Скерцо

Шопен, скерцо оп.20, похасновани мотив зоз Колїсанки о Исусови ("Lulaj że Jezuniu") хтора подобна коляди.

Звучни вокални приклад Шопенового Скерца оп.20

Скерцо (ит. Scherzo – шала, шалїво) то музична форма а часц є симфониї, сонати, квартета або є самостойна музична композиция жившого, швидкого темпа, зоз оштрейшим ритмом и гармонийскима пременками, углавним у тродїлей розмири такта. Найчастейше то дїло швидкого, ритмично-оштрого руха.

Характеристики

Вельке число скерцох демонструю рижнородни ниянси музичного гумору. Розвили ше вельочислени комплекси технїки граня хтори можу пренєсц „бурйово“ композиторски идеї: гумористични вименки

Скерцо, виолончелиста Джон Мишел- Ґенс

мелодийского мотива хтори ше преноша од реґистра по други реґистeр або зоз єдного инструмента на други, а зоз тим ше доставаю рижни музични колорити. Шицки файти нєназдаваюцих – „нєсподзиваньох“, приказованє даяких єдноставних зявеньох у нєзвичайним, чудним шветлє лєбо його ламанє, премесцанє итд. Скерцо ше богато розвивал и звонка сонатно-симфонийского циклуса. Найвисши досяги посцигли Шопеново штири скерца, хторим структура и змист ширши и озбильнєйши од звичайного скерца

Форма

По форми, скерцо идентични менуету т.є. представя зложену тродїлну (трочасцову) писню А-Б-А. Штредня часц писнї углавним мирнєйшого характеру од першей часци, и од хторого ше тиж може розликовац по темпу и тактовей розмири. Же би одвитовал пропорцийно спрам других ставох сонатного циклусу, пре швидши темпа, потребно же би бул обсяжнєйши и длугши од менуета. Тот проблем композиторе ришую зоз преширйованьом форми зоз часцами; A - Б - A на A - Б - A - Б - A лєбо подобно як у форми ронда на A - Б - A - Ц - A.

Фредерик Шопен, Скерцо ч.3

Скерцо, ше лєгко розвивал и окрем же є присутни у сонатним циклусу, зявює ше и як самостойна композиция, поготову у чаше романтизма. До теди исновали даскельо Шопеново скерца хтори зложенши, обсяжни и озбильнєйши од звичайного скерца. Нєшкайши скерцо композиторе компоную вельо меншого обсягу и кратши су.

Историят

Йоган Себастиян Бах,- Свита h-mol ч. 2 - Badinerie

Поняце слова скерцо ше стрета ище под час Баховей епохи, кед ше зоз скерцом означовало кажде музичне дїло веселого характера.

Италиянске слово Scherzo значи ,,шала” лєбо ,,шалїво”. Тиж алє ридше ше хаснує слово подобного значеня (бадинерие) (зоз французкого "joking"). Дакеди ше слово Сcherzo (Scherzando „шала”) хаснує у музичних записох у партитури же би ше назначело часц хтору треба одграц на розбавени, весели и шалїви способ.

Таки приклади маме у вчасним бароку у музичних формох мадриґалох хторих наволовали ,,scherzi musicali,

Вонкашня вяза

• ScercoЕнциклопедичний словник Брокгауза і Єфрона : в 86 т. (82 т. и 4 доп. т.). — СПб., 1890—1907. (рос. дореф.)
• Forms - The Scherzo (1956).webm Музична форма-Скерцо