Транспозиция (музика)
Транспозиция (походзенє слова зоз лат. язика, франц. и анґл. transposition) значи премесцанє. У музики транспозиция[1]значи преношенє одредзеного нотного текста композициї до другей тонскей висини, висше лєбо нїжей од написаней, односно зоз написаного тоналитета до одвитуюцого другого тоналитета (найчастейше дурского, або молского). Нотни текст мож транспоновац зоз записованьом, писмено, алє у пракси потребне же би виводзач могол транспоновац и грац директно (такой з места) одредзену часц у новим тоналитету.
Така навежбаносц транспонованя (як и читанє з места – ит. prima vista) окреме потребна оркестерским музичаром, напр. кларинетистом[2], прето же вони граю на кларинету in B♭ (Clarinetto in Si♭ /значи кларинет B штима), а часци мелодийскей линиї даєдней композициї можу буц писани за кларинет in C (Clarinetto in Do) лєбо in A (Clarinetto in LA).[2]
Способи транспозициї у музики
[ушориц | ушор жридло]Постоя три основни технїки за менянє транспозициї „з места”: з помоцу интервалох, ключох и числох (интeрвалски).
Транспозиция у скали (скалова транспозиция)
У скаловей транспозициї, кажда висина тона лєбо ґрупа тонох ше премесца висше або нїжей за фиксне число интервала знука одредзеней скали. Висини тонох оставаю у истей скали пред и после премесцаня. Тот термин на тот способ облапя и хроматски и диятонски транспозициї.[3]
Хроматска транспозиция
Хроматска транспозиция спада до скаловей транспозициї знука хроматскей скали, а подрозумює же кажда висина тона у ґрупи нотох премесцена за исте число полутонох. Напр. зоз транспонованьом висини тонох C4–E4–G4 на висше за штири полутони, доставаю ше висини тонох E4–G♯4–Н4.
Диятонска транспозиция
Диятонска транспозиция то скалова транспозиция знука диятонскей скали (найчастейше файти скалох означени зоз єдним з даскелїх стандардних пред'знакох ♯ або ♭). Наприклад, транспонованє висини тона C4–E4–G4 на висше за два цали тони (серб. два степена) у познатей C-dur скали дава висину тонох E4–#G4–Н4. Транспонованє истей тей висини тонох на висше до F-дур скали место того даваю E4–G4–B♭4. Транспозиция, лєбо транспонованє — преношенє музичного дїла зоз єдного тоналитета-ключа, до другого - други ключ, истей висини без даяких пременкох.[4]Транспозиция ше хаснує и у тоналней музики (такв. „тонална транспозиция“) и у атоналней, напр. у додекафониї транспозиция ше дефинує як преношенє пошорованих звукох на єден зоз12 полутонох темперованей скали, лєбо преношенє нотох на шлїдуюци, наприклад: до до ми си; ре ре фа до итд.[5]
Електронска транспозиция (семплeрованє)
[ушориц | ушор жридло]Процентуална транспозиция
Зоз семплером, ноти семплеровани зоз ориґиналних инструментох можу ше транспоновац.[6]
Кед ше швидкосц репродукциї пременї источашнє, меня ше и висина тона (подобно як на ґрамофонскей плочи). Медзитим,тото тиж меня часову проґресию звука, а то погоршує резултат. Ясни приклад ткв. „глас Микия Мауса“ у електронски транспонованих знїмкох.
На рахункарох зложенша обробка семпла „рез по рез“, у хторей ше винїмково и кратки часово сеґменти звучни вибрациї репродукую зоз векшу швидкосцу, а потим дуплую на таки способ же длужина звука остава нєпременєна. Медзитим, и зоз тоту методу, менянє форматох остава проблем, прето же висша/нїзша одграна лєбо одшпивана нота звичайно ма иншаку звучну характеристику од електронского транспонованя.
У подобних дїлох знятих на медиюму - ношачох звука, маґнетна пантлїка лєбо CD, транспозицию мож окончиц механїчно, лєбо зоз електронску пременку швидкосци репродукциї. Таки поступок тиж меня темпо и фарбу (тембр) тона.[7]
Литература
[ушориц | ушор жридло]- Катунян М. И. Транспози́ция // Музыкальный энциклопедический словарь / гл. ред. Г. В. Келдыш. — М.: Советская энциклопедия, 1990. — С. 551. — 672 б. — 150 000 экз. — ISBN 5-85270-033-9.(на русийским язику)
- Транспози́ция // Энциклопедический музыкальный словарь / Гл. ред.Г. В. Келдыш. Сост. С. Штейнпресс, И. М. Ямпольский. — М.: Большая Советская Энциклопедия, редакция музыки, театра и кино, 1959. — С. 273. — 328 б. — 63 000 экз.(русийски язик)
Референци
[ушориц | ушор жридло]- ↑ B. В. Перичић Вошејезички музички термини
- ↑ 2,0 2,1 Вежбанє транспозициї Учим кларинет (на сербским язику)
- ↑ Schuijer, Michiel (2008). Analyzing Atonal Music, pp. 52–54. ISBN 978-1-58046-270-9.
- ↑ Транспози́ция // Энциклопедический музыкальный словарь / Гл. ред. Г. В. Келдыш. Сост. Б. С. Штейнпресс, И. М. Ямпольский. — М.: Большая Советская Энциклопедия, редакция музыки, театра и кино, 1959. — С. 273. — 328 с. — 63 000 экз.(рос.)
- ↑ Straus, Joseph N. (April 11, 2003). "Voice Leading in Atonal Music", unpublished lecture for the Dutch Society of Music Theory. Royal Flemish Conservatory of Music, Ghent, Belgium. or Straus, Joseph N. (1997). "Voice Leading in Atonal Music" in Music Theory in Concept and Practice, ed. James M. Baker, David W. Beach, and Jonathan W. Bernard, 237–74. Rochester, NY: University of Rochester Press. Cited in Schuijer (2008), pp. 61–
- ↑ Rahn, John (1987). Basic atonal theory. New York: Schirmer Books. p. page needed. ISBN 0-02-873160-3. OCLC 54481390
- ↑ Транспозиция Архивная копия от 4 апреля 2023 на Wayback Machine // Большая российская энциклопедия. Т. 32. М., 2016, б. 345.