Остатнї коментар: пре 8 месеци20 коментари3 людзе у дискусиї
Потребни ми з вами контакт а нє знам о вас нїч, анї на яким язику да ше вам обрацим.
У остатнїх дньох зме обачели, члени тиму за Панонску руску википедию, же сце наруцели два тексти, Тарки и Репик. Тексти досц солидни и нам потребни нови сотруднїки алє би було добре да знаме хто сце, цо сце. Значи, да ше представице голєм з основнима елементами.
У текстох маце досц вельки нєреґуларносци при форматированю самого текста. Прето потребни контакт з нами же би ше дало мали совити, подуки и же би тексти були цо лєпши, цо чистейши.
Сам наслов текста Тарки у форми Saslavik/Тарки то погриши наслов, ТАК ше то нє роби. Прето ваш текст анї нє реґистровани у софтверу хтори нам презентує Нови тексти. А видно у Историї текста же сце тот текст премесцали односно меняли дацо и правели нову верзию алє - тото Saslavik остало у наслове. Инфотабела погришно форматирована у Тарки, так ше нє роби. Референца нє добре поставена, тото Тарки на самим початку тексту нє потребне, цитираня нє одвитуюци итд. Значи, нам потребни сотруднїк алє як член тима, хтори ше будзе радзиц и робиц у складзе зоз правилами Википедиї, нам нє потребни соло бавяч за хторим будземе мушиц виправяц основни даяки гришки. Модлїм, кед же нє маце нїч процив у вязи контакта, да о себе напишеце у ту одвиту або на мейл gkoljesar@gmail.com
Please introduce yourself, at least with basic information about yourself. Your texts are solid, but with quite large formatting errors. We need collaborators who are ready to cooperate, to reach an agreement, and not to act as freelance and mysterious shooters, or as potential vandals. Please write your information in your response or to the above email address. — Keresturec (розгварка) 14:19, 3. януар 2026. (CET)Одвитуй
Кориговал сом наслов тексту Тарки и тераз є у форми яка припада тексту на Википедиї.
Уж на тим тексту видно же сце нє достаточно упутени до форматованя инфотаблїчки, табели на правим боку. Правенє референцох вам тиж слабши бок. То достаточно елементи же бизме вам, як тим рускей википедиї, помогли з подуку як то треба робиц. Чекам од вас глас. — Keresturec (розгварка) 15:56, 4. януар 2026. (CET)Одвитуй
Почитовани,
провадзим активносци коло доставаня ISO коду и роботох на твореню Рускей Википедиї. Уж длуго иснує намира уключиц ше до роботи твореня текстох за Википедию, лєм нїяк же би ше поскладали коцочки и почало з роботу. Конєчно пред тижньом рушело, помалючки ше звладує цошка цалком нове, од самих початкох. Тарки вибрани пре писню „Зродзели ше тарки за горами” а 95% младих их нїґда нє видзели, а дзе же би и коштовали. Поробене як ше удало и обявене як особни нарис. Кед требало преруциц на главни бок, нє було понукнуте лоґичне ришенє, та вец поробени Репик и зоз видлївима нєдостатками обявене на главним боку. У медзичаше найдзене ришенє зоз премесцаньом (на 3 годзин по пол ноци). Ютредзень нє було часу за плановани виправки пре други обовязки и то цала приповедка.
Пред годзину повиправяни хиби у Таркох, алє администратор бул швидши та же би ше видзело цо и як поробене Тарки дочасово прекресцени на Тарка бо иншак нє могло обявиц.
Цо ше дотика информацийох о мнє нє тримам же то таке важне.
А кед же треба ниа:
Мацерински язик руски, сербски як мацерински, а з другима славянскима язиками ше служим. Анґлийски з помоцу Google Translate
Образованє академске.
Компетенциї и интересованя: просвита и култура
Роботна анґажованосц: у мировини (пачи ми ше тота горватска одреднїца).
Перше пар основни надпомнуца о Википедиї як системи.
Нє треба буц мудри и заключиц, спознац же тото шицко правели врсни проґрамере, темельно обдумали процеси роботи на текстох, процес наруцованя фоткох, видеох и звучних файлох, и шицко так поставене же би на текстох могли робиц милиони людзе. Прето у слоґану єст тото ...хтору кажде може ушорйовац.
Алатки за роботу софистицирани досц високо и ефектни су до максимума. Шицко ше базує на лоґики компютера, на сущних програмерских правилох. Лєм их треба кус-кус розумиц же би ше и похопело цо и як треба робиц.
Мени командох досц приблїжни Вордовим алє у єдней мири єст розлики и на тоти розлики треба мерковац. Но, досц швидко ше и тото научи.
Дати окремни алат, такволана робота на писаню текста "у писку". Текст ше пише у окремним софтверу барз подобним ориґиналним вики софтвером. За ученє и вежбу є идеални, насправди. Медзитим, я нє мам тоту опцию а нє сиґурни сом чи и други члени тима маю таку опцию. Текст ше пише у писку, кед ше го закончи, кладзе ше го на такволани, по сербски, трґ (площа) и поволує ше других членох тима же би опатрели текст, виправяли, шминкали, дополньовали итд. итд. Аж вец ше достава одобренє же би текст бул наруцени.
У нас того нєт. Пише ше у Ворду и кед текст готови наруцує ше го и аж вец наступа шминканє, дополньованє, гладканє тексту у шицких сеґментох. Ми робели у такволаним Инкубтору директно и кед сом Сербом хтори ми дацо помагали гуторел же ми нє робиме у писку вони просто були любоморни и твердзели же Инкубатор то одлична ствар. Ми научени на директни пласман текстох.
Кед ше текст наруцує треба БАРЗ мерковац яки будзе наслов текста и исти на Главним боку правилно написац. Википедия нє прима малу букву у наслову на предку - о. Дюра Биндас будзе мушиц будз написани як О. Дюра Биндас (титули ше избеґава у каждей форми (др, проф мр. и цо я знам яки). Википедия НЄ ПРИМА исти наслов двараз. Маме двох Дюрох Папох або Юлиянох Рамачох або Юлиянох Малацкох а лєм єден могол мац мено и презвиско, други уж мушел мац Юлиян Рамач (дириґент) итд.
Кед ше текст наруци вец наступа етапа його гладканя або у опциї Ушориц або у Ушор жридло. Ушориц то визуални способ, баржей за початнїкох, а Ушор жридло то уж софтвер дзе ше роби и з даякима програмерскима вариянтами, кодами итд. итд. У тей опциї на Ушор жридло мож видзиц правдиви випатрунок аж кед ше кликнє на Опатри як твой текст випатра, таке дацо, у тим стилу. Кед то добре, сейвує ше.
З часу на час треба сейвовац поробене, сиґурно є сиґурно, алє нє треба после КАЖДЕЙ пременки сейвовац. Наприклад, кед форматируєме медзинаслови, кед их єст 5, по лоґики ствари ше их формира шицки як припада и сейвує ше. Нє треба сейвовац после каждого обробеного медзинаслова. Кед ше прави табела, сейвує ше раз або двараз, нє треба кажди два минути сейвовац итд. итд
Понеже нас було мало (Википедия вимага да тим ма голєм трох членох) вец зме сцекали од того да автор, кед наруци текст, да сам на нїм шицко роби, сейвує, па роби, па сейвує и так ше на векшим тексту зяви, поведзме, Керестурец 37 раз або 64 раз... Порадзели зме ше же голєм 2 до 4 особи спомедзи нас пойду на текст и поробя лєм єдну або два позициї и сейвую. И так вец маме у Историї текста вецей надимки, нє лєм авторов. То, нїби, доказ же нас єст вецей у тиме и же вредно робиме хто за цо специялизовани. Покус така, фалшива вариянта. Но, спознали зме же Википедия ма таки напредни софтвер же ТОЧНО зна хто кельо робел итд. итд дацо превельо на Википедиї нє мож мунтац.
Нормално, єст комплетни упутства о ушорйованю текстох. На сербскей вики то на тим линку
а з нього мож пойсц на специялизовани роботи, на рижнородни роботи и поступки. Википедиї на каждим язику маю таки упутства.
Затерз досц о тим. Тото би ше могло писац годзинами у форми упутствох.
хххххххххххххххххххххх
Дацо конкретно о текстох Тарка и Репик.
При Тарки уж у старту бул нєможлїви, досц нєправилни наслов уписани. И такой ше мушело исц на замену наслова односно на такволане Премесцанє. Ту ше ствар виправи, алє перши текст остава у маґазину, наслов му у курзиве илити италики, цо знак же то секундарни текст тераз. Або шмеце. Прето нам потребне мерковац на наслови.
Медзитим, ми маме уствари аж трираз исти текст тераз, по першираз як робиме на нашей вики, раз зоз латинку як Саславик/Тарки па вец маме Тарки па Тарка. Од шицкого того лєм єден треба а ми маме ДВА добри бо у наслове розлика лєм єдна буква цо досц да глупи софтвер тримаж же то розлични тексти. Маме Тарки и маме Тарка. Єдно за сцеранє, а хторе, треба кус озбильнєйше роздумац. Перше роздумац а вец робиц.
И при Тарка и при Репик табела цалком нє у стилу Википедиї. Википедия хаснує такволани Шаблони у велїх ситуацийох (боки хтори барз подобни зоз змистом та да ше ушпорує робота да ше нє прави скоро исте вше ознова, алє да ше унєше шаблон, у нїм евентуало лєм виправка або два и идземе далєй. Табела готова ).
На початку при Тарка маме
горе наслов Тарка (синґулар) а перши шор почина Тарки (плурал). Треба поєдначиц
„Prunusspinosa L., - то нє добре, тот L. нє припада ту. То у табелох на других язикох линк (викивяза) за текст о чловекови хтори пред 300 роками ушорел класификацию рошлїнох и животиньох на жемовей кулї. То Карл фон Лине (лат.Carolus Linnaeus)... Ми тот текст по руски нє маме о нїм так же нє мож положиц викивязу.
Табела нє по стандардох Википедиї. Слика центрирана, то ОК, медзинаслов Наукова класификация треба же би була, як и Биномне мено, на шивей подлоги... Шицки латински назви викивязи на нїх нє добри бо нас водза на тексти по сербски а ми руска википедия. И викивязи на обидвох медзинасловх водза на сербски тексти. Нє добре.
Prunus spinosa L.
треба
Prunus spinosa
L.
Под насловом Хемийни состав
На концу шорикох маме зарези, нїч, точку. Треба же би було виєдначене, педантне.
Витамин Б1, Б2, Б6, числа треба же би були зоз субскриптом Б1, Б2, Б6,
Подписи под сликами у Ґалериї тото Rtanj треба же би було Ртань
Референци ту нє ушорйовани. У тексту Тарки (видзи ми ше же би наслов требал буц плурал, Тарки) я означел дзе би требали буц референци и зробел сом их.
У тим тексту сом зрбел и єдну катеґорию и повязал сом наш текст зоз 83 другима язиками а о истей теми.
У Репику подобне алє маме там и цали шор по сербски
· слуз,
· чврсто етарско уље,
У рамику слика на право лоцирана
штредок табели нєушорени
Царство: Plantaе
Дивизия: Magnoliophyta итд.
ххххххххххххххххххх
Одлука же сцеце остац инкоґнито ОК. То бенефит википедиї. Медзитим, подуки и помоц будзе компликованша. Хасновац википедийово ходники за пренос порукох то кус спомалшени процес алє, ОК, мож ше радзиц и порадзиц. Алє, кед би требало послац вам даяки типски шаблони, я нє знам як то идзе нука у Википедиї. Прейґ мейла то супер ефикасно мож посилац.
За нєшка досц. За конкретни питаня одосно одвити и помоц обрацце ше Иринки Олеяровей або Светлани Папуґовей. Вони наш перши тим.
То, у сущносци, вецейзначна одреднїца, ма вецей значеня. Я, особнє, баржей у живоце знал и хасновал фластери же бим залїпел вату або фатьол прейґ рани кед сом ше порезал або повредзел.
Патрим, и у нємецким язику вони дали тоту одреднїцу як вецейзначну, зоз 4 або 5 значенями. Можлїве же би одреднїца на руским язику могла буц така, у форми тей конкретней хтору ту прикладам з нємецкей вики.
ххххххххххххххххххххххххххххх
Гипс (од средњевисоконемачког *phlaster*, од грчког *plasein* „месити, обликовати“) је: (првобитно) медицински производ који се наноси на завој, затим завој премазан медицинским производом,
види медицински фластер колоквијално, унапред направљена комбинација завоја за ране и лепљивог завоја, завој за брзо отпуштање
лепљиви завој, у медицини генерално текстилна лепљива трака која се користи за фиксирање, види лепљива трака #лепљиви завој фластер за лепоту,
види mouche поплочавање, у изградњи путева и стаза врста подних облога, види поплочавање (подне облоге)
фластер за пуњење, помагало које се користи при пуњењу ватреног оружја које се пуни преко цеви
ххххххххххххххххххххххххххххххххххх
друге, инсталация фотки нєудатна. Вчера сом видзел же даяки бот зоз Википедиї посцерал праве таку файту фотки. На Викимедиї нє можем найсц таки файл File:Bastenska-staza-od-cigala-3.jpg. Кед же сце фотку дражки превжали даґдзе индзей и пробовали ю уруциц до тексту, то ше указало як проблематичне, файл посцерани з назнаку же очкодовани авторски права автора слики тей дражки. Кед слово о фоткох, зоз Википедию нєт зафрканциї -чим фотка по дачим сумнїва, нє ясно декларисана, сцераю ю. Мнє потераз посцерани коло 200 фотки.
, стога речничке дефиниције (од једне реченице) о темама које нису прикладне за енциклопедију нису за википедију. Ако желите написати нешто о некој
речи
, посетите пројекат
викиречник
.
односно, барз кратки одреднїци, 3-5 шори, хтори уствари виняти зоз даяких описових словнїкох итд. нє богзна як одвитю як нє знам яки енциклопедийни єдинки. Вони наисце баржей припадаю шестринскому проєкту Википедиї а то Викисловнїк.
Кед ше сце започац нову тему и кед маце у глави наслов теми, будуцей, перше то удуркайце, тот Наслов, до облачка за преглєдованє на Панонскей Википедиї, нашей википедиї. Кед вам нє укаже ИСТИ наслов, значи же такей теми нєт у маґазину. ОК, у маґазину текстох вашей вики єй нєт алє вона можебуц уж написана у фолдеру Геленки Медєшовей и чека за обявйованє.
ПРЕТО вам з часу на час посилам скриншот або .йпґ файл бока того Геленкового фолдера жє бисце и ТАМ преверели чи истей теми нєт уж написаней. Кед и ту нєт - Е, вец ше можеце лапац до писаня тексту под тим насловом.
Чиста чкода кед ше нам случує, наи, уж даскельораз же єст написани текст и наруцени на нашей Вики або є у Геленковим фолдеру на чеканю а ви пошлєце таки текст Геленки за лекторованє. ДУПЛА робота, ДАРЕМНА робот. Тоти сили на писаню дуплого тексту сце могли потрошиц на писанє НОВОГО тексту, потераз нє обявйованого на руским язику.
Тераз тот Геленков список ОЗНОВА атачирам шицким членом нашого тиму, окрем Саславика. Вон нє дал мейл, сце остац инкоґнито, та му нє мож посилац таки спозореня. Вон вироятно ту и там будзе писац дупли текст. Га цо даму робим, вон так сце.
(дакус чудне - нас єст 5-6 и дуплуєме тексти у маґазину у хторим єст лєдво 1000 и дацо тексти, нє знаходзиме ше. А задумайце кед єст пар сто особи цо пишу тексти, як на сербскей википедиї, а у самим їх маґазину коло милион тексти, як при нїх вец треба водзиц таки проблеми дуплованя и питам ше чи вона маю таки проблеми? А требали би бо пре вельо наслови у їх маґазину велька вироятносц же уж таки и таки наслов єст а хтошка го пише ознова... итд. итд. )
О тей теми нє будзем вецей писац. Мам и так надосц койдзеяки други писаня, тераз актуални, койдзеяки роботи, кординованя, итд. и нє мам часу за повторйованє вше истого и истого. — Keresturec (розгварка) 00:40, 21. януар 2026. (CET)Одвитуй
Нє будзе Саславик нїч дупловац, а скриншот ше могло и ту залїпиц. Алє кед треба мейл, ниа ту є.
saslaviki@gmail.com
Тельо о тим.
Я думам же треба дац приоритет тим темом, поняцом або словом цо ше уж забуваю же би зме их зачували. Сучасни ствари, интернационализми ше можу найсц гоч дзе. — Saslavik (розгварка) 14:51, 22. януар 2026. (CET)Одвитуй
Прекоментаровал бим тоти пар думки Саславиково.
Нє будзе Саславик нїч дупловац, а скриншот ше могло и ту залїпиц. Алє кед треба мейл, ниа ту є.
saslaviki@gmail.com
Ми у рамикох рускей Википедиї робиме як тим, як ґрупа у хторей од старту особи хтори починаю робиц, помагац тиму, сотрудзовац, доставаю яку-таку помоц у совитох, инструкцийох, корекцийох. Тоти цо од скорей робели, вони були искуснєйши та помагали, совитовали, упутйовали нових же би им СКРАЦЕЛИ драги ученя або похопйованя википедийових процедурох. То єден способ ученя, а други способ таки кед дахто сам сце шицко розбуцац, цо нє подло, алє ше ту досц натрапи. А процедури му наисце войду до пальцох, як ше то гвари. Но, кажде ковач свойого щесце. Кажде добродзечнє одлучує о своїм статусу и о тим чи сце буц член тима чи сце буц соло бавяч.
Но, ми жадни знаня, та кед напахаме же дахто дацо нове зна, такой пробуєме видайкац од нього знаня о тим. Я ту напахал же пан Саславик зна же "скриншот ше могло и ту залїпиц". Я о тим ище нє знам нїч, я досц огранїчени и идзем на тото же кед видзим понукнуту комаду же файл мож атачирац и послац, я вец тоту команду хаснуєм. А кед нє видзим, я анї нє пробуєм на даяки способ атачирац даяки файл (надпоминам, файл, бо скриншот то файл, нє текст). У тим случаю, атачирац файл нука до дискусиї медзи членами на боку за дискусиї. Та модлїм, кед то можлїве, найкратше пояшнєнє як би ше то могло скриншот залїпиц до дискусиї. Я потераз скриншоти посилал лєм прейґ мейлох а ту бим мал нови способ пласмана скриншотох. По скраценим поступку ученя.
Мейл адреса за Саславика дата, а то олєгчує посиланє даяких информацийох и файлох хтори ше розпосила шицким. Вон тераз, у тим сеґменту, нє будзе на боку, єдни да доставю дацо а вон нє.
Жадам и о тим виреченю дацо прекоментаровац.
Я думам же треба дац приоритет тим темом, поняцом або словом цо ше уж забуваю же би зме их зачували. Сучасни ствари, интернационализми ше можу найсц гоч дзе.
Кажде з нас ма свойо думанє о тим же хтори би теми требало у перших кругох роботи писац. И кажде ма право на його думанє. ОК, ми од 2022. року нє правели нїґда даяки приоритети у смислу яки слова, наслови, термини треба скорей обробиц, а хтори познєйше и тд. итд. Кажде з нас специялиста у дачим, або люби даєдну обласц, або пар обласци творчосци баржей як други даєдни обласци, и вец предпостаям же будзе писац/рихтац тексти насампредз зоз тей обласци хтора му при шерцу. Виберанє темох то цалком шлєбодна дїя каждого сотруднїка рускей википедиї. Нїхто нїкому нїч нє надрилює.
Ище там з 2021. на 2022. рок мой приятель М. Ранчич, хтори ми наисце вельо помогол и коло реґистрациї руского язика и коло уходзеня до царства Википедиї, написал и таки слова:
Окрем текстох о вас, Руснацох у Войводини, на Википедиї а по руски треба же би були пласовани и тексти о ШИЦКИМ! Кед же жадаме же би нам култура була жива, же би наш руски язик новим поколєньом Руснацох бул нєзаобиходно важни, вец треба оможлївиц и посцигнуц же би нашо млади праве на нашим, руским язику, читали кратки енциклопедийски тексти о велїх рикох на швеце, о велїх горох на швеце, о велїх варошох на швеце, о велїх познатих особох, о шицких познатих планетох у вселени итд. Тото им, младим Руснацом, будзе посилац поруку же їх култура нє ма лєм вредносц нашлїдства, пах прешлосци, алє же є жива и у складзе зоз часом, зоз 21. виком. Млади Руснак и Рускиня би так мали чувство же су наисце ровноправни члени шветовей заєднїци народох и же можу о велїх темох читац по руски як цо исте може найсц и читац даяки млади Француз по французки, або Шпаньолка по шпански итд.
Меркуйце, тото ми написал Серб, таке думанє. Серб, нє Руснак.
И нєшка му дзекуєм на тим пасусу. Я, особнє, прилапел ориєнтацию "же би були пласовани и тексти о ШИЦКИМ!" Та зме од початку до руского Инкубатору уруцовали хто цо пририхтал, по своїм шлєбодним виборе. И тоти 1000 и дацо тексти то резултат такей роботи, роботи по шлєбодней совисц у тераз нам милей и активне рускей Википедиї. А пред нами вельо. Нашо браца зоз русиньскей википедиї зоз Прешовщини маю вецей як 10.000 тексти наруцене (пажерим ше на таке число!). А маю план мац вельо, вельо вецей. А у ВЕЛЬКИМ чишлє нєт, вироятно, места за окремни, специялизовани вибори словох, насловох, терминох итд. итд. Наш циль, после 1000 текстох на Википедиї, то 10.000 тексти, па 100.000 тексти и далєй, и вецей...на руским язику.
А
наша надбудова шицкого почнє
кед руски тексти о нас преложима на шветово язики и тоти преклади пласуєме на одвитуюци язични википедиї. То буду отворени дзвери же би о нас и млади Француз и млада Шпаньолка, и озбильни Нємец и заинтриґирована Енґлескиня або Американка вецей дознали як о Руснацох зоз Войводини. Википедия то може зробиц и допринєсц. Новини
Руске слово
и векшина других виданьох на руским язику у Войводини ТАКЕ НЄ МОЖУ зробиц. Вони оставаю у нашим керестурско-коцурским хотаре а руска Википедия ше розлєє, з постредство руского, алє и сербского, горватского, босанского, словацкого, анґлийского, українского, нємецкого, русийского и других язикох зоз текстами о нас по цалим швеце.. И млади Руснак и Рускиня би так мали чувство же су наисце
ровноправни
члени шветовей заєднїци народох... и єден досц обачлїви процент Руснацох у Войводини би ше престал ганьбиц за свой руски язик, вилїчел би єдну файту комплекса нїжшей вредносци, хтори тераз панує у Войводини медзи Руснацами та родичи у Коцуре, наприклад, нє даваю руски дзеци до руских оддзелєньох бо, гат, нацо им то...кед язик на видиху, кому потребни ище руски язик... кед у 20 % руских обисцох у Войводини члени обисца, Руснаци, медзи собу бешедую по сербски бо нє веря (або нє знаю) же руски язик ровноправни член шветовей заєднїци язикох, як и на Википедиї як такей. И же ше за/пре свой мацерински язик нє треба ганьбиц.
Мали проблем сом видзел у тим же сце предложели даяки приоритети у темох.
Друге, ми шицко оперативно окончуєме з посиланьом мейлох. О пар секунди особа достава мейл и велька вироятносц же увидзи змист мейла о кратки час. И атачменти итд. итд.
Ту на портал дискусиї Саславика нїхто од нас нє приходзи кажди пар годзин же би видзел цо ту евентуално нове написане, улїпене итд. Приду лєм тоти хтори спомнути, хтори преволани по надимку итд. итд. Дискусия нє достаточно флексибилна, мейли такповесц закон.
О, я пишем надосц тексти за нашу Вики, алє, нажаль, дупло тельо часу трошим на праве таки дописованя як мам з вами, алє то зоз рижнима людзми од хторих модлїм податок або два за биоґрафиї їх наймилши и чекам, дакеди чекам мешацами. Наприклад, вчера ше ми явела дзивка Миломира Шайтоша з пар податками о єй оцови. После 6 мешацох. Я уж и забул же сом ю модлєл итд.итд. Диписованє наисце нєнавидзим алє воно, нажаль, дакеди потребне и ту на Дискусийох особох по надимкох.
Улїпени список, алє о тим списку, тераз, зна лєм Саславик. Исте бим мушел послац окреме каждому нашому членови тима до його подобного боку за дискусиї. Значи, исте мушим поробиц 10-11 раз. А я зоз мейлом то пошлєм шицким зоз єдним клик. — Keresturec (розгварка) 15:58, 23. януар 2026. (CET)Одвитуй
Добри вечар, опатрице таблїчку у енц. єдинки Сова, або Червеняк, и отворце Ушориц жридло, прекопирайце ю и пременьце назви у таксономиї. Таблїчку хтору сце уруцели до Штиґлинцу нє будзе добра, нє будзе ю нїяк видно, хаснуєме слово Инфорамик за таку файту таблїчки. Попробуйце виправиц, можеце ми писац на маил: papugasvetlana@Gmail.com — Sveletanka (розгварка) 18:39, 21. януар 2026. (CET)Одвитуй
Модлїм Вас, мам совит най би зме у текстох о рошлїнох о животиньох хасновали такс. катеґорию фамилия а нє фамелия. Фамилия зоз букву И у биолоґойним словнїку. Ево, я лєм тельо. Дзекуєм — Sveletanka (розгварка) 11:49, 2. фебруар 2026. (CET)Одвитуй
Дзивчатом сом тото послал зоз мейлом, а вам ту улїпим
Єдна суґестия
Кед ше пише текст та, рецимо, у тексту єст же того року ше наполнєли 50 роки як иснує фестивал Червена ружа то, на перши погляд ОК, алє кед маме у оглядзе же тот текст будзе на википедиї и о 15 роки, и о 69 роки и о 138 роки итд. И кед дахто будзе читац о 138 роки тот текст, а то будзе 2164. рок, вон по лоґики ствари прерахує же фестивал култури бул стартовани 2114. року...
вироятно лєпше звучи виреченє кед є так формуловане же ше того, 2012. року, наполнєли 50 роки як иснує фестивал Червена ружа
Сцем повесц, у случаю Википедиї лєпша формулация давац рок наставаня фестивала та вец най тот хто чита сам прераховює кельо єст у хвилькох кед то чита. Кед то текст о даякей рочнїци, о даяким ювилею, вец вироятно уписац и рок снованя дачого алє и рок кед ше тота рочнїца наполнєла...
то важи и за тексто о 120 рокох оводи медзи Руснацами, и текст за 80 роки од снованя першей реалней нїзшей ґимназиї у Руским Керестуре итд.
або
...пияти рок ше отримує Капушнїк фест, .... подобни случай, у глави замешательство - лєпше повесц же Од 2021. року у Коцуре ше отримує Капушнїк фест... вец знаме на чим зме у каждей хвильки итд. итд. — Keresturec (розгварка) 00:45, 10. фебруар 2026. (CET)Одвитуй
Да, то послала даєдна з наших вредних сотруднїцох хтора задлужена за контакти з тобу. Я затераз нє подзелїм з тобу мою мейл адресу. Мам и я право дацо тримац у тайносци ха,ха,ха. Ок, дознаш мою мейл адресу зоз наступних мейлох кед дзивчата буду дацо посилац шицким нам, алє одомнє нє достанєш затераз мейл. — Keresturec (розгварка) 04:28, 10. фебруар 2026. (CET)Одвитуй
Видзим же ши формовала текст о Карлу фон Линеу и сцел сом це похвалїц бо то ЗНАЧНА статя. То чловек хтори би сиґурно достал Нобелову награду кед би у його чаше було такей награди. Но, и попри того, вон бул, очиглядно, опрез свойого часу.
Но, тераз нам остава класц у каждим тексту линк за ТОТ твой преклад, там дзе ше вон, долу, спомина зоз тим латинским Л и при животиньох и при рошлїнох. Односно, кед войдзеце до уж пласованих текстох о рошлїнох и животиньох, додайце тераз викивязу за тот наш руски текст. — Keresturec (розгварка) 15:39, 2. фебруар 2026. (CET)Одвитуй
Остатнї коментар: пре 8 месеци2 коментари2 людзе у дискусиї
Викивяза за єден термин/поняце ше кладзе ЛЄМ раз. Наприклад, кед у тексту трираз спомнути Коцур, викивязу ше кладзе лєм на єдно слово, звичайно то перше таке слово од початку текста. У пеструшки маме за пейц вариянти положену исту викивяз хтора водзи до одреднїци фарба. И читач вше видз ИСТЕ, а очекує видзиц раз дацо на тему цможелєне, раз на цмокафове, та на червених... Вон з кликом на цможелєни дозна шицко о термину фарба а идуци клики нє даваю дацо нове, алє вше исте. Значи, лєм раз у тексту дацо викивяза за єден термин, та гоч ше у тексту таке слово хторе послужело за викивязу повторує 17 раз або 24 раз... — Keresturec (розгварка) 17:20, 13. фебруар 2026. (CET)Одвитуй
Остатнї коментар: пре 7 месеци1 коментар1 особа у дискусиї
Так як тераз робене то абсолутно нє прилапююце.
Сотруднїки до маґазину нашей википедиї уруцую чисти, коректно насловени текст. Було би добре кед бисце "на живо" нє експериментовали и уношели такволане шмеце до маґазину наших текстох.
Експериментовац можеце, наприклад, на сербскей Википедиї, там ше вам отвори такволани писок и у нїм експериментуйце кельо вам лєм потребне. Там после ваших експериментох сами почисцице нєудатни роботи. А у нашим маґазину за вами муши тото робиц особа хтора за то овласцена. Мудрейше робиц на нормалних нових текстох як чисциц маґазин од шмеца. Одредзени правила справованя треба почитовац. — Keresturec (розгварка) 02:48, 25. фебруар 2026. (CET)Одвитуй
Од 343 википедийох на рижних язикох я таке нє видзел нїґдзе лєм у нашей вики. Я таки наслови менуєм же су шмеце. И вони наисце поставаю нєпотребе шмеце у нашим главним змисту, у Катеґорийох, окреме то нє випатра крашнє у Хасновательови хтори наменєни за цалком иншаки циль итд.
Будзем мушиц висцерац даєдни з тих "насловох" а обавам ше же ше то одражи и на преунапрямени тексти. Маме мудрейшей роботи як таке чисциц, ришовац цо добре цо нє итд. Модлєл бим же би НАСЛОВИ статьох були ясни, точни а у текстох уж як будзе. Наслов остава як таки занавше а у текстох нука можеме, накнадно , и 99% того пременїц. То ше нє одражує на процес уношеня текстох з погришнима насловами, на звекшованє таковалного шмеца.
Я дал упутство о хаснованю такволаного писку нє прето же бисце такой наруцели таке цошка як Saslavik/sandbook. Нє, писок служи за ученє, за примену шицких алатох Википедиї и кед то експериментуюци поробиме и кед текст чисти, ясни, 95% таки як ше го задумовало, вец мож тот текст наруциц до нашого маґазину под точним, ясним меном. Нацо тото Saslavik вшадзи дзе ґод то мож уґурнуц? Нашо назвиска треба же би були лєм у Историї текста и нїґдзе на явносци.
Серби маю у тей хвильки 716.902 тексти на википедиї. Маю 1.943 активних хасновательох (ми маме 25 хасновательох, од того коло 10 нас, Руснацох, а гевти други нєпознати, з рижних жемох а дацо робели на наших текстох). И правило таке на сербскей википедиї же тоти 1.943 активни хаснователє НЄ МОЖУ директно писац до маґазину сербскей википедиї. Єдноставно, таке правило, НЄ ШМУ класц тексти директно, алє их пишу у писку, кед су при концу поставяю тот текст на такволани Трґ и вец хтошка други то опатра, преправя, дополнї и потим текст мож наруциц кед тот други то одобри. Нєт демократиї. А ми, тоти 10-еро, маме шлєбоду написац текст, дац на лекторованє, лектор єдини якиш контролор квалитету текста, и вец автор тот текст наруцує до нашого маґзину. Ви, предпоставям, пре потребу анонимносци, нє даваце текст анї на лекторованє алє го директно нарцуєце. И, ево, випатра же то превелька демократия за вас. Гевти други дзевецеро нашо пишу, даваю на лекторованє и вони лєм у 5-6 случайох у остатнїх двох рокох, 9 особи, мали гришки у насловох пре нєпознаванє одредзених правилох, я им правила пояшнєл и вони нє гриша тераз. Ви єдини цо правице дар-мар.
У контактох зоз єдну Емилию зоз сербскей вики (ище у часох кед зме робели у такволаним Инкубатору, изоловани од главней Википедиї) вона ми и таке написала
Ваш песак је Ваш приватни простор за вежбу и то нико неће дирати док не затражите помоћ. Помоћ можете затражити од ментора, или можете да упитате на Википедијином Тргу (идите скроз горе лево на главној страни; то мислим да знате како да урадите јер на тај начин сам ја и ступила у комуникацију с Вама тако што сам прочитала нешто на тргу)
а потим ми Емилия написала и тото
...било ми је јако интересантно што сте поменули инкубатор, па сам погледала о чему се ради. Лично сматрам инкубаторе изузетно занимљивим и корисним пројектима, вероватно из разлога што омогућавају управо оно што Ви радите. Е, што се песка тиче, ми сви пишемо у песку док не напишемо, а онда замолите некога (на истој оној страници за Помоћ) да то што сте написали провери и дâ коментаре и помогне, и када је све у реду, онда ће пребацити и постати чланак. Таква је процедура.
У првој поруци коју сте добили имате неколико линкова путем којих можете да прочитате упутства. Можете да се обратите уреднику који вас је контактирао, кликом на "разговор" иза његовог имена. Он у супротном неће видети овај одговор, морате да га обавестите да сте му одговорили. А можете и да тражите помоћ на Тргу. Важно је само да разумете да то није да неко има нешто прогив Вас, већ да је то правило које важи за све нас. (На инкубатору можете да пишете директно вероватно зато што то није доступно великом броју читалаца, док, с друге стране све што се напише у "главном простору" на Википедији је директно доступно целом свету и видљиво на Гуглу, па се зато не дозвољава да се то тамо постави док се не среди.)
Надам се да сам бар мало помогла. Можете да ми се обратите уколико имате питања. - Емилија
Кед на таки способ предлужице робиц вец, випатра, будзем мушиц увесц таки строги процедури як цо маю Серби. То будзе назадованє од того яку тераз шлєбоду маме.
