Тетракорд
Тетракорд (греч. tetra - штири, chorde - струни) то пошоровани штири тони у скали (4 скалово тони хтори представяю ступнї). Тетракорд основни будовни елемент древней греческей музики, а нєшка ше хаснує за анализу и структуру скалох хтори ше звичайно состоя зоз двох тетракордох. У скали познаме долнї и горнї тетракорд.
♦ Долнї тетракорд або ПЕРШИ, почина од I ступя по IV у скали.
♦ Горнї тетракорд або ДРУГИ тетракорд починаод V по VIII ступень.
Тетракорди ше розликую у зависносци од файти скали и од розпорядку цалих и полутонох у одредзених скалох.
У дурскей скали исти розпорядок цалих и полутонох у обидвох тетракордох.
У молскей скали ше меня горнї тетракорд у зависносци од файти мола (природни, гармонски або мелодийски мол). Значи, у молскей скали долнї и горнї теракорд розлични и теорийно и по звучаню.
Тетракорд (греч. τετράχορδον, дословно штирострунови) - штири ступнї скали, у обсягу/розпону интервала кварта. У тоналней системи кажда октава ма два тетракорди: [1]
♦ I, II, III и IV ступень творя перши-долнї тетракорд, а
♦ V, VI, VII и VIII, други-горнї тетракорд.
Концепт тетракорда походзи зоз старогреческей музичней теориї. Тетракорди творя основу октавових модох, як и „комплетну систему“ скалох хтори представяю и хасную цали обсяг тонох.
У зависносци од системи интервалох, розликовали ше три типи/роди (génē) тетракордох: диятонски, хроматски и енгармонийски. Диятонски тетракорд починал зоз интервалом блїзким зоз вельку секунду (спрам Дж. Чалмеру, з нука 200–249 центи),[1] а у модерней/сучасней нотациї могол би ше записац приблїжно як пошоровани тони найнїжей у фриґийскей скали: Диятонски тетракорд Хроматски тетракорд починал зоз интервалом малей терци, после хторих шлїдзели два полутони (серб. полустепени) (спрам Дж. Чалмеру, интервал би могол буц 249–398 центи).[1]
У сучасней нотациї, тoти тетракорди мож записац на шлїдуюци способ: (долу приклад)
- Диятонски тетракорд (приклад на право 1 линийни систем)
- Гармонски тетракорд (2 линийни систем)
- Енгармонийски тетракорд (3 линийни систем) починал зоз интервалом блїзко велькей терци (спрам Дж. Чалмеру, нє менєй од 398 центи),[1] после того шлїдзели интервали блїзко штварцини тона. Таки тетракорд у модерней нотациї би випатрал так:
Историйни розвой
[ушориц | ушор жридло]У античней музичней теориї (у дїлох Аристоксена, Птоломея, Боетия и других), за тетракорд ше думало же є часц Комплетней системи, зоз огранїченима ґестами (фиксни крочаї - ступнї). Напр., штири висини медзи мезе и хипате штреднїх нотох то тетракорди, а штири висини медзи лихана штреднїх нотох и лихана нїжших нотох ше нє наволовали тетракорди. Пре таку причину, термини „род мелоса“ и „род тетракорд“ („роди тетракордох“)[2] синоними у антики.
Починаюци од штреднього вику у Европи, термин„тетракорд“ (лат. tetrachordum, quadrichordum) (зоз репродукцию його давного значеня) почал ше одношиц на було хтору штиротонову скалу (подрозумює ше, без додатних толкованьох) диятонского роду, огранїчену кварту. У тим хаснованю, термин „тетракорд“ уствари постал синоним за файту кварти.
Друге значенє термина
[ушориц | ушор жридло]• У музично-теорийских концептох сучасного часу, починаюци од 20. вику, термин „тетракорд“ ше хаснує у литератури у вязи зоз було хторим штиротоновим системом. Окреме ше у русийскоязичней етномузиколоґиї розвила пракса означаваня амбитуса (звучного обсягу интервалох) язичних конструкцийох як цо „тетракорд у сексти“, „тетракорд у квинти“ итд. (поликорд у обсягу интервала)[2]. У анґлийскей музиколоґиї, термин тетракорд, у рамикох такв. теориї множества класи висини тонох, означує (вєдно зоз термином тетрада) множества зоз штирома тонами.
• У инструментациї Марциян Капела хаснує термин „тетракорд“ (De nupt. IX, 910) за штирострунови музични инструмент, файту лири; Можлїве же є аналоґни штироструновому инструменту скиндапс (старогречески: σκινδαψός), хтори описовал Атеней (Deipn. IV, 183).
Литература
[ушориц | ушор жридло]• Холопов Ю. Н. Гармония. Теоретический курс. М., 2003.
• Музыкально-теоретические системы. Учебник для музыкальных вузов. М., 2006.
• Лебедев С. Н. Древнегреческие лады // Большая российская энциклопедия. Т.9.- М., 2007, с.333-334.
• Рубцов Ф. А. Основы ладового строения русских народных песен. — Ленинград: Музыка, 1964.
Референци
[ушориц | ушор жридло]- ↑ 1,0 1,1 1,2 1,3 Mathiesen, Thomas . (2001). "Greece §I: Ancient". In Sadie, S.;Tyrrell J. (eds.). The New Grove Dictionary of Music and Musicians-(second ed.). London, UK: Macmillan. 6 Music Theory, (iii) Aristoxenian Tradition, (d) Scales.
- ↑ 2,0 2,1 Рубцов 1964 б. 26