Рапсод

(Венециy) Рапсод Dyандоменика Тиепола

Рапсод (греч. ῥαψῳδός, у зависносци ῥάπτειν — шиц/складац и ᾠδή — писнї) то, у старей Греческей, путуюци рецитатор лєбо шпивач епских писньох зоз провадзеньом на музичним инструменту лира.

Рапсоди першенствено рецитовали Гомерово епи и то за плацу на дворох велїкана з нагоди шветочносцох, поготов под час Олимпийнких бавискох и Панатенейох (значни швета). Пре тото о нїх исновало думанє же су демиюристи, професийни рецитаторе. Рапсоди були удружени до еснафох — рапсодийских здруженьох. Їх сталежска ознака була палїчка (греч. ραβδος), хтору ношели зоз святочну шмату, облєчивом а кед наступали, на глави ношели ловоров венєц.

Архаична вазна на хторей флаутиста и рапсод зоз часу 490-480. року п. н. е.

Походзенє їх мена находзи ше у технїки „шпиваня”, надовязованя окремних писньох до єдней цалосци. За розлику од своїх предходнїкох: Аеда, рапсоди нє виводзели свойо власни писнї. Заш лєм, кед рецитовали напамят научени Гомерово епски писнї (еои), вони их меняли, та до нїх укладали и свойо суґестиї, свойо думки. И у других културох постоя свойофайтово еквиваленти рапсоду, як цо то бардова, скалдова, минстрела, гуслара, и подобне.

Рапсод тиж може, пообчено, значиц особу хтора составя писнї.

Литература

• Обнорский, Николай Петрович Рапсоды //Энциклопедический словарь Брокгауза и Ефрона: в 86 т. (82 т. и 4 доп.). — СПб., 1890—1907.

• Рапсод // Литературная энциклопедия терминов и понятий / Под ред. Николюкин, А. Н. - Институт научной информации по общественным наукам РАН: Интелвак, 2001. — Стб. 855. — 1596 с. — ISBN 5-93264-026-X.