Полутон
Полутон (ст.греч. ἡμιτόνιον, лат. semitonium франц. Demi ton, анґл. ton, анґл. semitone, ит. semitono, нєм. Halbton)[1] представя найменши розмак медзи двoма сушеднима тонами.
Окрем полутона, часто ше хаснує и вираз цали тон (серб. цео степен).[2] Два полутони даваю цали тон.
У музики восточних народох (поготов у Индиї) и у музичних фолклорох велїх народох наиходзиме и на менши розмак од полутона (1/4 тона) медзи двома сушеднима тонами; то микротони, микроинтервали.
Розпорядок цалих и полутонох у C-dur скали
[ушориц | ушор жридло]Розпорядок цалих и полутонох у C-dur скали випатра так:[3]
♦ цалитоново / цаликрочайово (цаликрок) рoзмаки находза ше медзи I-II, II-III, IV-V, V-VI, VI-VII ступньом, a
♦ полутoново / полукрочайово (полукрокови) розмаки находза ше медзи III-IV и VII-VIII ступньом.
Илустрацийни приказ розмакох цалих и полутонох у C-dur скaли Ступнї c - I d - II e - III f - IV g - V a - VI h - VII c - VII Цали (1) и полутони (1/2) 1 1 ½ 1 1 1 ½
Таки розпорядок цалих и полутонох находзи ше у диятонских скалох, односно у шицких дурских скалох зоз повисшовачками (♯) и знїжовачками (♭). Молски скали хторих єст три файти/типи маю иншаки розпорядох цалих и полутонох медзи ступнями, самим тим розлично и звуча.
Полутон може буц;
- диятонски полутон кед то природни розмак медзи сушеднима ступнями у скали (други тон з другим розличним меном од першого тона) напр.:
лєбо е-f, h-c, g - ♯f = g-fis, g- ♭a = g-as итд.) - хроматски полутон кед истоименни други тон повисшиме лєбо знїжиме напр.:
лєбо c -♯c = cis, g-♭g = ges, d- #d = d-dis итд.
Полутон як интервал
[ушориц | ушор жридло]
Полутон (ст.греч.: ἡμιτόνιον, лат.: semitonium) мож дефиновац и як музични интервал єднаки половки цалого тона, односно два полутони творя цали тон. Полутон то найменши интервал у традицийней европскей музики. „Музично-теорийнo“ полутон, похопени як структурови елемент диятонских и хроматских скалох, нє може ше звесц на єдну математично-акустичну вредносц. Тото цо музичаре-теоретичаре у рижних епохох наволовали зоз словом „полутон“ то нє єдина вредносц, алє ґрупа розличних вредносцох-нумеричних вредносцох.
Проблем виучованя ,,велькосци'' полутона єден зоз найдискутованших теорийних трактатох о музики од антики по запровадзованє ровномирней темперованей системи (кед полутон страцел на значеню пре микротони).
Литература
[ушориц | ушор жридло]
- Полутон Музыкальная энциклопедия. — М.: Советская энциклопедия, 1978. — Т. 4. — С 370. — 976 бок.
- A manual of harmony for use in music-schools and seminaries and for self-instruction, p. 165.Theodore Baker, trans. G. Schirmer.
- Haluska, Jan (2003). The Mathematical Theory of Tone Systems, p. xxiv. ISBN 0-8247-4714-3. Overtone semitone.
Вонкашня вяза
[ушориц | ушор жридло]- Полустепен дидактична писня, youtube.com
- Šta je stepen i polustepen (1:55) Видео презентация (язик: сербски) youtube.com
Референци
[ушориц | ушор жридло]- ↑ Властимир Перичић Вишејезични речник музичких термина
- ↑ Радивој Лазић - В. Перичић,,Основе теорије музике., Приступљено 23. 4. 2013.
- ↑ Stupanj i stepen u lestvici Osnove Muzičke Teorije by Nemanja