Секста (музика)
Секста у музики (лат. sextus: „шести“) то интервал хтори залапює шейсц тони у диятонскей або хексатонскей скали (напр. C → A). У скалох то розмак медзи I и VI ступньом. Прецизнєйше, секста ше тиж може одношиц на шести ступень одвитуюцей скали.[1][2] Як нтервал, секста у инверзиї-обрацанє интервала 
комплементарна зоз интервалом терца.
Файти сексти
[ушориц | ушор жридло]Интервал секста по файти може буц: велька, мала, зменшана и звекшана.
Нотна илустрация приказує файти секстoх:
У музичней пракси найбаржей ше хаснує вельку и малу сексту.[3] Тоти два сексти найзаступенши у композицийох и велїх соло писньох.
Нотни и звучни прикалд звучаня велькей и малей сексти.
| Звучанє велькей и малей сексти | |
|---|---|
Bелька секста
| |
Нотни приклад: c1 - a1 (на горе) 
Звучни приклад: c1 - c1 |
Звучанє на нїжей
C2 - e1 |
Мала секста
| |
Нотни приклад: c1 - as1 (на горе) 
Звучни приклад: c1 - as1 |
Звучанє на нїжей
аs1 - c1 |
Илустрация велькей и малей сексти на калвиятури
[ушориц | ушор жридло]
Велька и мала секста у єдноставней интонациї, и маю фреквенцийне одношенє 5:3 и 8:5, респективно. Секста по файти у дурскей скали велька, док секста у природней молскей скали мала. Звекшана и зменшана секста ше менєй хасную а за нїх нєобходни акциденти (пред'знаки). 
У єднакей темперациї, сексти залапюю од седем до дзешец полутони то завиши од файти сексти.
През историю ше длугши период, думало же сексти нєприкладни и чежки за шпиванє у мелодиї, так же ше релативно позно установели як мелодийски интервал.
Инверзия интервала-секста (обрацанє сексти)
[ушориц | ушор жридло]- Велька секста на висше C – A, (4 цали тони + 1 полутон), инврзия (на долу) мала терца А – C
- Мала секста на висше C – A♭, (3 цали тона + 2 полутони), инверзия велька терца на нїжей С – A♭
- Звекшана секста на висше C – A#, (5 цали тони), инверзия зменшана терца на нїжей А# – C
- Зменшана секста на горе С–A♭♭, (2 цали тони + 3 полутони), инвр звекшана терца на долу C – A♭♭.
Дорска секста
[ушориц | ушор жридло]Дорска скала ше розликує од природней молскей скали лєм по тим же секста на тоники (I ступень) велька а нє мала. Пре тото, велька секста характеристични интервал дорского модуса (староцерковна скала) та ше вола дорска секста.
Интервал секста у рускей музичней творчосци
[ушориц | ушор жридло]Зоз музичного боку по звучаню сексти мелодични и красни. Анализуюци нашо руски писнї народни-жридлово, компоновани у народним, и забавним духу та и дзецински писнї, мож завжац становиско же интервал сексту авторе писньох у велькей мири хасную, поготов у новокомпонованих писньох под конєц 20-го и надалєй у 21. вику. Интервал секста ма призвук меланголичного, жалоснєйшого и емотивного характера. Зоз такима прикметами одвитує поетским текстом а самим тим сексти инспирую и руских композиторох же би ю похановали у своїх дїлох.
Мож обачиц же у мелодийох похасновна мала секста на початку мелодиї або у пришпиву, док велька секста менєй заступена.
Илустрацийна табела приказує даскельо народни писнї, векше число авторских композицийох у народним и забавним духу у хторих похасновани сексти а поготов мала секста. Кажда писня нотно записана у рижних публикацийох (хтори означени) а дзепоєдни - популарнєйши додати линки а мож одслухац на юбтюб каналу Маковчаня лєбо других ношачох звука.
| Руски народни писнї хторим мелодия почина зоз сексту | |
|---|---|
Велька секста
|
Мала сєкста
|
| Так поцихучки, у кнїжки Наша писня б.161 | Весели кумове. РЗ б. 267 (А. Тимко) |
| Моя заградка, Ружова заградка 1990-2008 б. 323 (С. Загорянски) | У карчмочки, Червена ружа 1962-2011,
б. 150 (М. Лїкар) |
| Пред нашима дзверми, РЗ б. 224 (С. Медведь) | Коломийка, ЧР 1962-2011, б. 205 (Ю. Судї) |
| Єшеньски ноци, РЗ б. 245 (М. Пап) | Mойо спомини. ЧР 1962-2011, б. 215 (А. Тимко) |
| Писню зашпивайме, Ружова заградка 1990-2007,
бок 51 (А. Тимко). |
Валцер любови, ЧР 1962-2011,
б. 236 (М. Бодянец) |
| Нєбо и гвизди, ЧР 1962-2011, б. 290
(Лю. Загорянски) | |
Мала секста
|
Писня Коцуру. ЧР 1962-2011, б. 314
(Лю. Загорянски) |
| Загуркали два герлїчки, Наша писня, б. 51 | У вербинкох, Ружова заградка 1990-2008, б. 54 (Ю. Рамач) |
| Кед сом ишол коло панскей загради, Рут.21, б. 60 | Koсач. Ружова заградка б. 83 (М. Пап) |
| Полюбел я шварне дзивче, Ruthenika 21 б. 99 | Руснакови. Ружова заградка б. 107 (Т. Барна) |
| Другому ши шерцо дала, РЗ б. 36 (М. Бодянец) | |
| Руски писнї у забавним духу хтори починаю зоз сексту | |
| Знам же ме чекаш, Поета нотох б. 60, (Я. Сивч) | Знова, Поета нотох б. 62 (Я. Сивч) |
| Тримайме ше за руки, Поета нотох б. 112 (Я.сивч) | Тей ноци, Поета нотох б. 114 (Я. Сивч) |
| Дай ми дзивко, любов дай.
ЧР бок 60 (Дь. Ковачевич) |
Як давно то було,
Поета нотох б.128 (Я. Сивч) |
| Можебуц дакеди, ЧР б. 144 (В. Малацко) | Ти мой швет, ЧР 1962-2011, б. 96 (Ш. Даниш) |
| Шлїмак, Червена ружа 1962-2011, б. 140
(Здравко Бесерминї) |
Я знам же знаш, Ружова заградка 1990-2007,
б. 158 (В. Надьмитьо) |
| Цинї першей любови, ЧР 1962- 2011, б.141,
(Дь. Ковачевич) |
Твой принц зоз сказки, ЧР 1962-2011, б.116
(Вл. Надьмитьо) |
| Придз, ЧР 1962-2911, б. 152 (Ю. Бучко) | Жиєм так, ЧР 1962-2011, б.118 (З. Бесерминї) |
| Сто драги, ЧР 1962-2911, б. 305 (С. Афич) | Писмо, ЧР 1962-2911, б.134, (М. Лїкар) |
| Писнї нашей младосци, ЧР 1962-2911,
б. 331 (Б.Андєлич) |
Твой смуток и мнє швичку палї, ЧР 1962-2011, б.138, (Ю. Бучко) |
| Воякова любов, ЧР 1962-2911, б. 164 (В. Семан) | |
| Здогадованя на тебе, ЧР 1962-2911, б.168
(Дь. Ковачевич) | |
| Од нєшка, ЧР 1962-2911, б.265 (В. Семан) | |
| Даремно ме витри будза, ЧР 1962-2911, б.282 (Славка Варґа) | |
Литература
[ушориц | ушор жридло]- Деспић, Дејан. 1997. Теорија музике. Београд: Завод за уџбенике и наставна средства
- Рутеника 21 Нови Сад 2016.
- Онуфрий Тимко, Наша Писня, Руске слово-Нови Сад
- Червена ружа 1962-2011 I и III том, Завод за културу войводянских Руснацох
- Андреи Даждиу, Ружова заградка 1990 - 2007, Руске слово-Нови Сад 2008
- Яким Сивч Поета нотох, НВУ Руске слово Н. Сад, Завод за културу Войводянских Руснацох
Вонкашнї вязи
[ушориц | ушор жридло]- Марко Тајчевић Основи музичке теорије 1997, б. 113-118
- Заједнички садржај: Велике сексте – колекција слика, видео записа и аудио датотека Seksta.
- Seksta-interval. Hrvatska enciklopedija, mrežno izdanje. Leksikografski zavod Miroslav Krleža, 2013. – 2026. Pristupljeno 13.1.2026.
Референци
[ушориц | ушор жридло]- ↑ Марк Хонеґер, https://de.wikipedia.org/wiki/G%C3%BCnther_Massenkeil Ґинтер Масенкял (ур.): Велика енциклопедија музике (Das große Lexikon der Musik.). Том 7, Фрајбург и. Бр. Хердер 1987, ISBN 3-451-22921-8, б. 345
- ↑ Мецлерова енциклопедија музике, Штутгарт: Мецлер 1978, ISBN 3-476-01544-0, стр. 957
- ↑ Store norske leksikon snl.no