Першняк

Першняк (серб. пршњак; од перши, праслав. рьrsь и pьrsi) - кожух (без рукавох): першняк бул зоз овчей скори и зафарбени на чарно лєбо на жовто. Же би руки були шлєбодни при роботи, рукави нє мал. Припада хлопскому а и женскому облєчову. Облєкало ше го так же ше праву руку удзало, а на лївим боку од пазухи по долу и на плєцу ше капчал зоз трома або штирома скорянима ґомбичками. Квачки зоз хторима ше капчало ґомбичку тиж були скоряни. На предку и на задку першняк бул длугши, викрати на округло, а лєм на клубох бул дакус кратши. На даєдних першнякох коло рубца (крайох) була бундичка повипущована зоз нукашнього боку, так же то бул єдини украс. Красши першняки були на першох вишивани. Нєшкайши першняки ше капчаю на предку.

Майстрове цо правели першняки волали ше кушнїре.

Литература

• Словнїк руского народного язика II, О – Я, Нови Сад 2017, б. 144.

Вонкашня вяза

• Znate li šta su ćurak, kožuh, opaklija, pršnjak? I ko ih pravi? argoklub.rs sr.wikipedia. org