Славица Шовш
| Славица Шовш | |
|---|---|
 | |
| Народзена | 26. децембра 1959. |
| Умарла | 25. децембра 2022. (63) |
| Державянство | югославянске, сербске |
| Язик творох | руски, сербски |
| Школа | ґимназия Жарко Зренянин, Вербас |
| Универзитет | Факултет политичних наукох, Беоґрад |
| Период твореня | 1983—2017. |
| Жанри | новинарство, литература, поезия |
| Похована | на теметове у Коцуре |
Славица Шовш (*26. децембер 1959—†25. децембер 2022), радио-новинарка, редакторка и писателька.
Биоґрафия
[ушориц | ушор жридло]Славица Шовш народзена 26. децембра 1959. року у Вербаше. Родичи оцец Силвестер и мац Любица родз. Салонски. Славица мала шестру Єлену. Основну школу Славица закончела у Коцуре, ходзела до оддзелєня по руски, ґимназию у Вербаше, а Факултет политичних наукох у Беоґрадзе.
Славица Шовш робела як новинарка у Радио Новим Садзе,[1] а познєйше, по пензионованє у НВУ Руске слово, дзе була одвичательна редакторка часопису МАК и заменїк одвичательного редактора новинох Руске слово.
Литературна творчосц
[ушориц | ушор жридло]Славица Шовш як штредньошколка була член Литературней секциї Нашо крочаї у Коцуре. Ту упознала красу литератури и литературного твореня. Попри порядней роботи як новинарки вона шлєбодни час пошвецовала литературней творчосци. Писала романи, драми, поезию и критику.
Обявела два романи по сербски: Мушкарчина (2007) и У златним маказама (2010) и збирку писньох по руски Безсони ланцущок (2016).
Була член Дружтва писательох Войводини.
Славица Шовш була член Дружтва за руски язик, литературу и културу од 1975. року.
Славица Шовш ше упокоєла 25. децембра 2022. року у 63. року живота. Похована є на теметове у Коцуре.
Литература
[ушориц | ушор жридло]- Славица Шовш (1959-2022), М-Ш/М-Ц, Руске слово, Рок LXXVIII, 30. децембер 2022, число 52, б. 23.
Вонкашнї вязи
[ушориц | ушор жридло]- Умарла Славица Шовш, М. Шанта, Рутенпрес, 26. децембер 2022.
Референци
[ушориц | ушор жридло]- ↑ Ґрупа авторох, „Члени Рускей редакциї од 1949. по 2019.ˮ, Гласи и часи, 70 роки Рускей редакциї Радио Нового Саду, Новинарска асоцияция Руснацох - НАР, Нови Сад 2019, б. 140.