Павле Жилник
| Павле Жилник | |
|---|---|
| (портрет) | |
| Народзени | 6. юния 1920. |
| Умар | 2006. |
| Державянство | югославянске, сербске |
| Школа | |
| Универзитет | Архитектура, Беоґрад Архитектонски оддїл Технїчного Универзитету, Будапешт |
| Период твореня | 1946—1991. |
| Поховани | |
| Припознаня | Октоберска награда городу Нови Сад за 1966. рок
добитнїк Табаковичовей награди |
| Уметнїцка робота | |
| Напрям | модернизем, постмодернизем |
| Найважнєйши дїла | спомнути у тексту |
Павле Жилник (*6. юний 1920—†2006), архитекта, универзитетски професор, перши добитнїк Табаковичовей награди за архитектуру ДaНС
Биоґрафия
[ушориц | ушор жридло]Павле Жилник народзени 6. юния 1920. року у Новим Садзе у фамелиї лїкара Янка Жилника и мацери Францишки родз. Стоянович. У родзеним варошу Павле достал основне и штреднє образованє. Студиї архитектури Павле Жилник почал у Беоґрадзе, а на початку Другей шветовей войни прешол до Будапешту дзе, после штирох рокох студийох, абсолвовал на Архитектонским одсеку Технїчного Универзитету. Дипломовал 1949. року у Беоґрадзе.
Павле Жилник бул у малженстве зоз Милицу, родз. Ґаврилович. У малженстве мали дзивку Зорицу.
У своїм фаху Павле Жилник почал робиц ище 1946. року у Оддзелєню за будинки АП Войводина. Концом 1977. вибрани є за доцента Академиї уметносцох у Новим Садзе дзе робел у свойстве позарядового професора одкадз пошол до пензиї 1991. року. Остатнї 20 роки активней роботи у архитектури Павле Жилник вецей часу пошвецовал педаґоґийней роботи, алє ридши були тоти цо знали же Жилник барз любел и почитовал уметносц, окреме малярство и скулпторство.
У своїм фаху, як архитекта, Павле Жилник проєктовал административни, дїловни, погосцительни и квартельни обєкти:
◆ ресторани на Иришким венцу, у Каменїцким парку и новосадским Рибарцу. Тоти обєкти представяли у свой час приклад тедишнього модернизма дзе схопно Жилник комбиновал розлични материяли: древо, камень, скло и цеглу.
◆ вон препознати и як архитекта котри проєктовал даскельо будинки новинско видавательних хижох формуюци их дискретно алє зоз препознатлївим арихитентонско естетским виразом. Аутор є проєкта Студия М у Новим Садзе, Новинско видавательней хижи Форум тиж у Новим Садзе и новосадского Дневника, новинско видавательней хижи Нашо слово у Зеници, Новинско видатвательней установи Руске слово у Руским Керестуре.
◆ задружни доми у Вербаше и Тителу,
◆ Ґинеколоґийну клинїку у Новим Садзе,
◆ ентериєр Малей и Велькей сали Скупштини Войводини,
◆ памятнїк НОБ у Сурдуку,
◆ даскельо квартельни обєкти у Новим Садзе,
◆ будинки основних школох у Сенти, Томашевцу, Беочину, Коцуре.
◆ автор є архитектонских ришеньох радио релейох на Червеним и Чарним Чоту, добудови будинку Радио Нового Саду,
◆ церкви у Ґосподїнцох и Лишнї
Павле Жилник добитнїк вецей друштвених припознаньох од котрих Октоберска награда городу Нови Сад за 1966. рок. Павле Жилник бул перши добитнїк Табаковичовей награди котру додзелює Дружтво архитектох Нового Саду.
Павле Жилник умар 2006. року.
Ґалерия
[ушориц | ушор жридло]Литература
[ушориц | ушор жридло]- М. Крстоношич, Врхунска акустика, Дневник 25. новембер 1965.
- В. Миторвич, Архитекта Павле Жилник, каталоґ вистави, Нови Сад 1995.
- В. Митрович, 10 роки Табаковичовей награди за архитектуру,каталоґ вистави, Нови Сад 2006.
Вонкашнї вязи
[ушориц | ушор жридло]- 1995 – Pavle Žilnik, Nagrada arhitekture Đorđe Tabaković
- Pavle Žilnik, Novi Sad 1995, Tabakovićeva nagrada za arhitekturu, DaNS
- Жилник Павле, Лексикон српских архитеката ХIХ до ХХI века
- Академија уметности у Новом Саду 1974-2004, storage.akademija.uns.ac.rs
- Novi život spomenika revolucije: Ogoljena lepota, Biznis&finansije, bif.rs, 19. јун 2012
- Нашлїдство познатого архитекти, Фес, ruskeslovo.com, 26. новембер 2017.
- Павле Жилник, Доприношенє Руснацох розвою Нового Саду, аудио сериял, Новинарска асоцияция Руснацох, продукция 2016.