Панаґия

Панаґия (греч. παναγία, од παναγίος, παν- + αγίος — найшветлєйша) то образ Господа Исуса Христа, або його мацери Богородици Мариї, намальовани на металу, звичайно з емайл-технїку, округло‒длуговастей форми, доокола богато украшени з филиґраном. Панаґию, часц ризох, хтора виши на ланцущку, ноши владика на своїх першох.

Даєдни владикове висшого положеня ноша и два панаґиї, а тиж ю можу ношиц и монахи висшого положеня (архимандрити).

Панаґия ше, як и наперсни крест, ноши на першох, a означує же єй ношитель ма нєпреривно мац Христа у своїм шерцу, же би го потим цо успишнєйше усадзовал до шерцох своєй пастви.

При кладзеню панаґиї на перша владики, диякон модлї за тот чин одредзену молитву, а за другу панаґию другу молитву.

Литература

• Дзвони, юний 2003. рок, протоєрей ставрофор Йоаким Холошняй
• о. др Роман Миз, Церковно литурґийно литурґични лексикон, бок 226

Вонкашня вяза

• Панагија, sr.wikipedia.org