Прейдз на змист

Редитель

Материял зоз Википедиї

Редитель лєбо режисер то уметнїцке, авторске занїманє у обласци виводзацкей уметносци як цо то филм, театер, радио. телевизия. Редитель то особа хтора на авторки способ водзи, унапрямує, координує, контролує процес хтори ше вола предпродукция (пририхтованя), продукция (реализация, виводзенє) и постпродукция (повязованє часцох, ушорйованє, монтажа) аудио-визуелного лєбо сценского дїла.[1]

Редитель координує роботу уметнїцкого дїла, дава ґлумцом упутства о своїх задумкох способу ґлуми у даєдних сценох, тиж и другим автором лєбо руководительом секторох напр. о ошвиценю и знїманю, стилу и файти музики и вообще характеру аудио „слики”. Редитель тиж може, а найчастейше участвує у процесох вибору ґлумцох за улоги, ушорйованю лєбо заменки поєдиних часцох сценария, ушорйованю - монтажи радиофонскей, телевизийней часци дїла лєбо филма за їх конєчну верзию.[2] Редителє у складзе зоз своїм характером, авторским стилом и договарку зоз продуцентом участвую подполно, часточно, лєбо вообще нє участвую у подполносци, у одредзених аспектох твореню дїла.[3]

У векших филмских продукцийох случує ше же сцени хтори менєй значни препущує помоцней екипи и другому редительови.

Театрални редитель то особа хтора идейно и орґанизацийно поставя театрални фалат на сцену. Тиж участвує у обдумованю сценского аранжованя представох, и „одвичательни” є за шицки аспекти сценскей дїї и роботу зоз ґлумцами.

Радиофонски редитель то мено за радийского редителя. Вєдно зоз ґлумцами, музичнима сотруднїками, фаховцами за звучни ефекти и тон-майстрами твори „звучну слику“ радио драми. У случаю же ше роби о телевизийней програми на живо, за редителя ше хаснує и назва реализатор. Тота назва означує и менши авторски уплїв редителя на дїло. Редитель як реализатор авторски менєй креира а вецей зазначує цо ше збува у дїлу.

Спрам закону Европскей униї, редитель аутор филма,[4] алє то нє правило у велїх шветових кинематоґрафийох.

Редитель филму дава напрямки ґлумцом и екипи и твори вкупну визию през хтору ше филм на концу реализує лєбо приказує. Филмски режисер єдно зоз главних занїманьох у уметносци филма, [5] водзаци учашнїк у процесу твореня филму, одвичательни є за уметнїцку, ґлумецку и сценску цалосну компоненту у филму.[6]

Обласци филмскей режиї

[ушориц | ушор жридло]

Постоя три обласци филмскей режиї: бавени, документарни и анимирани филми.

Перши настал и сцигол од редителя Ґеорґеса Мелиєса. Филмски творителє документарних филмох цагаю свойо походзенє од братох Лумиєр — перша явна проєкция отримана у Паризу 22. марта 1895. року. Пред зявеньом звучного биоскопа, главни задаток редителя бул поставянє ґеґох и пантомими. Преношенє емоцийох и бешеди з помоци ґестох и пластичносци рухох. Познати филмски редителє того часу: Чарли Чаплин, Бастер Китон. Перше знїманє и филмски емисиї у Русиї отримани уж 1896. року. У СССР-у редитель бу Серґей Айзенштайн. Зоз зявеньом звучного филма у биоскопох, редитель додал анґажованє на роботох постановки сценох и диялоґу, музики и дизайну звука (рижни акциї: крочаї, улїчни звуки итд.), Тоти иновациї ше удали зоз сотруднїцством и участвованьом композиторох и тонского инженєра. Соунд трака знята одвоєно и вимагала окремну повагу при твореню филма.

Традицийно, одвичательносц директора уключує:

- Одредзованє главней идеї дїла – значни задаток (пренєсц публики, цо потребно же би патрач зрозумел);

- Утвердзованє вкупного уметнїцкого стилу филма;

- Имплементация сценария;

-Креативна интеракция зоз кинематоґрафом;

- Режия ґлумцох, як у мизансценских, так и по стилу ґлуми и других виражайних средствох;

- Контрола и провадзенє филмскей монтажи [7].

Режисере ребно же би були у можлївосци балансовац у розликох и креативних визийох и потрудзиц ше остац у рамикох буджета (финансийох).

Режисерка драга - як постац режисер

[ушориц | ушор жридло]

Же би дахто постал филмски режисер, тей особи муши прейсц през велї „драги”. Даєдни филмски режисере започели як сценаристи, кинематоґрафoве, продуценти, монтажере филму лєбо ґлумци. Сходно тому, други филмски редителє закончели школи за филм.

Режисере хасную розлични приступи у роботи. Даєдни даваю общи план и допущую ґлумцом же би импровизовали диялоґ, док други контролую кажди аспект и вимагаю же би ґлумци и екипа точно шлїдзели упутства. Даєдни режисере тиж пишу власни сценариї лєбо партнерски длугорочно сотрудзую на писнаю сценарийох. Даєдни режисере ушорюю лєбо ше зявюю у своїх филмох, або компоную музични партитури за свойо филми, Специфичне режированє як цо то циркуси итд.[8][9]

Филмски редитель барз завиши и од успишного сотруднїцства велїх розличних креативних поєдинцох зоз можлївима супротставянями, уметнїцкима идеалами и визиями, вони тиж муша буц схопни ришовац конфликти и поштредовац кеди ґод то потребно.[10] Так редитель обезпечує же би поєдинци уключени до филмскей продукциї робели на идентичней визиї за закончованє филму. Велї розлични виволаня зоз хторима ше муша зочовац, описани як „вецей димензийни коцочки зоз еґом и часових обставинох уруцени за добри намири“.[11] То доприноши прициску алє успих филма може уплївовац на будуце заєднїцке функционованє.[12]

Ґенерално, єдини надредзени режисерови то продуценти и студио хтори финансує филм, а дакеди редитель може буц и продуцент истогу филма.[13] Улога режисера ше розликує од продуцента по тим же продуценти часто управяю зоз лоґистику и роботнима операциями продукциї, док редитель задлужени за приношенє креативних одлукох. Редитель потребно же би робел у рамикох огранїченя буджету филму [14] и вимогох продуцента и студия (тиж потребно же би ше достала оцена филма).

Образованє

[ушориц | ушор жридло]

Велї филмски редителє нащивйовали филмску школу же би здобули диплому студийох зоз обласци филма. Студенти филма углавним уча основни схопносци хтори ше применюю и хасную у процесу знїманя филмох. До того уключене, напр. пририхтованє лїстини знїмкох и сценарийох, комуникация зоз професионалнима ґлумцами, комуникация зоз цалу екипу и читанє сценария.[15] Даєдни филмски школи опремени зоз звучнима сценами и обєктами за постпродукцию.[16]Попри основних технїчних и лоґистичних схопносцох, студенти тиж доставаю образованє о природи професийних одношеньох хтори ше зявюю у цеку филмскей продукциї. Студиї найчастейше тирваю 4-5 роки. Будуци редителє часто пред конєц студийох знєю и перши кратки филм. Филмски режисере часто самостойни и анґажовани су по проєкту на основу препорукох и репутациї у филмскей индустриї.[17] За надопольнєнє ше можу догвариц як паушалне надополнєнє за проєкт, як тижньову плацу лєбо на дньовим уровню. Заробки плацох редительох варирую од держави до держави у зависносци од розвитосци филмскей продукциї. Дзепоєдни вершински режисере можу наисце вельо заробиц од єдного добре знятого филма.

Награди

[ушориц | ушор жридло]

У швеце постоя барз вельо орґанизовани филмски фестивали за промовованє нових филмох; краткометрових и длугометрових и рижних жанрох. На фестивалох ше додзелюю числени награди за ґлуму, режию, сценоґрафию итд.

Жири 2014. року на филмским фестивалу у Кану

Постоя вельо розлични награди за филмску режию, хтори додзелюю рижни академиї, здруженя критичарох, филмски фестивали и цехи-компаниї.[18] Оскар за найлєпшу режию и награди филмского фестивалу у Кану за найлєпшу режию важа як найпрестижнєйши награди за режию,[19]а постої аж и награда за найгоршу режию хтора ше додзелює у цеку Golden Raspberry Awards. (Награда златна малина).

Литература

[ушориц | ушор жридло]

Референци

[ушориц | ушор жридло]
  1. ↑ rezija, Hrvatska enciklopedija www.enciklopedija.hr.
  2. ↑ Режиссер-постановщик: роль, права.Известные режиссеры-постановщики монатека, библиотека полезных народных статей. Дата обращения: 18 февраля 2019 Weybmach Maschine
  3. ↑ (fim, television, radio, or stage)”.Government of Western Australia Department of Training and Workforce Development. Архивирано из ориґинала 09. 05. 2013. p.
  4. ↑ TV or film director National Careers Service.United Kingdom 30. 07. 2017. p.
  5. ↑ Шабалина Т. РЕЖИССЕР Архивная копия от 6 января 2012 на Wayback Machine — Энциклопедия «Кругосвет»
  6. ↑ Режиссёр // Театральная энциклопедия (под ред. С. С. Мокульского). — М.: Советская энциклопедия, 1961—1965. — Т. 4.
  7. ↑ Режиссёр // Театральная энциклопедия (под ред. С. С. Мокульского). — М.: Советская энциклопедия, 1961—1965. — Т. 4.
  8. ↑ Шабалина Т.РЕЖИССЕРАрхивная копия от 6 января 2012 на Wayback Machine — Энциклопедия «Кругосвет»
  9. ↑ Специфика цирковой режиссуры. Специфика цирковой режиссуры. Роль режиссера в цирке В мире цирка и эстрады. Дата обращения: Архивировано 23 февраля 2019 года.
  10. ↑ Функции режиссера в театре. Театральная этика studboors. Студенческая библиотека онлайн. Дата обращения: 18 февраля 2019. Архивировано 1 декабря 2016 года.
  11. ↑ Обязанности режиссера Уроки кино. Дата обращения: 18 февраля 2019. Архивировано 23 февраля 2019 года.
  12. ↑ Producers and Directors :Occupational Outlook Handbook". Bureau of Labor Statistics. Archived from the original on February 5, 2023. Retrieved March 3, 2013. directors work under a lot of pressure, and most are under constant stress to find their next job.
  13. ↑ filmschools.com Monster.com Archived from the original on April 10, 2022. Retrieved February 3, 2019
  14. ↑ Producers and Directors Do U.S. Bureau of Labor Statistics. Archived from the original on February 5, 2023. Retrieved March 3, 2013. directors work under a lot of pressure, and most are under constant stress to find their next job.
  15. ↑ Directing DrpartmenLondon Film School Archived from the original on 2013-02-17. Retrieved March 3, 2013. Classes supporting this area discuss and rehearse: preparation, shot lists and storyboards, blocking, protocols of dealing with professional actors, reading scripts, the construction of film sequence
  16. ↑ Film and Television Production BA HonoursUniversity of Westminster Archived from the original on May 9, 2013. Retrieved March 3, 2013. We operate from a purpose-built studio facility in Harrow, with two sound stages, a set construction workshop, and extensive post-production facilities.
  17. ↑ job-profiles/film-director Graduate Prospects directors cut. Archived from the original on December 11, 2019. Retrieved December 11, 2019.
  18. ↑ Sofia Coppola scoops Cannes Best Director prize for The BeguiledIrish Independent May 29, 2017. Archived from the original on January 14, 2020. Retrieved January 14, 2020.
  19. ↑ Staszczyszyn, Bartosz (May 19, 2018) Paweł Pawlikowski Wins Best Director At Cannes 2018Culture.pl from the original on January 14, 2020. Retrieved January 14, 2020.
Превьате зоз "https://rsk.wikipedia.org/w/index.php?title=Редитель&oldid=8951"