Фотоґраф

Фотоґраф
Професия
Назва професиї	Фотоґраф
Подруче роботи	Фотоґрафия
Опис
Подруча роботи	уметносц, фотожурнализем, наукова робота, комерциялна робота, аматерска робота
Квалификация	Академия, Стредня школа, Курс

Фотоґраф (греч. phos шветлосц и graphein записовац, односно тот хто записує з помоцу шветлосци) то особа хтора ше занїма зоз твореньом фотоґрафиї з помоцу одредзеного фотоґрафского прибору або алату (фото-апарат, камера обскура и подобни), односно то особа хтора окончує фотоґрафску дїялносц.

Вше єдноставнєйша фотоґрафска технїка оможлївює и лаїком же би направели фотоґрафию, алє ше фаховосц фотоґрафа превосходно подрозумює у його квалификацийох и у познаваню фотоґрафских схопносцох - манипулованє зоз шветлосцу и визуалнима формами, розуменє сцени опрез себе хтору ше ма фотоґрафовац (змисту фотоґрафиї) итд. Примарне фотоґрафске образованє подрозумює познаванє хаснованя фото-апарата и ґеометрийней оптики як часци физики хтора виучує шветлосц. Основни продукт фотоґрафа то фотоґрафия у материялней або диґиталней форми.

Файти фотоґрафох

♦ Уметнїцки фотоґраф (автор хтори хаснує фотоґрафию за свой уметнїцки вираз),

♦ Новински фотоґраф (новинар-фоторепортер одосно автор хтори ше занїма зоз фотожурнализомом),

♦ Студийски фотоґраф (мода, реклами...),

♦ Репро фотоґраф (фотоґраф хтори роби на пририхтованю процеса друкованя),

♦ Фотоґраф у наукових обласцох (у медицини, форензики, астрономиї...),

♦ Комерциялни фотоґраф (фото ателєи, свадзебни фотоґрафиї, фотоґрафиї за документацию),

♦ Фотоаматер (гоби)

Фотоґрафски прибор

За фотоґрафованє фотоґраф хаснує: фото-апарат, обєктив, фотоґрафски блиц, студийски блиц, позадину, рефлектуюци панели, амрели за ошвицованє и друге.

За виробок фотоґрафийох, кед слово о класичней фотоґрафиї, ше хасную апарати за звекшованє зоз другима файтами прибору (кадзочки, щипальки, дозни за филми итд.), а при диґиталней фотоґрафиї рахункар и друковач/плотер. И класични и диґитални фотоґрафиї мож вирабяц з помоцу процесних машинох.

Опатри ище

Фото савез Србије

Фото асоцијација Војводине