Парк природи Зобнатица
| Парк природи Зобнатица | |
|---|---|
 Попатрунок на парк природи Зобнатица, IUCN катеґория = V, защицени копнови/водови предїл | |
| Место |  Сербия |
| Найблїзши варош | Бачка Тополя |
| Основане | 1976 рок |
| Управне цело | Сербия |
Парк природи Зобнатица защицене природне добро у Сербиї, у општини Бачка Тополя, у Сивернобачким округу.
Характеристики
[ушориц | ушор жридло]Парк природи Зобнатица оддалєни од Бачкей Тополї лєм 5 км. Зобнатица польопривредне и туристичне добро на котрим ше находзи:
Парк природи, стара турня фамелиї Терлеева, Зобнатицке озеро, витерняк, остатки старого парку, археолоґийни находзиска и мала зоолоґийна заграда. Витерняк тиж у околїску Бачкей Тополї, нєдалєко од озера.
Каждого року Зобнатица ма коло 35000 нащивительох. Место ше визначує зоз своїм туристичним потенциялом и дава идеални можлївосци за уживанє у чистим воздуху, шпацираню, воженє бициґли у природи, лову и риболову, весланє на чамцох-каякох по озеру, шедланє коньох.
Зобнатица преглашена за парк природи 1976. року, а 1998. року достала статус националного парку за птици. На тим подруч'ю ше окреме визначує озеро котре ше находзи при Бачкей Тополї, чия вода єдна з найчистейших у Войводини, и котре понука окремни пребувалїща ридким файтом водожемцох, шмикачом, цицаром. Свой дом ту маю 148 файти птици, з котрих 75 припадаю файтом хтори правя гнїзда.[1]
Любителє лову на подруч'ю Зобнатици можу уживац у своїх активносцох на поверхносци 2537 гектари, а за тих хтори любя лапац риби ту ше находзи єдно зоз найбогатших озерох зоз рибу у Войводини, поверхносци 250 гектари.
До туристичного комплексу Зобнатици ше учишлює и фамелийни маєток Терлева котри 1882. року вибудовал властелин Дюла Терлеи. У маєтку ше находзи Каштель Терлеи и розпатрачнїца.
Зобнатица позната и по ерґели коньох котра основана 1779. року. [2] Цали комплекс ерґели Зобнатица залапює коньски хлїв зоз коло 100 гарлами анґлийскей полнокревней раси, гиподром[3] и други терени за шедланє и тренинґи. Ту ше находзи и єдинствени музей конярства основани 1896. року.[4] Парк природи Зобнатица защицене природне добро у Сербиї у општини Бачка Тополя у Сивернобачким округу.
Ґалерия
[ушориц | ушор жридло]-
Парк зоз птицами -
Парк природи Зобнатица -
Зобнатицке озеро -
Ерґела при Зобнатици -
Попатрунок на Парк природи -
Парк, озеро при Зобнатици -
Памятнїк, Зобнатица -
Зобнатица -
Каштель Зобнатица (тераз хотел)
Литература
[ушориц | ушор жридло]- Мала енциклопедија Просвета (3 изд.). Београд: Просвета. 1985.ISBN 978-86-07-00001-2.
- Марковић, Јован Ђ. (1990). Енциклопедијски географски лексикон Југославије. Сарајево: Свјетлост.ISBN 978-86-01-02651-3.
Вонкашня вяза
[ушориц | ушор жридло]- Зобнатица Архивирано на веб-сајту Wayback Machine (1. април 2022) www.zobnatica.rs
Референце
[ушориц | ушор жридло]- ↑ Park prirode Zobnatica www.kartasrbije.com
- ↑ Ergela i škola jahanja Архивирано на веб-сајту Wayback Machine (26. јул 2018) www.zobnatica.rs
- ↑ Hipodrom Zobnatica www.google.com/maps
- ↑ Muzej Архивирано на веб-сајту Wayback Machine (5. август 2018) www.zobnatica.rs