Пояс
Пояс то часц ризох хтору облєка священїк и владика. Тоту ризу ше облєка после облєченого стихару и епитрахилю (нашийнїка).
Пояс ушити зоз ризового платна, обшити є з ґалонами, на штредку ма ушити крижик, а на обидвох концох шнурки.
Практичне значенє поясу у тим, же би добре коло цела служителя тримал стихар и епитрахиль, та же би священїк, та и владика, бул комотнєйши у служеню. Символично означує Исусов пояс зоз хторим ше вон на Тайней вечери опасал пред тим як почал умивац ноги своїм апостолом. Опасованє з поясом означує и готовосц (порихтаносц) священїка и владики твардо ше прилапиц до священодїйства за хторе ше пририхтує. Твардо, шмело, одлучно, подполно.
При облєканю поясу священїк сам модлї, а при облєканю поясу владики диякон модлї одредзену молитву.
Литература
[ушориц | ушор жридло]- Дзвони, християнски часопис, май 2003, протоєрей ставрофор Йоаким Холошняй
- о. др Роман Миз, Церковно литурґийно литурґични лексикон, бок 248