Парк природи

Парк природи то защицене подруче, простор добре очуваних природних характеристикох хидроґрафиї, педолоґиї, флори и фауни, а тиж так и ґеоморфолоґийних и ґеолоґийних характеристикох релєфу. На тим просторе преовладую природни екосистеми и пременки зведзени на минимум а вельку улогу ма и екотуризем^[1]. Перши парк природи основани 1932. року у погранїчним просторе Польскей и Словацкей, под назву Пєнински парк природи^[2].

Медзинародна дефиниция

Парк природи, у хиєрархийним смислу, на нїзшим уровню од националного парку, подобносци медзи нїма єст вельо, а розликую ше у шлїдуюцим^[3]:

● Управянє зоз парком природи зверене єдинки локалней самоуправи (општина, варош, реґия)

● Парк природи на уровню защити IV, V, VI катеґориї спрам правилох Медзинародней униї за защиту природи

● Число нащивительох нє нужно огранїчене

● Наменка,окрем защити природи, може буц и рекреативно-туристична

У Сербиї спрам закону у парку природи забранєна кажда привредна и друга дїялносц, а тиж так и кажде дїлованє хторе би на даяки способ уменшало вредносц и характеристики парку. Мири защити, файти привредних дїялносцох и хаснованє природних вредносцох у парку природи ше детальнєйше утвердзую зоз актом о преглашеню защиценого подруча^[4]

Парки природи у Сербиї

Найстарши парки природи на просторе Сербиї, преглашени штредком 1970-их рокох, а то: Панония (1974) и Зобнатица(1976). Сигевачка клисура преглашена як парк природи 1977, а озеро Палич 1982. року.

У Сербиї єст вкупно 22 парки природи ^[5] а три хтори у поступку защити то Полой (сиверни Срим), Букински храстик (општина Бачка Паланка) и Мойстирско-драшки гори (часц горского венцу Проклетиє). Наймладши, односно, остатнї преглашени парк природи Вельки Ястребац (централна Сербия) 2024. року^[6].

Почитац:

Референци

↑ Nature Park » What is a Nature Park?”. naturpark-zillertal.at. Приступљено 08.04.2026.
↑ Pieniny, first International landscape Park in Europe , www.pieniny.sk.Приступљено 08.04.2026.
↑ „Differences between natural parks and national parks: keys and protection”, en.renovablesverdes.com. Приступљено 08.04.2026
↑ „Паркови природе”, zzps.rs. Приступљено 08.04.2026.
↑ Централни регистар заштићених природних добара, zzps.rs. Приступљено 08.04.2026.
↑ „Проглашен Парк природе „Велики Јастребац”, srbija.gov.rs. Приступљено 08.04.2026.

[1] Nature Park » What is a Nature Park?”. naturpark-zillertal.at. Приступљено 08.04.2026.

[2] Pieniny, first International landscape Park in Europe , www.pieniny.sk.Приступљено 08.04.2026.

[3] „Differences between natural parks and national parks: keys and protection”, en.renovablesverdes.com. Приступљено 08.04.2026

[4] „Паркови природе”, zzps.rs. Приступљено 08.04.2026.

[5] Централни регистар заштићених природних добара, zzps.rs. Приступљено 08.04.2026.

[6] „Проглашен Парк природе „Велики Јастребац”, srbija.gov.rs. Приступљено 08.04.2026.

[1]

[2]

[3]

[4]

[5]

[6]