Пентакорд
Пентакорд (зоз старогреческого πέντε — пейц и χορδή — струни) то пейцступньова скала у обсягу интервала квинта [1][2][3]. У узшим смислу, термин ше хаснує за означованє сеґмента диятонскей скали зоз огранїченьом пейц тонох хтори творя интервал квинту. Тиж може представяц и акорди на каждим ступню составени зоз пейцох тонох.[4]
Опис
[ушориц | ушор жридло]
Пентакорд забера штреднє положенє медзи старогреческима тетракордами и ґвидонским (по теоретичарови Ґвидови зоз Ареца) хексакордом нє лєм лоґично, алє и историйно: пентакорд ма централну улогу у вчасноштредньовиковним трактату (лат. Musica enchiriadis, преклад: „Учебнїк музики“) [5][6].
Диятонски пентакорди
[ушориц | ушор жридло]У шлїдуюцей таблїчки (дзе „Т ” диятонски цали тон, а „ п” диятонски полутон), представени шицки файти пейцступньових сеґментох диятонскей скали зоз прикладами у диятонских скалох и модусох (по прикладу билих клавишох на клавиятури).
Приклад у одредзених скалох зоз структуру цалих и полутонох:
| Мено скали | Структура цалих (Т)
и полутонох (п) |
Приклад |
|---|---|---|
| Дурска | Т Т п Т | од До по Сол |
| Молска | Т п Т Т | од Ля по Ми |
| Фриґийска | п Т Т Т | од Ми по Си |
| Лидийска | Т Т Т п | од Фа по До |
| Локрийска | п Т Т п | од Си по Фа |
Други значеня терминох
[ушориц | ушор жридло]Од 20. вику, термин „пентакорд“ ше хаснує у литератури у вязи зоз гоч хторим пейцступньовим системом. Окреме ше у науковим лексикону етномузиколоґох розвила пракса означаваня амбитуса (звучно пошорованого обсягу формованого интервала) зоз язичну конструкцию як цо то „пентакорд у сексти“, „пентакорд у септими“ (пообщене - поликорд у обсягу интервала).
Вираз „пентакорд у сексти“ дакеди ше одноши на скали пентатонского роду, у хторих представени
шицки пейц ступнї.[7]
Нотни и звучни приклад на правим боку:
Пентакорд у теориї тоналних класох
[ушориц | ушор жридло]По теориї Ален Форте (Allen Forte) тоналних класох, композицийно релевантни множества (ґрупи) тоналних класох наволую ше тетракорди, пентакорди, хексакорди итд. Теория тоналних класох ше першенствено хаснує за анализу дїлох шлєбодней тоналносци и шлєбодней атоналносци, алє тиж находзи применку у обласци серийней музики. Напр., Клавирски композициї II и III Карлгайнца Штокгаузена наменєни за пентакорди. У дзепоєдних теорийох музиколоґиї, термин пентакорд у обласци такв. теориї множества висшей класи (енг. pitch-class set theory) означує, респективно, множества зоз пейцох звукох (опатриц Теорию множества висшей класи).[8]
Опатриц: тетракорд
Литература
[ушориц | ушор жридло]- В. А. Вахромєєв. Музична енциклопедія.
- Рубцов Ф. А. Основы ладового строения русских народных песен. — Ленинград: Музыка, 1964.
Вонкашня вяза
[ушориц | ушор жридло]- pentachord im Online-Musiklexikon von musikwissenschaften.de, abgerufen am 27. Mai 2020.
Референци
[ушориц | ушор жридло]- ↑ Лебедев: «В совр. музыкознании термином «П.» обозначают любой 5-ступенный звукоряд в объёме квинты независимо от используемой звуковой системы и от строя музыкального (в такой
- ↑ Музыкальный энциклопедический словарь, 1990: «ПЕНТАХОРД (от греч. - пять и - струна) - пятиступенный звукоряд в пределах ч. квинты».
- ↑ Вахромеев, 1978, 2) Гаммообразная последовательность 5 ступеней разл. ладовых образований.
- ↑ БСЭ, 1975:«в музыке пятиступенный звукоряд диатонического лада в пределах чистой квинты, а также гаммообразная последовательность пяти смежных ступеней диатонического звукоряда».
- ↑ Willi Apel: Harvard Dictionary of Music. Reprint der überarbeiteten und erweiterten 2. Auflage, Heinemann Educational Books, London 1976, Eintrag „Pentachord“.
- ↑ «В трактате "Musica enchiriadis" (кон. 9 в.) П. - осн. теоретич. модель, позволяющая перейти от тетрахорда древних к "Гвидонову" гексахорду (GS I, 152-154, 174-175)».
- ↑ Коротаева, 2018. б. 58—59: «В первой строфе бортнического заклинания мелодический контур развивается в рамках пентахорда в сексте (G–A–H–d–e) с главной опорой лада на нижней ступени пентахорда (G)».]
- ↑ Roeder, John. 2001. "Set (ii)." The New Grove Dictionary of Music and Musicians, second edition, edited by Stanley Sadie and John Tyrrell. London: Macmillan Publishers.