Сертис
Сертис (ук. церкв. тидзень без поста, тидзень кед мож єсц месо и масне - загальниця, масниця, масляна, масляниця старославянске швето випровадзаня жими, нєшка тидзень пред Вельким постом; рсй. мясоед, масленица старе славянске швето випровадзаня жими; чес. masopust; слц. fašiangy; серб. месојеђе, блажни дани, трапавица час медзи Крачуном и початком Велького посту кед ше допущує єсц месо и масне; мадь. Farsang; нєм. Fastnacht, Fasching. Наведзени паралели ше нє цалком поклопюю по значеню зоз нашим сертис, бо нашо слово ше одноши лєм на час од седем днї, т.є. тидзень (напр. слц. fašiangy час од Трокральох по стреду од хторей почина штерацецдньови пост).
У єдним литурґийним року єст штири тижнї сертис. То значи же ше у тим тижню и стреду и пияток може єсц месо, а монахи млєчни продукти и вайца. То тидзень медзи нєдзелю Митара и нєдзелю Блудного сина (пред Вельким постом), цали Швитли тидзень (тидзень после Велькей ноци до нєдзелї Томовей), цали тидзень после Русадльох и час после Крачуна, од 25. децембра до 5. януара
Литература
[ушориц | ушор жридло]- Словнїк руского народного язика II, Нови Сад 2017, бок 467