Тамбурка фест
.jpg)
Тамбурка фест (серб. Тамбурица фест/Tamburica fest) то тамбурашски фестивал хтори ше отримує од 2008. року. Першираз Тамбурка фест як смотра тамбурашох зоз шицких меридиянох орґанизовани у живописним, „найтамбурашским” валалє Диронь, хторе ше находзи на сиверу Бачкей у Войводини.
После штирох рокох отримованя фестивала у Дироню, 2012. року, фестивал вимесцени пре орґанизацийни причини зoз єдну програмску часцу до Нового Саду и на Петроварадинску твердиню,[1] а од 2013. року попри интернационалного змаганя у Петроварадину, отримани и тамбурашски собор, смотра ансамблох такв. домашнїх „бандох” у Дироню.
Циль фестивалa першенствено афирмованє тамбурашскей музики, инструмента тамбури, и пестованє традициї, сотрудзованє и приятельства уметнїкох на интернационалним уровню. На фестивалу участвую оркестри зоз вельо державох тиж и зоз Сербиї. Уводни днї ше отримую у центру Нового Саду, у виду карневала тамбурашох. Треци дзень фестивала ше предлужує на Площи Шлєбоди, дзе наступаю културно-уметнїцки дружтва. Штварти и пияти дзень змагательного характеру и отримую ше на Петртоварадинскей твердинї.[2]
Од 2013. року фестивал ше отримує лєм на Петроварадинскей твердинї, а тиж 2013. року у рамикох фестивала основана Шветова тамбурова асоцияция, здруженє шицких тамбурашох швета зоз шедзиском у Новим Садзе.
Тамбурка фест конциповани до трох часцох: змагательна часц, забавна и културолоґийно-едукативна часц фестивалу.
Фестивал 2017. року преглашени за найлєпши етно фестивал у Европи.[3]