Титанє
Титанє (греч. Τiτᾶνες) були у греческей митолоґиї предолимпийни богове. По ХесиодовейТеоґониї, було дванацецеро дзеци прародичох Урана (Нєба) и його мацери Ґаиї (Жеми), шейсцме хлопски титанє: Океан, Кей, Крий, Хиперион, Япет и Хрон, и шейсц женски, познати як титанки або титаниди (грч. Τιτανίδες): Тея, Реа, Мнемосина, Феба, Темида и Тетия. Хрон у еротско-малженским одношеню зоз старшу шестру Рею родитель першей ґенерациї олимпийних богох: Зевс, Хад, Посейдон, Хестия, Деметра и Хера. Даєдни потомки титанох, як цо Прометей, Хелия и Лета ше дакеди волаю титанами.
Титанє були гевта ґенерация богох хтора предходзела олимпийним. Звалєни су як часц греческого миту о нашлїдстве, спрам хторого Хрон превжал власц од свойого оца Урана и пановал з космосом зоз титанами як своїма подложнїками, а потим Хрон и титанє були победзени и зменєни як пануюци пантеон божествох з боку Зевса и других олимпийних богох, у дзешецрочней войни познатей под меном Титаномахия, зоз хторей резултат була побида над Хроном и титанами. Теди су вигнати зоз горнього швета и зарабровани у Тартару, медзитим, очиглядне же даєдним спомедзи титанох було дошлєбодзене остац на шлєбоди.
Родослов
[ушориц | ушор жридло]Хесиодов родослов
[ушориц | ушор жридло]
По Хесиодови, титанє потомки Урана и Ґаиї були Океан, Кей, Крий, Хиперион, Япет, Тея, Рея, Темида, Мнемосина, Феба, Тетия и Хрон.[1] Осемцме браца и шестри титанє ше винчали медзи собу. Океан и Тетия, Кей и Феба, Гиперион и Тея и Хрон и Рея. Други двоме браца титанох ше побрали звонка узшей фамелиї. Япет ше оженєл зоз свою родзину Климену, дзивку Океана и Тетиї[2]. Медзитим, спрам Аполодоровей библиотеки (збирка греческих митох и геройских приповедкох)[3], док ше Крий оженєл зоз свою полушестру Еурибию, дзивку Ґаї и Понта. Други два титанки, Темида и Мнемосина, постали супруги їх братового сина, Зевса.
Од Океана и Тетиї настали три тисячи потамойох т.є. богох рикох и три тисячи океанских нимфох.[4] Од Кея и Феби настали Лето, друга Зевсова жена и Астерия..[5] Од Крия и Еурабиї настали Астрей, Палант и Перс.[6] Од Гипериона и Теї настали нєбово персонификациї Гелиє (Слунко), Селена (Мешац) и Еос (Швитанє).[7] Од Япета и Климени настали Атлас, Менетиє, Прометей и Епиметей.[8] Од Хрона и Реї настали олимпийни богове: Хестия, Деметра, Хера, Хад, Посейдон и Зевс.[9] Зоз Зевсом, Темида народзела три хори (Часи) и три мойри (Судьби)[10], а Мнемосина народзела дзевец музи.[11]
Док ше потомки титанох Океана и Тетиї, Хрона и Реї, Темиди и Мнемосини (напр. рични богове, Океаниди, олимпийни богове, Хори, Мойри и Музи) обично нє третирую як титанє, потомки других титанох, першенствено: Лето, Гелиє, Атлас и Прометей, сами себе дакеди наволую титанами.[12]
Вонкашнї вязи
[ушориц | ушор жридло]- О титанох Референци о титанох у класичней литератури (язик: енглески)
- Греческа митология о титанох Мити о титанох (язик: енглески)
Референци
[ушориц | ушор жридло]- ↑ Hesiod, Theogony 133–138.
- ↑ 351
- ↑ 1.2.3
- ↑ Hesiod, Theogony 337–370.
- ↑ Hesiod, Theogony 404–409.
- ↑ Hesiod, Theogony 375–377.
- ↑ 99–100
- ↑ Hesiod, Theogony 507–511.
- ↑ Hesiod, Theogony 453–458.
- ↑ Hesiod, Theogony 901–906, although at Theogony 217 the Moirai are said to be the daughters of Nyx (Night).
- ↑ Hesiod, Theogony 915–920.
- ↑ Шаблон:Harvnbs.v. TITANS; Smith, s.v. Titan 2.; Rose, p. 143 s.v. Atlas, p. 597 s.v. Leto, p. 883 s.v. Prometheus; Tripp, p. 120 s.v. Atlas, p. 266 s.v. Helius, p. 499 s.v. Prometheus.