Трилер (музика)

Знак за трилер (означованє над ноту)

Звук трилера

Трилер (анґл. trill, франц. trille).  то швидке зменьованє главного (нотираного) тона и його горнього сушедного тона. Звичайно ше закончує зоз такв. нахшлаґом, хтори дорушує и долнї сушедни тон а хтори ше пише зоз дробнєйшима нотами. Обласц и технїка граня трилера припада музичней орнаментики односно мелизмом.

Трилер як музчна прикраска зявює ше у 16. вику як фиґура за розришенє дисонанци у каденци и по 19. вик, и углавним започинала зоз ноту (тоном) хтори над основним тоном. Трилер єден зоз музичних орнаментох хтори ше пребил до вкупей музичней литератури як ефектни способ прикрашованя мелодиї або як музично текстуални украс (пр. клавирна литература).

Означованє трилера

Нотацийно ше зазначує зоз tr (початни букви слова trill - трилер), над ноту а кед трилер на длугшей ноти (лєбо вецей ноти скапчани зоз луком тирваня) може ше споза знака tr записац габасту смужку, як напр.:

Означованє трилера, як ше виводзи и звучи трилер:

на правим боку як звучи.

Трилер оможлївює ритмичне и мелодийске богатство композициї а зоз дисонанцу нагадує и дава – гармонску цикавосц.При виводзеню трилера треба водзиц рахунку о ритмичней ускладзеносци зменьованя тих двох ,,активних'' тонох.

Трилер на краткей ноти може ше виводзиц и одграц як такв. пралтрилер [3] :

Мож повесц же кажди музични инструмент та и людски глас зоз окремну технїку, може вививодзиц трилер.

Нотни и звучни приклад Шопенового Ноктурна:

Ф. Шопен, Ноктурно оп. 27

Литература

• Neumann, Frederick (1978). Ornamentation in Baroque and Post-baroque Music: With Special Emphasis on J. S. Bach, p. 581. Princeton. ISBN 9780691027074.

Вонкашня вяза

• List of ornaments en.wikipedia.org
• Radivoj Lazić – Vlastimir Peričić: Introduzione ed Allegro (recorded at a rehearsal 2017) youtube.com, (трилер, приклад на концу)