Професор

Професор то особа хтора ше занїма зоз преподаваньом одредзеного предмета у штреднєй школи, факултету лєбо на академиї. За преподаванє у штреднєй школи потребне условиє: закончени факултет и положени фахови испит хтори ше поклада после двох рокох отримованя настави у школи. Медзитим и после того професоре ше у континуитету усовершую прейґ семинарох, рижних преподаваньох хтори орґанизує Министерство образованя же би достали и отримовали лиценцу за роботу у настави. По Закону Р. Србиї и статуту школох о образованю, кажди професор после одредзеного часу и достаточних годзинох едукациї и усовершованя длужен покладац фахови испит за лиценцу.

За преподаваня на факултету лєбо академиї потребно (найчастейше) ступень образованя доктор науки и одредзене число наукових роботох.

Напредованє

Универзитетска кариєра у Републики Сербиї звичайно почина зоз позицию асистента. Асистент, як цо сама назва гутори, асистує професорови лєбо преподавачови, окончує або помага при виводзеню вежбох, а дакеди отримує преподаваня под контролу професора. Асистент нє може оценьовац студентох, и нє муши мац докторат алє лєм маґистратуру, лєбо у новшим чаше титулу мастер.

За шлїдуюци уровень напредованя потребни докторат (винїмок у уметносцох дзе маґистериюм найвисши уровень. У дзепоєдних державох мож здобуц и у уметносци докторат). То доцент цо еквивалент званю Assistant Professor зоз анґлийского бешедного подручя. За розлику од асистента, доцентови допущене самостойно отримовац преподаваня, випитовац студентох, буц супервизор наукових роботох и тезох. Можлїве же ше на истим предмету случи же у истим чаше буду рядови лєбо позарядови професор и доцент. Теди доцент у зависним положеню у одношеню на професора, алє ище вше є нєзависни, за розлику од асистента.

После штирох, пейцох або вецей рокох (винїмки ридки) и значного наукового доприношеня, доцент може буц вибрани за позарядового професора хтори еквивалент званю (Associate Professor) лєбо ревибраного званя доцента. Званє позарядового професора, нормално минимално потребне за вибор за декана факултета лєбо члена универзитетского совиту лєбо ректора. У процесу вибора позарядового професора, лєм члени Виборней ради, факултета хтори позарядови лєбо рядови професоре можу гласац.

После штирох лєбо пейцох рокох и значного наукового доприношеня, позарядови професор може буц ознова вибрани за исте званє лєбо може буц вибрани за найвисше академске званє на универзитету рядови – професор (Full-professor). Позарядови професоре виключени од дальших процесох вибору.

Титула емеритус (Emeritus) требала би буц найчастейше доступна малочисленим професором зоз вельким визначним академским и науковим доприношеньом, як и шицким бувшим ректором.

Вонкашня вяза

• Шта значи професор staznaci.com

• Šta radi profesor adorio.rs

• Profesor. Hrvatska enciklopedija