Прейдз на змист

Список японских божествох

Додай вязи
Материял зоз Википедиї
Изанаґи и Изанами на плїваюцим мосце раю (Вилиям Джордж Астон)

Список божествох хтори припадаю японскей вири и релиґиозним традицийом. Велї спомедзи нїх зоз шинтоїзма, док даєдни превжати зоз будизму и инкорпоровани до японскей митолоґиї и фолклору.

Kotoamatsukami

[ушориц | ушор жридло]
  • Аме но Минакануши (яп. Ame no Minakanushi, 天之御中主神) – Пан авґустовского центра нєба
  • Такамимусуби (яп. Takamimusubi 高御産巣日神) – Возвисшена ґенеративна сила
  • Камимусуби (яп. Kamimusubi 神産巣日神) – Свята ґенеративна сила
  • Умашиашикабихикодї (яп. Umashiashikabihikoji 宇摩志阿斯訶備比古遅神) – Старши принц Рид-Шут
  • Аме но Токотачи (яп. Ame no Tokotachi, 天之常立神) – Вичностояци рай

Kamiyonanayo

[ушориц | ушор жридло]
  • Изанаґи (яп. Izanagi, 伊邪那岐神) бул божество твореня; спада до седмей ґенерациї Камийонанайо (яп. Kamiyonanayo), вєдно зоз свою шестру и супругу Изанами.[1]
  • Изанами (яп. Izanami, 伊邪那美神) була божество твореня; тиж спада до седмей ґенерациї Камийонанайо (яп. Kamiyonanayo), вєдно зоз своїм братом и супругом Изанаґийом.[1]
  • Куни но Токотачи (яп. Kuni no Tokotachi, 国之常立神) бул божество хторе класификоване як хиториґами (ками хтори настал сам од себе, без парнякох). Вон бул самостойно перша ґенерация Камийонанайо. Трима ше го за першого спомедзи двох перших богох по Кодїкию, або перши спомедзи трох по Нихонґию.[2]
  • Омодару (яп. Omodaru, 淤母陀琉神) и Аякашиконе (яп. Ayakashikone, 阿夜訶志古泥神) шеста ґенерация Камийонанайо.[3]
  • Отонодї (яп. Otonoji, 意富斗能地神) и Отонобе (яп. Otonobe, 大斗乃弁神): пията ґенерация.
  • Тойойумоно (яп. Toyokumono, 豊雲野神) бул хиториґами и представял другу ґенерацию.
  • Цунуґуи (яп. Tsunugui, 角杙神) и Икуґуи (яп. Ikugui, 活杙神) штварта ґенерация.
  • Ухидїни (яп. Uhijini, 宇比邇神) и Сухидїни (яп. Suhijini, 須比智邇神) треца ґенерация.

Главни камиї

[ушориц | ушор жридло]
Amaterasu-Ōmikami вишодзи зоз райскей пещери, Shunsai Toshimasa
  • Аматерасу (яп. Amaterasu-Ōmikami, 天照大神) богиня Слунка и нїби предходнїца царскей фамелиї Япону. Єй мено значи Швици зоз раю або Вельки ками хтори ошвицує рай. Пре велї причини, дзе єдна з нїх єй вяза зоз царску фамелию, ю ше часто трима (гоч нє ураядово) за примарного бога у шинтоїзме.[4][5]
  • Аме но Узуме (яп. Ame-no-Uzume, 天宇受売命 або 天鈿女命) звичайно волана Узуме, богиня швитаня и вешеля у шинтоїзме.[6]
  • Фудїн (яп. Fūjin, 風神) тиж познати як Казе-но-ками, бог витру и єден з найстарших шинто богох. Трима ше же бул присутни кед наставал швет. Часто ше го описує як 'они' (файта демону, тролу) зоз торбу на хрибце.
  • Хачиман (яп. Hachiman, 八幡神) бог войни и божески защитнїк Япону и його народу. Ориґинално бог аґрокултури, после постал защитнїк Минамито клану. Його символична животиня и гласнїк то голубица.
  • Инари Оками (яп. Inari Ōkami, 稲荷大神) бог або богиня рискаши и плодносци. Лїшка представя їх символичну животиню и гласнїка. Часто ше виєдначує зоз Уканомитама (яп. Ukanomitama) и будистичним божеством Дакинитен(Dakiniten).[7]
  • Ниниґи-но-Микото (яп. Ninigi-no-Mikoto, 瓊瓊杵尊), звичайно волани Ниниґи, бул унук Аматерасу. Його праунук бул Кан'ямато Иваребико (яп. Kan'yamato Iwarebiko), после познати як Цар Дїму, перши цар Япону.
  • Окунинуши (яп. Ōkuninushi, 大国主) Бог ширеня нациї, польопривреди, бизнису и медицини.
  • Омоикане (яп. Omoikane, 思兼), божество мудросци и интелиґенциї, хторого други божества волаю за добри совит кед маю розпатрац даяки божески питаня.
  • Омононуши (яп. Ōmononushi, 大物主神) у Нихонґу, тримало ше же Омононуши друге мено за Ōkuninushi. Алє, випатра же тоти два божества розлични.[8]
  • Раидїн (яп. Raijin, 雷神), бог громох и блїскавкох и часто ше парує зоз Фудїном. Исто як його парняк, приказує ше як 'они'.
  • Рюдїн ин (яп. Ryūjin, 龍神), даєдни традициї тримаю же вон и Ōwatatsumi єден те исти бог. Вон шаркань и бог моря.[9]
  • Суидїн (яп. Suijin, 水神) бог води.
  • Сусано-но-Микото (яп. Susanoo-no-Mikoto, 須佐之男命 або 素戔嗚尊) бог бурйох, як и пан морйох у даєдних случайох. Вон тиж так франтовни бог, понеже японска митолоґия нашироко документовала ривалство зоз шестру Аматерасу. Сусано тиж бул одвичательни за забиванє монструма Ямата но Орочи и познєйше пренаходзенє святого мечу Кусанаґи.[10]
  • Такемиказучи (яп. Takemikazuchi, 建御雷/武甕槌) познати як бог блїскавкох и мечох.
  • Такеминаката (яп. Takeminakata, 建御名方) бог витру, води и аґрокултури, тиж патрон ловох и войованя.
  • Тойотамахиме (яп. Toyotama-hime, 豊玉姫) була дзивка бога Рюдїна и баба цара Дїму. Гваря же ше претворела до шарканя и нєстала кед народзела сина.
  • Цукуйоми-но-Микото (яп. Tsukuyomi-no-Mikoto, 月読命 або 月夜見尊) бог Мешаца. Зоз гнїву и ґадзеня забил Укемочи пре способ на яки порихтала єдло. Тото нагнало Аматерасу же би на ньго нїґда вецей нє попатрела, цо спричинєло же би Слунко и Мешац були на розличних бокох нєба.
  • Ятаґарасу (яп. Yatagarasu, 八咫烏) инкарнация Слунка и водзач цара Дїма.

Yama-no-Kami

[ушориц | ушор жридло]
  • Коноханасакуя-химе (яп. Konohanasakuya-himе, 木花之開耶姫), супруга бога Ниниґи, дзивка бога Ояматсуми и прабаба цара Дїма. Тиж є позната як богиня гори Фудї.[11]
  • Омоноими но Ками (яп. Omonoimi no Kami, 大物忌神), бог гори Чокаи, обожовани у храме Чокаисан Омономи, идентификовани зоз Тойоуке-химе.
  • Оямацуми (яп. Ōyamatsumi, 大山積神), старши брат Аматерасу и важни бог горох. Тиж оцец Konohanasakuya-hime.

Людзе хтори постали божества (камиї)

[ушориц | ушор жридло]

Тота секция уключує историйни особи хтори ше обожує як камийох.

  • Цар Дїму (яп. Jimmu, 神武天皇) перши цар. Заварти у святилїщу/храме Kashihara.
  • Цар Меидї (яп. Meiji, 明治天皇) и царица Шокен ( яп. Shōken, 昭憲皇太后), заварти у святилїщу/храме Meiji.
  • Ода Нобунаґа (яп. Oda Nobunaga, 織田信長), заварти у святилїщу Kenkun-jinja.
  • Шотоку Таиши (яп. Shōtoku Taishi) бул дакеди обожовани з боку шинтоїстох у принцовей гали (太子堂 Taishido) як ками тарґовини и лєгкого породу.
  • Тендїн (яп. Tenjin, 天神) бог стипендийох, вон побожествени Суґавара но Мичизане. Части нєщесца у Хеианкю були додзелєни його нагнїваному духу.[12]
  • Токуґава Иеясу (яп. Tokugawa Ieyasu, 徳川家康), заварти у святилїщу Nikkō Tōshō-gū и подобних храмох.
  • Тойотоми Хидейоши (яп. Toyotomi Hideyoshi, 豊臣秀吉), заварти у святилїщу Toyokuni-jinja.

Шицки царове и царици ше технїчно обожовує пре їх повязаносц зоз Аматерасу, алє єст велї почитовани хтори нє маю свой храм.

Будизем

[ушориц | ушор жридло]
  • Аизен Мйо-о (яп. Aizen Myō-ō, 愛染明王), краль мудросци познати по тим же тарнсформовал жемово жаданя (любов/жажда) до духовних будзеньох.
  • Амида Ньораи (яп. Amida Nyorai, 無量光佛 або 無量壽佛), звичайно ословйовани як Амида-буцу (яп. Amida-butsu, 阿弥陀如来), примарни Буда зоз школи будизма Чиста Жем. Вери ше же вон мал нєогранїчени достойни квалитети и познати є як Пан гевтобочного и загробного живота. Вон єден з Пейцох 'Dhyani' Будох.
  • Дарума (яп. Daruma, 達磨), у будистичней митолоґиї ше традиционално трима же є снователь Зен будизма, як и снователь Шаолин Кунґ Фуа. Єдна з леґендох гвари же после велїх рокох медитованя патраюци до мура, Бодхидхармово руки и ноги одпадли пре атрофию. Дарума бабки направени на чесц тей леґенди.
  • Фудо Мйо (яп. Fudō Myōō, 不動明王), силовни и гнїваци Краљ Мудросци хтори чува шицких спалююци шицки препреченя и нєчистоти, помагаюци же би посциги просвощенє.
  • Идатен (яп. Idaten, 韋駄天), защитнїк будистичних манастирох и монахох.
  • Дїзо (яп. Jizō, 地蔵), бодисатва, позната як защитнїца слабих, окреме дзецох, путнїкох и ґравидних женох. Тиж ше ю трима за патрона успокоєних дзецох и абортованих фетусох и спасительку од сподобох пекла. Єй статуи мож часто видзиц, окреме коло драгох и теметовох.
  • Канґитен (яп. Kangiten) бог блаженства.
  • Канон, (яп. Kannon, 観音), бодисатва, повязана зоз санованьом. На анґлийским є углавним позната як Богиня милосци т.є. Goddess of Mercy.
  • Якуши Ньораи (яп. Yakushi Nyorai, 薬師如来), Буда познати по лїченню и медицини.

Седем богове щесца

[ушориц | ушор жридло]
Седем богове щесца, Yoshitoshi

Седем богове щесца (яп. Shichi Fukuji, 七福神) то:

  • Бензаитен (яп. Benzaiten, 弁才天 або 弁財天), тиж познати як Бентен або Бензаитенйо, огиня шицкого цо чече: слова (и знанє), бешеда, елоквенция и музика. Трима ше за трецу дзивку краля шарканьох Мунецучия (яп. Munetsuchi). През роки прешла зоз защитнїци Япону на божество хторе дарує добре щесце нациї и єй жительом. Настала од Сарашвати, еквивалентней богинї у хиндуизме.[13]
  • Бишамонтен, (яп. Bishamonten, 毘沙門天), тиж волани Бишамон або Тамонтен, бог воякох и стражарох доброго щесца, алє и каратель криминалцох. Гвари ше же жиє на пол драги од гори Сумеру, мала паґода хтору ноши символизує божеску хижу блага, хтору и чува и дзелї єй змисти. Bishamonten японски еквивалент индийскому Kuberи и Буди Vaishravana.[14][15]
  • Даикокутен (яп. Daikokuten, 大黒天), часто скрацено волани Даикоку, трима ше за бога богатства (точнєйше, жатви) або ґаздовства (точнєйше кухнї). Препознава ше го по його широкей твари, ошмиху и кляпчистей чарней шапки. Часто є приказани як трима златни млаток, док шедзи на балох рискаши, зоз мишами доокола (хтори представяю богатосц поживи). Вон настал од Махакали, будистичней верзиї Хинду божества Шива.
  • Ебису (яп. Ebisu, 恵比須, 恵比寿, 夷 або 戎), єдини член богох хтори настал у Японє, ориґинално познати як Хируко (蛭子), перше дзецко Изанаґия и Изанами. Трима ше же ше народзел без косцох. На концу превозишол свой гендикеп и постал весели и щешлїви Ебису (прето ма и єдну титулу, Бог хтори ше шмеє). Часто є приказани як трима палїцу и вельку червену ораду або бранцина. Медузи ше часто повязую зоз тим богом и японски фуґу ресторани часто як мотив кладу Ебиса.
  • Фукурокудю (яп. Fukurokuju, 福禄寿), часто мишани зоз Юродїном, бог мудросци и длуговичносци и трима ше го за инкарнацию Южней поларней гвизди. Вон бог гвиздодх провадзени з боку журавеля и коритнявки, хтори ше тримаю за символи длуговичносци, а дакеди го провадзи чарни єлень. Гвари ше же свята кнїжка хтора завязана на його палїцу у себе ма животни вик каждей особи на Жеми.
  • Хотеи (яп. Hotei, 布袋), найпознатши у заходним швеце як Нашмєяни Буда, Хотеи вироятно найпопуларнєйши од шицких богох. Його твар украшує велї храми, ресторани и амайлиї. Ориґинално засновани на основи китайского монаха Чан, Хотеи постал божество задовольства и богатства.
  • Юродїн (яп. Jurōjin, 寿老人), тиж познати як Ґама, представя длуговичносц. Часто ше го приказує зоз лепезу и палїцу и у провадзеню чарного єленя.

Богиня Кичийотен (яп. Kichijōten, 吉祥天), тиж позната як Кисшоутенйо (яп. Kisshoutennyo), дакеди ше ю трима за єдну спомедзи седем богох,[16], дзе заменює або Юродїна або Фукурокудя[17]. Вона представя щесце, плодносц и красу. Даикоку ше дакеди манифестує як жена позната под меном Даикокунйо (яп. Daikokunyo, 大黒女) або Daikokutennyo (大黒天女)[18]. Кед ше Кисшоутенйо рахує од седем Фукудїнох[17], и Даикоку ше трима за женску особу[18], вец шицки три гинду Тридеви богинї репрезентовани у Фукудїну.

Референци

[ушориц | ушор жридло]
  1. ↑ 1,0 1,1 Nihongi: Chronicles of Japan from the Earliest Times to A. Cosimo, Inc.. 2008-01-01. pp. 9. Шаблон:Citation/identifier. 
  2. ↑ Nihongi: Chronicles of Japan from the Earliest Times to A. Cosimo, Inc.. 2008-01-01. Шаблон:Citation/identifier. 
  3. ↑ Kami in Classic Texts: Omodaru, Ayakashikone. http://eos.kokugakuin.ac.jp/modules/xwords/entry.php?entryID=124. [преверено 2021-01-17]. 
  4. ↑ Coulter, Charles Russell; Turner, Patricia (2013-07-04). Encyclopedia of Ancient Deities. Routledge. ISBN 978-1-135-96397-2.
  5. ↑ Аматерасу Mythopedia. Превжате 2026-05-24
  6. ↑ Аме но Узуме Mythopedia. 2026-05-24
  7. ↑ Японски боги Mythopedia. Превжате 2026-05-24
  8. ↑ Камиї у класичних текстох: Омононуши Енциклопеия шинтоизма. Архивоване зоз ориґиналу. Превжате 2026-05-24
  9. ↑ Cartwright, Mark (28 June 2017). Ryujin. https://www.worldhistory.org/Ryujin/. [преверено 2020-11-13]. 
  10. ↑ Susanoo | Description & Mythology (на enм язику). https://www.britannica.com/topic/Susanoo. [преверено 2020-11-12]. 
  11. ↑ Kami in Classic Texts: Konohanasakuyahime. http://eos.kokugakuin.ac.jp/modules/xwords/entry.php?entryID=93. [преверено 2020-11-13]. 
  12. ↑ Sugawara Michizane | Japanese scholar and statesman (на enм язику). https://www.britannica.com/biography/Sugawara-Michizane. [преверено 2020-11-25]. 
  13. ↑ Catherine Ludvik (2001), From Sarasvati to Benzaiten, Ph.D. Thesis, University of Toronto, National Library of Canada; PDF Download
  14. ↑ Bishamon | Japanese god (на enм язику). https://www.britannica.com/topic/Bishamon. [преверено 2021-09-08]. 
  15. ↑ lokapala | Definition & Facts (на enм язику). https://www.britannica.com/topic/lokapala. [преверено 2021-09-08]. 
  16. ↑ Kisshōten (Kichijōten). http://www.philamuseum.org/collections/permanent/305645.html. [преверено 14 December 2015]. 
  17. ↑ 17,0 17,1 Butsuzōzui (Illustrated Compendium of Buddhist Images) (на jaм язику) (digital photos). Ehime University Library. 1796. p. (077.jpg). http://www.lib.ehime-u.ac.jp/SUZUKA/316/index.html. [преверено 2016-05-06]. 
  18. ↑ 18,0 18,1 Butsuzōzui (Illustrated Compendium of Buddhist Images) (на jaм язику) (digital photos). Ehime University Library. 1796. p. (059.jpg). http://www.lib.ehime-u.ac.jp/SUZUKA/316/index.html. [преверено 2016-05-06]. 
Превьате зоз "https://rsk.wikipedia.org/w/index.php?title=Список_японских_божествох&oldid=19071"