Фольовка

(Причекац зоз формованьом Инфорамика, роби ше на правеню комплетних, одвитуюцих, такповесц, универзалних шаблонох за таки наменки)

File:Convolvulus arvensis in Aveyron (2).jpg

Наукова класификация

Царство: Plantae

Кладус: Tracheophytes

Кладус: Angiospermae

Кладус: Eudicotidae

Кладус: Asterids

Ряд: Solanales

Фамилия: Convolvulaceae

Род: Convolvulus

Файта: C. arvensis

Биномне мено

Convolvulus arvensis

L.

Фольовка (лат. Convolvulus arvensis, серб. попонац, у укр. диял. фол’овка; пожичка зоз мадь. диял. fojoųka. Хаснує ше ище слова цаганка, цагаче) вецейрочна лїсцаста рошлїна, ґеофит (G3) з моцно розвиту кореньову систему. Стебло од основи розконарене, лєжаце або окруцаце коло других рошлїнох, длугоке вецей як єден метер. Лїсце троугласто-видлужене, зоз стреласту основу, цалого орубенцу, полиморфне, на кратких конарчкох. Квитки поєдинєчни, на длугоких конарчкох у пазухох лїсцох, вельки, гермафродитни и актиноморфни. Периянт двойни и ма пейц члени, венчик широко тевчирасти, билей фарби з целовкастима смугами. Плод округлїсто-вайцаста ґалетка, 5-8 милиметри длугока. Нашенє вайцасте, длугоке 3-4 милиметри, цме кафове, скоро чарне.

Рoзмножованє

File:Illustration Convolvulus arvensis0.jpg

Ботанїчна илустрация з кнїжки О. В. Томе, Flora von Deutschland, Österreich und der Schweiz, 1885

Фольовка ше розмножує з нашеня або веґетативно, з пупчами хтори формовани на кореньових вигнанцох чийо одрезани фалатки маю вельку моц реґенерациї. Випродукує 500-600, максимално до 9.800 нашеня по рошлїни, а маса 1.000 нашеня виноши 5-6 ґрами. Ключка и сходзи од марца до єшенї, оптимално на температури 18-20 °Ц. Нашенє отримує ключкавосц у жеми до пейц роки. Квитнє и приноши плод од юния по септембер. Фольовка мезоксерофит, гелиофилна и термофилна рошлїна.

Бивальнїк

Фольовка коровско-рудерална файта (KP), барз розширена рошлїна. Часте є коровче у сцернянкових житох, заградох, овоцнїкох и винїцох, шацох покармних рошлїнох. Масовно ше находзи на запарложеней жеми, меджох, травових поверхносцох, рудералних и других бивальнїкох.

Розпресцеранє

Фольовка розошата по цалим швеце. Припада космополитскому флоровому елементу.

Хаснованє у народней медицини

Хаснує ше як голаґоґ; Диуретик; Лаксатив; Пурґатив; на месце дзе инсект укуши; за женски проблеми. У русийскей, арабскей, индийскей и тибетскей народней медицини ше хаснує за лїченє туберкулози, бронхитиса, сифилиса, атеросклерози. Пращок зоз кореня у случаю же особа нє може спац, масц зоз кореня як локални анестетик.