Трио

Л.В.Бетовен, Смикови трио у Ґе-дуру оп.9 ч.3

Трио (ит. trio зоз латинского tria - „три“) - у общим смислу може значиц ґрупу трох особох. Тот термин ма окремне значенє у музики, а може означовац ансамбл сосатвнени зоз трох музичарох лєбо музичну форму (жанр).

Трио як музични ансамбл

Спрам составу вииводзача, розликую ше триа: инструментални, вокални (терцет ^[1] або трио) и вокално-инструментални. Инструментални триа ше розликую по составу инструментох - гомоґени (напр. смиково и смиково), и мишани (напр. смиково зоз клавиром, зоз дуйнима инструментами, зоз гарфу итд.). Трио хтори у составе зоз клавиром найчастейше ше наволує клавирски трио.

У джез музики, типични трио состав уключує клавир (ридше ґитару), контрабас и бубнї. У рок музики, трио звичайно уключує ґитару, бас ґитару и секцию бубньох, теди єден

лєбо шицки музичаре тиж и шпиваю.^[2] Можлїви и други трио комбинациї напр, Емерсон, Лейк и Палмер хасновали клавиятури уместо ґитари.

Трио як музична форма (жанр)

Термин трио ше тиж хаснує за означованє музичного дїла за три инструменти лєбо шпивацки гласи. Инструментални трио, вєдно зоз смиковим квартетом, єден зоз найчастейших типох камерней музики и походзи од давней трио сонати зоз 17. и 18. вику. 2) Водзаце место забера жанр клавирского триа (виолина, виолончело, клавир), ^[3] хтори настал штредком 18. вику у дїлох композиторох такв. Мангаймскей школи. Перши класични приклади такого триа припадаю Й. Гайдну. Смикови триа писани за виолину, виолу и виолончело тиж барз части

Трио ше вола и штредня часц тродїлного инструменталного дїла, хтори ма характер танца або марша (крочайнїца), хтори звичайно контрастни наспрам екстремно швидких часцох. У тим смислу, трио звичайно компонента „менуета и триа“ лєбо „скерца и триа“, хтори ше предходно компоновали як часц сонати лєбо симфонийского циклуса.

Вонкашня вяза

Референци

↑ McClymonds, Marita P.; Cook, Elisabeth; Budden, Julian (1992). "Trio [terzet]".inStanley_Sadie(ed)The New Grove Dictionary of Opera London Macmillan Publishers ISBN 978-0-93-585992-8ISBN978-0-93-585992-8
↑ Trio jazz it.wikipedia.org
↑ Trio (W) Encyklopedia PWN (internetowa)Wydawnictwo Naukowe PWN 2025-05-06

[1] McClymonds, Marita P.; Cook, Elisabeth; Budden, Julian (1992). "Trio [terzet]".inStanley_Sadie(ed)The New Grove Dictionary of Opera London Macmillan Publishers ISBN 978-0-93-585992-8ISBN978-0-93-585992-8

[2] Trio jazz it.wikipedia.org

[3] Trio (W) Encyklopedia PWN (internetowa)Wydawnictwo Naukowe PWN 2025-05-06

[1]

[2]

[3]