висшого ранґу, а у його галф линиї бавели теди уж ветеранє, Владимир Преґун (Ондеров) и Йоаким Козар, то бул час же би ше екипу ФК Русина помоцнєло у охрану зоз младим, високим и моцним бавячом. Як помоцнєнє, а на препоруку його брата Адама, до Керестура 1968. року пришол Франьо Тома зоз Польопривредного маєтку Косанчич. Спочатку Франьо бавел на позициї правого бека а вец пейц роки у успишней галф линиї Хома-Тома-Фекете вон бавел централного галфа док ФК Русин бавел у Бачкей лиґи (зони) односно у штвартим ранґу югославянских фодбалских першенствох. Єден час Франю до своїх шорох сцели привесц кулски ФК Гайдук и ФК Тополя.
Франьо Тома 1973. року пошол на роботу до Заходней Нємецкей и предлужел успишно бавиц фодбал за трецолиґаша ФК Бурладинґен (Баден-Виртемберг). После 10 рокох врацел ше до Керестура и, гоч уж у позних фодбалских рокох, вон сцел помогнуц и ознова почал бавиц за ФК Русин. Франьо вецей раз, у найчежших Русинових рокох, преберал на себе и улогу тренера Русина, аж по конєц Русиновей першенственей сезони 1994/95.
Франьо 2001. року вибрани за почесного члена Спортского Дружтва Русин.
Франьо Тома ше упокоєл 17. юлия 2023. року. Поховани є на теметове у Керестуре.
Вонкашнї вязи
[ушориц | ушор жридло]- Й. Грубеня. Баковово школяре - шлїдбенїки (II), новини Руске слово, www.ruskeslovo.com , 13. фебруар 2023.
- Й. Г. Франьо Тома (1951-2023). Новини Руске слово, Рок LXXIX, число 30 (4055), Нови Сад, 28. юлий 2023, б. 35.