Смик

Смик то древена палїчка зоз струнами и ,,жабку″ з помоцу хторей ше грає на смикових инструментох. То мала справа на хторей нацагнути струни зоз коньскей шерсци лєбо подобного материялу. Зоз смиком ше прецагує по струнох смикових инструментох и так ше достава тон. Постоя смики розличних длужинох и формох.

Файта смикох и часци

Примитивни смики маю форму лука (найчастейше таки смики мали народни инструменти як (ґусли, гусла, ґудок). За гушлї, виоли, виолончела и контрабас палїчка смика проста. Смик ма горню, штредню и долню часц. Горня часц-верх смика ма мале випупченє. Штредня часц-попрейґа ма струну зоз шерсци и долня часц смика на хторей стої мала закрутка такв. жабка зоз хтору ше зацагує смик. За контрабас постоя два типи смикох: французки и нємецки смик. Французки смик исти як и за шицки инструменти смиковей фамилиї. Нємецки смик ше розликує по долнєй часци (жабки) хтора векша та оможлївює лєпше триманє смика.

Струну-шерсц на смику ше подмасцує зоз калафониюмом. Калафониюм то файта осушеней смоли хтора зоз чуханьом стваря прах и преноши го на смик и так струна смика достава красши звук.

Нємецки смик за контрабас

Технїка граня без смика

Постої на смикових инструментох артикулацийна технїка граня без смика. Напр. технїка пицикато (ит. pizzicare скрац. pizz.) и зоз применьованьом того способу граня смик ше нє хаснує, алє ше звук на гушлї достава зоз потаргованьом струнох зоз пальцами. Таки способ граня практиковали и старши композиторе а тиж и композиторе новших часох 18 вику и надалєй. Перши похасновал технїку пициката италиянски композитор Клаудио Монтеверди а познате же як виолиниста-виртоуз поготов схопно применьовал гранє пициката Николо Паґанини.

Литература

• Струве Б. А. История смычка, Процесс формирования виол и скрипок. — Л.: МузГИз, 1959. — б. 233—255.
• Витачек Е. Ф. Очерки по истории изготовления смычковых инструментов. — М.: Музыка, 1964.

Вонкашнї вязи

• Korisne informacije o gudalu violinsrakic.co.rs/
• Смычок, в музыке // Энциклопедический|словарь Брокгауза и Ефрона : в 86 т. (82 т. и 4 доп.). — СПб., 1890—1907.
• FROM HORSE TO BOW
• Fetching the stick
• Saint-George, Henry, The Bow, Its History, Manufacture and Use
• The violin bow: a brief depiction of its history