Тиски квет
| Тиски квет | |
|---|---|
 | |
| (Palingenia longicauda) | |
| Наукова класификация | |
| Царство | Animalia |
| Тип | Arthropoda |
| Класа | Insecta |
| Ряд | Ephomeroptero |
| Фамилия | Palingeniidae |
| Род | Palingenia |
| Биномне мено | |
| Palingenia longicauda | |
| Оливер, 1791. | |
Тиски квет (лат. Palingenia longicauda) то инсект котри спада до водових кветох (Ephemeroptera). Длугоки є 8-12 центиметери, а розмак кридлох може буц 6-7 центиметери.[1]Тота файта позната як найвекша файта водових кветох у Европи. Строго є защицени[2] як и на медзинародним уровню на основи Бернскей конвенциї.
Тиски квет достал мено по рики Тиси у котрей жиє. Ареал тей файти бул вельо векши у прешлосци, сциговал аж по Голандию, док є тераз зменшани на даскельо рични злїви у централней Европи.[3] Од 2800 познатих файтох, вецей як 100 жию у централней Европи.
Самци Тиского квета єдини медзи кридлатима инсектами котри ше випиряю после доставаня своїх функционалних кридлох. За розлику од векшини водових инсектох рої одраснутих П. Лонгицаудох нїґда нє напущую воду, алє константно дорушую лєбо трепеца на поверхносци води. Спомалшене рушанє рики и одсуство рибох котри ше кармя на поверхносци води у тим им витворйованю помагаю. Присуство Palingenia longicauda индикатор чистей и нєзаґадзеней води.
Вимарли у велїх европских жемох и мож их найсц на рики Тиси (Сербия и Мадярска), рикох Прут и Беґей (Румуния), та и на рики Укрини (Република Серпска, Босна и Герцеґовина).
Старши животинї ше нє кармя под час своїх крадких животох, алє надуваю свойо черева з воздухом цо им оможлївює лєгчейши лєт. Водово квети нє таки добри лєтаче, лєт им нєсигурни. Углавним мож ше на нїх припатрац вяри и на почетку лєта, кед ше роя. Роєнє почина у вечарших годзинох и тирва коло три годзини. На початку роєня лїчинки зохабяю глїнови муль на дну рики дзе жили три роки и дзвигаю ше на поверхносц води.[4] У подзвигованю на поверхносц помага им ґаз котри ше назберал попод їх кошулькох. На поверхносци води ше випиряю т.є. лїчинка одруцує свою кошульку и виходзи совершени инсект. Тиски квет ма вельки кридла дзе преднї виражено векши од заднїх.
Ґалерия
[ушориц | ушор жридло]-
Тиски квет у трави -
Тиски квет - инсект. -
Тиски квет на верху рошлїни. -
-
Palingenia longicauda, нимфа велькей воденей мушки -Тискового квета
.jpg)
Вонкашнї вязи
[ушориц | ушор жридло]- Фотографија „цветања“ Тисе.
- Kad Tisa procveta – veličanstveni, kratki ples nežnih insekata.
- Nacionalna geografija o tiskom cvetu. Архивирано на веб-сајту Wayback Machine (27. јануар 2008) (язик: анґлийски).
- Кад Тиса процвета: Погледајте једно од седам српских чуда природе („Блиц“, 16. јун 2013).
Референци
[ушориц | ушор жридло]- ↑ The Tisa Mayfly (Palingenia longicauda) Архивирано на веб-сајту Wayback Machine (18. јул 2011) na sajtu Wild Serbia
- ↑ Tiski_cvet, prilog I-- Strogo zaštićene divlje vrste biljaka, životinja i gljiva Архивирано на веб-сајту Wayback Machine (2. април 2015), Pravilnik o proglašenju i zaštiti strogo zaštićenih i zaštićenih divljih vrsta biljaka, životinja i gljiva. na sajtu Wild Serbia
- ↑ Soldán, T. 1978. Revision of the genus Palingenia in Europe (Ephemeroptera, Palingeniidae) Архивирано на веб-сајту Wayback Machine (7. мај 2025). Acta entomologica bohemoslovaca 75: 272-284.
- ↑ Cvetanje Tise - Fenomen koji oduzima dah