Равне Село


Равне Село
Православна цeрква у Равним Селу
Административни податки
Держава	Сербия
Автономна покраїна	Войводина
Управни округ	Южнобачки
Општина	Вербас
Жительство
—2022	2.701
—густосц	51/km2
Ґеоґрафски характеристики
Координати	45° 26′ 58″ С; 19° 37′ 13″ В
Часово зони	UTC+1 (CET), влєце UTC+2 (CEST)
Абс. висина	87 m
Поверхносц	52,9 km2
Равнe Село Равне Село на мапи Сербиї
Инши податки
Поштове число	21471
Поволуюце число	021
Реґистерска ознака	VS

Равне Село (по руски Шова; серб. стара назва Шове; нєм. Alt-Schowe) населєнє у општини Вербас, у Южнобачком округу, у Сербиї. Спрам Попису зоз 2022. мало 2.701 жительох.

История

По єдней верзиї приповеданя валал постоял ище у 15. вику, док ше по другей трима же постал такой по селїдби Сербох, даґдзе коло 1695. року. Медзитим, перши писани жридла о валалє походза з конца 15. вику. Року 1590. Шова записана у турских тефтерох/кнїжкох як валал з дванац домами.

Року 1715, спрам попису бачких срезох, у Шови було 10 фамелиї. Скоро сиґурне же валал уж теди бул лоцировани на нєшкайшим месце. Того истого року ше з Банату приселєли даскельо фамелиї, так же Шова 1720. мала 19 доми, док уж 1722. ма 31 дом. Року 1725/26. Шова ма 25 фамелиї, 1728. 29 фамелиї, док 1734. ма 22 фамелиї. Мено того валалу писатель Бачкей жупаниї Само Боровски гвари же є потомок дакедишнєй фамелиї Шомви. Назва населєня Шомва найскорей од презвиска дворяна Йована др Шомви, хтори од Матиї и Софиї Дереш достал на початку 16. вику єдну часц Шомви.

Медзи 1746. и 1758. роком Шова уведзена як пустара; 1760. року на коморскей (ґеоґрафскей) мапи Шова приказана як место на сиверним боку потоку Шири-Шаки, дзе жила 51 фамелия, и то сербска. Медзи 1744. и 1777. з Коцура ше преселєли скоро шицки сербски фамелиї. Жадаюци з Коцура направиц грекокатолїцке и католїцке место, коморски власци розказали най ше Серби з Коцура преселя до Шови и Обровцу. У Шови було 1783. року 82 доми, а уж 1786. було 136 доми.

Спрам Попису зоз 1893. Стари Шови мали 2.136 жительох хтори бивали у 352 обисцох, од того числа Сербох було 1.436, Нємцох 653, Мадярох 15 и других 32. Шови прежили даскельо колонизациї хтори орґанизовала Габзбурґска монархия, починаюци од Мариї Терезиї (1740–1780) и присельованя нємецких тарґовцох, та прейґ колонизацийох хтори орґанизовал єй син Йосиф II (1780–1790).

Нємци ше до Старих Шовох приселєли 1786. року. Вони 1788. напущели Стари Шови и основали Нови Шови.

Демоґрафия

У населєню Равне Село жию 2.737 полнолїтни гражданє, а штредня старосц жительства виноши 39,8 роки (38,7 при хлопох и 40,8 при женох). У населєню єст 1.136 обисца, а штреднє число членох по обисцу 3,06.


Демоґрафия ^[1]
Рок	Жителє
1948	4.046
1953.	4.362
1961.	4.378
1971.	3.814
1981.	3.636
1991.	3.579	3.505
2002.	3.478	3.523
2011.	3.107


Етнїчни состав спрам Попису 2002. року ^[2]
Серби	2.702	77,68%
Чарногорци	274	7,87%
Горвати	33	0,94%
Македонци	25	0,71%
Югославянє	20	0,57%
Роми	15	0,43%
Мадяре	11	0,31%
Словаци	7	0,20%
Руснаци	4	0,11%
Нємци	4	0,11%
Українци	2	0,05%
Бошняци	2	0,05%
Словенци	1	0,02%
Муслиманє	1	0,02%
Нєпознате	256	7,36%

Вонкашнї вязи

Витерняк у Равним Селу

Референци

↑ „Књига 9”. Становништво, упоредни преглед броја становника 1948, 1953, 1961, 1971, 1981, 1991, 2002, подаци по насељима (PDF). webrzs.stat.gov.rs. Београд: Републички завод за статистику. мај 2004. ISBN 86-84433-14-9.
↑ Књига 2”. Становништво, пол и старост, подаци по насељима. webrzs.stat.gov.rs. Београд: Републички завод за статистику. фебруар 2003. ISBN 86-84433-01-7.

[1] „Књига 9”. Становништво, упоредни преглед броја становника 1948, 1953, 1961, 1971, 1981, 1991, 2002, подаци по насељима (PDF). webrzs.stat.gov.rs. Београд: Републички завод за статистику. мај 2004. ISBN 86-84433-14-9.

[2] Књига 2”. Становништво, пол и старост, подаци по насељима. webrzs.stat.gov.rs. Београд: Републички завод за статистику. фебруар 2003. ISBN 86-84433-01-7.

[1]

[2]