Подкова

Подкова то заокруглєни, найчастейше метални предмет у форми латинїчней букви U. Подкову ше кладзе на долню-вонкашню часц коньского копита зоз прибиваньом [серб. заптивање]. Тота часц копита нєчувствительна и могло би повесц же є подобна пазуром орлох або нохцом маймунох, аж и на людским нохцом. Подкова ше прилагодзує спрам велькосци, форми копита, ходу и роботи яку конь роби (оре, цага терху на кочу, участвує у обегованьох итд.) а тиж и спрам нєдостаткох кед же их копито ма.

Подкову на копито коньови кладзе - прибива коваль.

За коваля, хтори по одредзеним поступку - методи кладзе коньови подкову на копита, гвариме же вон кує коня або кед ше поступок закончел же подковал коня. Зоз способом кованя, коньске копито ше щици од щухованя и трошеня копита. Tиж, добре подковани конь ма сиґурни, стабилни ход, а зоз тим є витримовнєйши у окончованю роботох. Форма, чежина и грубина подкови може значно уплївовац на ход коня. Ковалє можу направиц прилагодзуюци подкови же би помогли коньом зоз проблемами напр. косцох, або мишицох у ногох. ^[1]

Нєшка ше подкови правя зоз композитних материялох, а тиж и зоз ґуми.

Амайлия

Витрошени подкови, хтори уж нє за хаснованє, часто людзе прибивали на удзверя уходних дзверох, як талисман. ^[2] Верели же подкова приноши щесце, а одганя зло.^[3]

Народни руски писнї

У руских народних писньох часто описани конь або конї, а тиж и ковалє хтори кую конї, як и у писнї Дому, шугай, дому:

Дому, шугай, дому, дому вас волаю

вашо конї врани яшля вириваю.

Ша най вириваю, так су научени

ютре буду орац як други кармени...

Цошка анї коваль конї ми нє кує,

анї ми ковалька нїч нє обецує... итд

Подкови
Коваль кує коня
Алат за подкованє коньох

Литература

Potkova. Hrvatska enciklopedija. Leksikografski zavod Miroslav Krleža. 2015
Маркина Л. Г., Муравлёва Е. Н., Муравлёва Н. В. ПОДКОВА // Культура Германии: лингвострановедческий словарь: свыше 5000 единиц / под общ. ред. Н. В. Муравлёвой. — М.: АСТ, 2006. — б. 451—452. — 1181 б. — ISBN 5-17-038383-5.
Basalla, G.: "The Evolution of Technology", Cambridge University Press, Cambridge, 1988.

Вонкашнї вязи

Podkovica na sreću: arheologija superstitije i kulturalni transfer simbola library.rs
Smith, Lindi (18 January 2019). "The Legend Behind Horseshoes For Good Luck Involves The Devil Himself". Wide Open Country. Retrieved 13 August 2019.
Cohen, Rachel. "The History of Horseshoes". Equisearch.com. Archived from the original on 6 March 2012. Retrieved 19 November 2011.

Референци

↑ Ensminger, M. E. Horses & Tack: A Complete One Volume Reference on Horses and Their Care. Rev. edn Boston: Houghton Mifflin Co., 1991, ISBN 0-395-54413-0, бок. 267–269.
↑ Dudvarski, Aleksandra (09. 05. 2018). „Potkovica – moćna kućna amajlija”. Magična zona. Архивирано из оригинала 03. 10. 2023. г. Приступљено 10. 09. 2023.
↑ "Superstition Bash: Horseshoes". Committee for Skeptical Inquiry. 13 January 2004.

[1] Ensminger, M. E. Horses & Tack: A Complete One Volume Reference on Horses and Their Care. Rev. edn Boston: Houghton Mifflin Co., 1991, ISBN 0-395-54413-0, бок. 267–269.

[2] Dudvarski, Aleksandra (09. 05. 2018). „Potkovica – moćna kućna amajlija”. Magična zona. Архивирано из оригинала 03. 10. 2023. г. Приступљено 10. 09. 2023.

[3] "Superstition Bash: Horseshoes". Committee for Skeptical Inquiry. 13 January 2004.

[1]

[2]

[3]