Скорка

Скорка слово хторе ма вецей значеня.

1. (серб. дем. кожица) фалаток скори;

2. скорка з хлєба (серб. корица): Пред войну ше нє пило кафу, алє ше пило циґуру, або скорки з хлєба положели до млєка, та млєко подогановело, та то було як кафа;

3. верхнї твардейши покривач жеми и под.: Дакеди зна диждж припрац тоту жем, та вецка така скорка ше направи же конопа нє може зисц, зато нє треба чекац док шеменєц пущи ключки, алє крижом дерляц зоз дерлячу да ше тота скорка потарга;

4. (серб. кожица) часц паридї до хторей ше кладзе каменьчок, кулька и под. хтори ше виштрелює: Други конєц тих ґумох привязало ше за скорку, виштригнуту зоз старих бочкорох, а найлєпша була гевта зоз виштригнутого язика на ципелох;

5. (серб. скоруп) шметанкова скорка на верху превареного млєка: Дзецом ше за фриштик преварйовало млєко у пецу. На тото млєко ше лапала червена скорка, хтора була барз пахняца и смачна;

6. (серб. скрама, тена) на рани хтора зараста.

Литература

• Словнїк руского народного язика II, О – Я, Нови Сад 2017, б. 481

• Руско-сербски словнїк, Нови Сад 2010, б. 713

Вонкашнї вязи

• Skorup. Vebsajt Vujaklija, Definicije. vukajlija.com.

• Кајмак. Vikipedija na srpskom jeziku. sr.wikipedia.org.