Пипка
Пипка (серб. лула, всл. pipka„исте“: z pipki še kuri; поль. pipa „исте“, карп.укр. пипка „исте“, рсй. пипка „исте“, од мадь. pipa „исте“, тото од стр.в.нєм. Pfife; нєм. Pfiefe „пущалка, цива“ – прибор за куренє догану. Куриц доган на пипку було познате ище у його жеми походзеня – у Америки. Куриц на пипку у Европи бул найрозширенши способ хаснованя догану по другу половку 19. вику, кед превладали циґаретли. Пипки були часто, коло основней наменки, барз богато украшени и служели як статусни символ, предмет колекционерства богатших людзох.
Предлужена часц пипки ше вола пипосар (серб. 1. чибук, камиш; 2. лула, всл. рipasar „исте“, од мадь. рipaszár „исте“, горв. cigaretnik): Я од нього пипку брал, а вон ме упекол, а я себе думал: Я влапим за пипосар, нє будзе ме печиц.
Фразеолоґия
[ушориц | ушор жридло]Будзеш ти гризц пипосар! – Останєш ти без того/дачого: нє будзеш куриц и уживац у догану, лєм будзеш гризц цивку
Куриц на пипку/на пипки – серб. пушити лулу
Тераз гриже пипосар – Секира ше
Литература
[ушориц | ушор жридло]- Словнїк руского народного язика , О – Я, Нови Сад 2017, б. 150-151
- Руско-сербски словнїк, Нови Сад 2010, б. 529
Вонкашнї вязи
[ушориц | ушор жридло]- Чибук' Википедија на српском језику, sr.wikipedia.org, 18. октобар 2013.
- Камиш. Викиречник, sr.wiktionary.org
- Лула. Википедија на српском језику, sr.wikipedia.org, 5. септембар, 2013.
- Anatomija lule, Piperson Smoking Pipe Longue.