Савине Село

Савине Село
Савине Село;
Администрацийни податки
Держава	Сербия
Автономна покраїна	Войводина
Управни округ	Южнобачки
Општина	Вербас
Жительство
— 2022.	2.562
— густосц	41,5/км2
Ґеоґрафски характеристики
Координати	45° 30′ 13″ С; 19° 31′ 22″ И / 45.50348° С; 19.52275° И
Часово зони	UTC+1 (CET), лєто UTC+2 (CEST)
Абс. висина	83 м
	Савине Село Савине Село на карти Сербиї
Други податки
Поштанске число	21467
Поволанкове число	021
Реґистерски знак	VS

Савине Село (по руски Торжа; мадь. Torzsa, нєм. Torschau) то населєнє у општини Вербас, у Южнобачким округу. Спрам Попису зоз 2022. року мало 2562 жительох.

Ноши назву як знак здогадованя на народного героя Саву Ковачевича (1909–1943), команданта Трецей удерней дивизиї НОВЮ хтори страдал у битки на Сут'єски.

История

Населєнє Торжа (нєшка Савине Село) ше першираз спомина под час Бачкей жупаниї 1416. року.

Торжа ше формовала за потреби утвердзованя австрийского уплїву у тих крайох и то з колонизацию Нємцох. Снователє Торжи пришли до Бачкей 1783. року, алє мушели буц розмесцени по "жимовнїкох", односно у сушедних населєньох: Оджак, Деспотово, Бачки Петровец, Кула и Коцур. Историчаре Торжи нє зохабели прецизни податки о матичних подручох и населєньох зоз хторих ше приселєли Нємци, алє наводза лєм Райнску обласц у ширшим смислу. Виселєнци рушали до Торжи з Мангайму, и то у даскельо ґрупох.^[1] Од Реґензбурґу до Апатину Нємци путовали углавним на ладьох. У драже ше мушели приявйовац компетентним административним установом пре верификованє документох и додзельованє пенєжу за подмиренє трошкох путованя. Так ше у Бечу приявели Угорскей дворскей канцелариї, дзе уписани найважнєйши податки и дзе каждей фамелиї додзелєни по два форинти на мено трошкох путованя. Потим ше у Будапешту приявели Кральовскей комори, дзе им додзелєна ище по єдна форинта по фамелиї. По розказу Кральовскей комори, Нємци предвидзени за насельованє у Бачкей мушели предлужиц драгу ґу Зомбору и там ше приявиц специялней канцелариї за насельованє хтора установена за прилапйованє приселєнцох, старанє коло правеня хижох за нїх, вибору и розмерйованя хотарох, подзелєнє жеми и орґанизациї обробку.

У Торжи преславена 26. авґуста 1934. року 150-рочнїца населєня. Ту приселєни у 18. вику Нємци зоз Пфалцу у Нємецкей.^[2] Валал плански будовани од мая 1784. року, так же у першим периодзе мал 223 обисца. Нємци справели реформаторску (остатки зачувани по нєшка) и першу евангелистичну церкву у тедишнєй Угорскей (поваляна по Другей шветовей войни). У марцу 1937. року буря звалєла фабрику конопи.^[3]

Савине Село типични плански, войводянски валал, з правоуглово поставену реґулацию улїчкох. Реґулацийна ширина улїчкох од 25 до 48 метери, а длужина коло 1,5 километри.

Демоґрафия

У населєню Савине Село жию 2526 полнолїтни жителє, а штредня старосц жительства 37,3 роки (36,3 при хлопох и 38,3 при женох). У населєню єст 1073 обисца, а штреднє число членох по обисцу 3,12 (Попис 2002).

Жительство у тим населєню барз гетероґене, а на остатнїх трох пописох обачене опадованє числа жительох.


Демоґрафия ^[4]
Рок	Жительох
1948.	4848
1953.	4.437
1961.	4.905
1971.	3.856
1981.	3.575
1991.	3.592	3.553
2002.	3.351	3.375
2011.	2.957

Етнїчни состав жительства спрам Попису зоз 2002.


Етнїчни состав жительства спрам Попису зоз 2002. ^[5]
Чарногорци:	1.280	38,19%
Серби:

Чарногорци: 1.280 або 38,19%

Серби: 1.211 або 36,13

Словаци: 166 або 4,95%

Мадяре: 161 або 4,80%

Горвати: 106 або 3,16%

Руснаци: 74 або 2,20%

Українци: 65 або 1,93%

Югославянє: 50 або 1,49%

Муслиманє: 39 або1,16%

Македонци: 13 або 0,38%

Роми: 8 або 0,23%

Бошняци: 8 або 0,23%

Нємци: 7 або 0,20%

Словенци: 5 або 0,14%

Бунєвци: 4 або 0,11%

Нєпознате: 25 або 0,74%

Ґалерия

Центер валалу зоз Євангелистичну церкву у другим планє
Євангелистична церква
Памятнїк у валалє
Вила у валалє
Лутеранска и реформаторска церква у Савиним Селу, (старе мено Торжа) Войводина, Сербия

Литература

др Милорад Васовић: Врбас и његова комуна - географска монографија, 1968, стр. 29

Референци

↑ Wack, Peter (1934). Torža 1784-1934 : Eine hundertfünfzigjährige deutsche Gemeinde in Jugoslawien. Novi Vrbas. p. 27.
↑ "Правда", Београд 23. август 1934. године
↑ "Политика", 26. март 1937.
↑ „Књига 9”. Стамновништво, упоредни преглед броја становника1948, 1953,1961, 1971, 1981, 1991,2002 (PDF). webrzs.stat.gov.rs. Београд: Републички завод за статистику. мај 2004. ISBN 86-84433-14-9.
↑ 5 „Књига 2”. Становништво, пол и старост, подаци по насељима. webrzs.stat.gov.rs. Београд: Републички завод за статистику. фебруар 2003. ISBN 86-84433-01-7.

[1] Wack, Peter (1934). Torža 1784-1934 : Eine hundertfünfzigjährige deutsche Gemeinde in Jugoslawien. Novi Vrbas. p. 27.

[2] "Правда", Београд 23. август 1934. године

[3] "Политика", 26. март 1937.

[4] „Књига 9”. Стамновништво, упоредни преглед броја становника1948, 1953,1961, 1971, 1981, 1991,2002 (PDF). webrzs.stat.gov.rs. Београд: Републички завод за статистику. мај 2004. ISBN 86-84433-14-9.

[5] 5 „Књига 2”. Становништво, пол и старост, подаци по насељима. webrzs.stat.gov.rs. Београд: Републички завод за статистику. фебруар 2003. ISBN 86-84433-01-7.

[1]

[2]

[3]

[4]

[5]