Франсоа Виєт
| Франсоа Виєт | |
|---|---|
 | |
| Особни податки | |
| Народзени | 1540 |
| Умар | 23. фебруара 1603 (62/63) |
| Поховани | Париз |
| Державянство | французке |
| Универзитет | University of Poitiers |
| Наукова робота | |
| Обласци роботи | математичар, криптоґраф, правнїк |
| Польо роботи | Математика |
| Познати по | Утемелїтель алґебри
Виєтова формула за розвой числа |
Франсоа Виєт (* 1540, Фонтне ле Конт, Французка – † 23. фебруар 1603, Париз) по професиї бул французки математичар и правнїк. Його интересованє за астрономию приведло го до преучованя триґонометриї и алґебри.
Родзени є у Фонтне ле Конту и иснує думaнє же ше ховал як католїк; алє нєт сумнїву же даскельо роки бул Гуґенот (французки протестант). По законченю студийох права у Поатєу, Ф. Виєт почал свою кариєру як адвокат у своїм родним варошу. Напущел Фонтне ле Конт коло 1567. року и познєйше постал совитнїк Парламента Бретанї у Рену. Пре релиґийни проблеми напущел тоту позицию, теди го Анри, роански войвода, познати вожд Гуґенотох, вжал под свою окремну зашиту.
Анри од Наваре постал краль Французкей, и Виєтови дате положенє совитнїка у парламенту у Туру (1589). Познєйше постал особни совотнїк кральови и там остал по свою шмерц, хтора ше збула нєсподзивано у Паризу, у фебруару 1603. року. Причина шмерци остала нєпозната.
У дїлох Франсоа Виєта, алґебра постала обща наука о алґебарских єдначинох, заснованих на словним рахунку и рахованю. Виєт 1591. року перши раз уведол словни ознаки нє лєм за нєпознати количнїки, цо уж исновали алє и за датуми т. є. за коефициєнти єдначинох. То оможлївело же би ше по перши раз описали прикмети єдначинох и їх кореньох хаснуюци общи формули а сами алґебарски вирази постали способи зоз хторима ше могли виводзиц операциї.
У математики, односно алґебри, познати Виєтово формули, хтори достали мено по Франсоа Виєту. То формули хтори даваю вязу помедзи нулами єдного полинома и його коефициєнтами.
Литература
[ушориц | ушор жридло]- Никифоровский В. А. Из истории алгебры XVI-XVII вв. — М.: Наука, 1979. — бок 89—118. — 208 б. — (История науки и технїки).
- Розенфельд Б. А. Векторы и псевдовекторы Виета и их роль в создании аналитической геометрии. Историко-математические исследования, 21, 1976, бок 102—109.
Вонкашня вяза
[ушориц | ушор жридло]- O'Connor, John J.; Robertson, Edmund F. „Франсоа Вијет”. MacTutor History of Mathematics archive. University of St Andrews. Архива историје математике Мактјутор. University of St Andrews.
- Франсоа Вијет: Отац модерне алгебарске нотације
- Адвокат и коцкар
