Пеструшка
| Пеструшка | |
|---|---|
 | |
| Наукова класификация | |
| Царство: | Animalia |
| Тип: | Chordata |
| Класа: | Actinopterygii |
| Ряд: | Acipenseriformes |
| Фамилия: | Salmonidae |
| Род: | Salmo |
| Файта: | S. trutta |
| Биномне мено | |
Salmo trutta - morpha fario Linnaeus
| |
Пеструшка, беш. пастрмка (лат. Salmo trutta — morpha fario) швидка слатководна риба котра жиє у бистрих, чистих и швидких потокох и водох, а припада фамилиї Salmonidae.
- Латинска назва: Salmo trutta — morpha fario
- Максимална длужина: 85 cm
- Максимална маса: до 15 kg
- Час руцаня икри: од октобра до януара
Опис и збудова
[ушориц | ушор жридло]Потокова пеструшка ма векшу главу зоз тупим носом, велькима устами и барз оштрима зубами. Пирка єй заокруглєни и моцни и досц широки. Хрибет єй у зависносци од бивальнїк цможелєни, цмошиви або цмокафови, а дакеди цалком шиви. Боки єй обично желєнкасти або жовкави, а брух стрибернїсти, жовкави або блядошиви. Ма красне и пропорционалне цело и учишлює ше до добрих и швидких плївачох.
Пеструшка ше препознава по червених або чарних точкох по целу. Червенкасти точки обично ма дакус менєй и можу буц у преливима од пламенїсточервеней до ясно червеней фарби. Под час руцаня икри фарби поставаю интензивнєйши, моцнєйши и красши. Тота цо жиє у плїтших водох, дзе дно шлюнковите, ма обично яснєйши фарби, а кед є у глїбших водох, або пещерох, скоро є чарна. Млади пеструшки ше од старших розликую по фарби, а стаємну фарбу доставаю аж после двох рокох.
Навикнуца, бивальнїк, розширеносц
[ушориц | ушор жридло]Поеструшка жиє у швидких, бистрих потокох, зоз шлюнковитим або писковитим дном. Скрива ше под коренями древох, каменьом або повимиваних часцох побрежя. Люби жимну воду богату з оксиґеном.
Розмножованє
[ушориц | ушор жридло]Пеструшка ше тре (руца икру), у зависносци од клими, од октобра до конца фебруара. Самец и самица, зоз хвостом и главу, вигребу дзиру на одвитуюцим месце — на шлюнковитим дну глїбоку коло 20 cm до хторей самица положи 500 до 3000 ваїчка икри, и самец их такой оплодзи. Ваїчка помаранчецовей фарби вельки коло 5 mm. За коло два мешаци зоз икри ше вилягню рибчата. Самица постава полно узрета од другого до трецого року.
