Пасарайтов
Пасарайтов (х. род) то плєцени и дакус векши и ширши кошар елипсовей, лєбо округлей форми. Бул виплєцени зоз ручками за хтори ше могло тримац кед ше го ношело. Потребно наглашиц же бул вельо плїтши (10-15 центиметри) од кошара, односно виплєцени з вербового пруца о даскельо шорики. Пасарайтов ше хасновал у руским обисцу за рижни наменки.
- За сушенє овоцох, пресушованє вимитого маку и подоб. (с. кошар „комловар”): Премити мак ше длуго пресихал на слунку на пасарайтове.
- Давно на свадзбох ше у пасарайтове (док ше нє послуговало полудзенок лєбо вечеру) чувал нарезани хлєб, так го у пасарайтове (лєбо елипсовим глїбшим кошаре) ношели ґу порихтаним свадзебним столом два особи и кладли нарезани фалатки хлєба на столи.
Фразеолоґия
Слово пренєшеного значеня:
„нєузрети, нєдороснути чловек, зазрак, фильков”: Нє будз „пасарайтов” – гвари ми ...
Глава як ~ „велька глава”: Од тих думох, знаце, думам же ми глава як пасарайтов.
Нє можем я тельо попаметац, озда я нє мам главу як пасарайтов.
Литература
[ушориц | ушор жридло]Словнїк руского народного язика II том О-Я, Нови Сад 2017, бок 129-130